Mustaqil talimi

O‘ZBEKISTON RESPUBLIKASI OLIY VA O‘RTA MAXSUS TA‘LIM VAZIRLIGI


ANDIJON DAVLAT UNVERSITITETI
TARIX FAKULTETI TARIX TALIM YONALISHI
301 -GURUH TALABASI ASHUROV OLIMJONNING


O’ZBEKISTON TARIX FANIDAN TAYYORLAGAN


MUSTAQIL TALIMI
ANDIJON -2022


MAVZU:1917-1991-YILDA QORAQALPOGISTON VA SSR
Reja


Kirish
1. 1917-1924 yillarda Qoraqalpog‘iston.
2. Qoraqalpog‘istonda sanoat qurilishi va uning muammolari.
3. Qishloq xo‘jaligining majburan kollektivlashtirilishi.
4. Qoraqalpog‘iston ASSR urush yillarida
5. Qoraqalpog‘iston 1946 – 1991 yillarda
Xulosa
Foydalanilgan adabiyotlar

Kirish
Qoraqalpogiston Respublikasi — O’zbekiston Respublikasi tarkibidagi respublika. 1924 yil 14 oktyabrda Turkiston ASSR tarkibida Muxtor viloyat sifatida tashkil etilgan. Qoraqalpog‘iston Muxtor viloyati tashkil etilgandan so‘ng, sovetlar bu erda ham sotsialistik qurilishni avj oldirib yubordilar. Jumladan ovul va qishloqlarni sovetlashtirish keng miqyosda olib borildi. Sovetlarga batrak va kambag‘allar saylanib, ularning asosiylarini kommunist va komsomollar tashkil qildi. Mamlakatda vayron bo‘lgan sanoatning turli soxalari, qishloq xo‘jaligi va sug‘orish ishlarini tiklash amalga oshirildi. Qoraqalpog‘iston iqtisodiyotining taraqqiyoti bir tomonlama xususiyatga ega bo‘lib, SSSRning markaziy mintaqalari sanoatini rivojlantirish extiyojlarini ta’minlashga qaratilgan edi.

Muxtor viloyat sanoatining etakchi tarmoqlarini paxta tozalash va baliq-konserva zavodlari tashkil etar edi. Sanoatni yuksaltirish bilan bir qatorda qishloq xo‘jaligining barcha soxalarini rivojlantirishga ham katta e’tibor qaratildi va bu erga ko‘p miqdorda qishloq xo‘jalik anjomlari keltirila boshlanib, boy va ruhoniylardan tortib olingan erlar xisobiga ersiz va kam erli dehqonlar er bilan ta’minlandi. Urush yillarida avtonom respublika front uchun 284 ming tonnadan ortiq paxta, 78 ming 700 tonna don, 15200 tonna go‘sht, 571 ming tonna yog‘, 609 tonna jun, qariyb 100 mingta qoraqo‘l teri, 622,3 tonna baliq, 200 mln shartli bankada konserva, shuningdek, boshqa ko‘pgina mahsulotlar etishtirib berdi. Bundan tashqari, urushning dastlabki kunlaridanoq Qoraqalpog‘iston mehnatkashlari mudofaa fondi uchun 10 mln so‘mdan ortiq pul va obligatsiyalar to‘pladilar. Dehqonlarning shaxsiy xonadonlaridan mudofaa fondiga 25,5 tonna jun, qariyb 5 ming tonna don, 228,6 tonna go‘sht va boshqa ko‘pgina mahsulotlar topshirildi.