|
Yüksək ixtisaslı elmi-pedaqoji kadr hazırlığı pedaqoji prosesin tərkib hissəsi kimi. Ali məktəbdə yüksək ixtisaslı elmi- pedaqoji kadrların – elmlər namizədləri və elmlər doktorlarının hazırlanması məqsədli xarakter daşıyır. Məqsəd isə ali məktəbdə pedaqoji prosesə yüksək səviyyədə xidmətdən ibarətdir. Müxtəlif cəhətdən isbat olunmuşdur ki, mütəxəssisin elmi dərəcəsi artdıqca pedaqoji prosesin səviyyəsi yüksəlir. Elmlər doktoru, adətən, elmlər namizədindən daha səmərəli fəaliyyət göstərir. Elmi səviyyəsi və pedaqoji səriştəsi yüksək olan elmlər doktorunun məsuliyyəti də artır, nəticə olaraq, onun yetirmələri xeyli fərqlənir.
Yüksək ixtisaslı elmi-pedaqoji kadrların pedaqoji prosesdə müstəsna rolunu nəzərə alan ali məktəblər elmlər namizədləri və elmlər doktorları hazırlamaq işini daim diqqət mərkəzində saxlayır və ona hərtərəfli köməklik göstərirlər.
Dostları ilə paylaş: |
