Musiqa o‘qitish metodikasi va maktab repertuari

IKKINCHI SINFDA YIL MAVZUSI: 
«MUSIQA NIMANI IFODALAYDI VA TASVIRLAYDI» 
I chorak: «Yakkanavozlik, jo‘rnavozlik, jo‘rsozlik». 
II chorak: «Yakkanavozlik va yakkaxonlik cholg‘u va xonandalar dasturi». 
III chorak: «Kuy nima? Kuyda nima ifodalanadi?» 
IV chorak: «Musiqaning ifoda vositalari». 
O‘qituvchi dars rejasini ushbu mavzular asosida tuzib, ularni birbiri bilan 
uzviy bog‘lab olib borishi zarur. 
Mavzuni mustahkamlash uchun savollar: 
1. Ikkinchi sinf o‘quvchilari qanday psixologik va fiziologik harakatga ega 
bo‘ladilar? 
2. Ikkinchi sinfda musiqa o‘qitishning maqsad va vazifalari nimalardan 
iborat? 
3. Ikkinchi sinfda qo‘shiq o‘rgatishni o‘ziga xos xususiyatlarini aytib bering. 
4. Ikkinchi sinfda qanday qo‘shiqlar o‘rgatiladi? 
5. Ikkinchi sinfda qanday asarlar tinglanadi? 
Tayanch tushunchalar 
Musiqa nazariyasi – musiqa tahlili, ijrochiligini o‘rgatuvchi fan. 
Musiqa tarixi – Musiqa san’atining paydo bo‘lishidan hozirgi zamonga 
qadar taraqqiyoti. 

---

72 
Vokal – xor mashg‘uloti – yakka holda ansambl va xor bilan jamoa bo‘lib 
ashula aytish. 
LABORATORIYA MASHG‘ULOTI 2-SINF UCHUN 
NOANANAVIY BIR SOATLIK DARS ISHLANMASI 
MAVZU : «KUY NIMA? KUYDA NIMALAR 
IFODALANADI?» 
Darsning mavzusi: «Kuy nima? Kuyda nimalar ifodalanadi?» 
Darsning maqsadi: O‘quvchilarni mustaqil fikrlash, erkin so‘zlash, 
o‘zining mehnati bilan ko‘proq natijaga erishishga o‘rgatish. 
Darsni jihozlash: Reja-konspekt, 2-sinf uchun darslik, rasmlar, tarqatma 
kartochkalar, test savollari.
Darsning turi: Noan’anaviy. 
Darsning borishi: O‘quvchilar bilan salomlashib, davomatni aniqlayman. 
O‘quvchilarga bugungi darsimiz noan’anaviy tarzda, o‘yin shaklida 
o‘tilishini tanishtirib o‘taman. Buning uchun turli xil rasmli kartochkalar 
yordamida sinf o‘quvchilarini uch guruhga bo‘lib, maxsus tayyorlangan partalar 
atrofiga o‘tkazaman. Uch guruhni gullar tasvirlangan kartochkalar yordamida 
nomlayman. 
I guruh: «Rayhon» guruhi. 
II guruh: «Lola» guruhi. 
III guruh: «Binafsha» guruhi. 
Har bir guruhda (7-8 tadan o‘quvchi bo‘lishi mumkin). 
O‘quvchilarga o‘yin shartlari va mezonlari tushuntiriladi. Har bir guruh 
belgilangan vaqtda, berilgan topshiriqni shoshmasdan o‘ylab ko‘rib, fikrlab, 
hamjihat bo‘lib savollarga javob berishi kerakligini eslatib o‘taman. Javoblar 
quyidagicha baholanadi: 
5 ball – qizil kartochka (to‘g‘ri, to‘liq, tez javob uchun). 
4 ball – yashil kartochka (to‘g‘ri lekin to‘liq emas). 
3 ball – oq kartochka (javobda kamchiligi bor). 

---

73 
O‘yinimiz uch shartdan iborat bo‘ladi. 
Shunday qilib 1-shart bilan tanishtiraman. 
Aqliy hujum texnologiyasi: fikriy bog‘liqlik, xotira, mantiqni shakllantirish 
uchun. 
Uch guruh uchun sharlar ichiga savollar solib doskaga ilib qo‘yaman (har bir 
guruh uchun 3 tadan savol solingan sharlar). Har bir guruhdan bittadan 
o‘quvchilarni navbat bilan doskaga chiqarib, sharni yorib, savolga komanda bilan 
muhokama qilib javob berish uchun topshiriq beraman.