N muradullaev, Q. R. Rahmonov, T. S. Burxonov, N. Sh. Umarov yer monitoringi
Davlat yer monitoringini o’tkazish asoslari va tuzilmasi
Yüklə 1,23 Mb. Pdf görüntüsü
|
|
Davlat yer monitoringini o’tkazish asoslari va tuzilmasi
O‟zbekiston Respublikasining barcha yerlari, ularning huquqiy rejimi, foydalanish maqsadi va harakteridan qat‟iy nazar yer monitoringining ob‟ekti 11 hisoblanadi. Monitoring yerlardan foydalanish maqsadini hisobga olgan holda olib boriladi va yer fondi toifalarga muvofiq bo‟lgan quyidagi kichik tizimlarga bo‟linadi: - qishloq xo‟jaligi maqsadidagi yerlar monitoringi; - aholi punktlari yerlari monitoringi; - sanoat, transport, aloqa, mudofaa va boshqa maqsadlardagi yerlar monitoringi; - tabiatni muhofaza qilish, sog‟lomlashtirish, rekreaksion maqsadlardagi yerlar monitoringi; - tarixiy-madaniy maqsadlardagi yerlar monitoringi; - o‟rmon fondi yerlari monitoringi; - suv fondi yerlari monitoringi; - zaxira yerlar monitoringi. Hududiy qamrab olinishga ko‟ra yerlarning respublika, mintaqaviy va mahalliy monitoringi amalga oshiriladi. Respublika monitoringi O‟zbekiston Respublikasining butun hududini qamrab oladi. Mahalliy monitoring alohida yer uchastkalari va manzara - ekologiya komplekslarni qamrab oladi. Yerlarning holati o‟zgarishlarning yo‟nalishi va jadalligiga oid bir qancha izchil kuzatishlarni (davriy, mavsumiy, sutkalik) taxlil qilish, olingan ko‟rsatkichlarni yerlarning sifat holati me‟yorlari bilan taqqoslash orqali baholanadi. Yer holatini baholash ko‟rsatkichlari muayyan davr yoki sana uchun ham absalyut ham nisbiy ko‟rsatkichlarda (o‟lchov birligida) ifodalanadi. Yerlar holatini baholash natijalariga ko‟ra tezkor ma‟lumotlar, axborotlar, prognozlar va tavsiyanomalar tuziladi, ularga o‟zgarishlar, ayniqsa salbiy o‟zgarishlarning dinamikasini, ularning yo‟nalishini va jadalligini tavsiflovchi mavzuli haritalar, kartogrammalar, jadvallar va diagrammalar ilova qilinadi. Yer monitoringi O‟zbekiston Respublikasi Yer resurslari, geodeziya, kartografiya va davlat kadastri davlat qo‟mitasi tomonidan manfaatdor Vazirliklar, Davlat qo‟mitalari va idoralar ishtirokida ishlab chiqarilgan va tasdiqlanadigan 12 yagona uslub bo‟yicha olib boriladi, bu uslub yerlarning holatini tezkor va muntazam kuzatishlarni amalga oshiruvchi, tadqiqotlar, tekshirishlar o‟tkazuvchi yoki haritalovchi barcha korxonalar va tashkilotlar uchun majburiy hisoblanadi. Idoraviy mansubligidan va mulkchilik shakllaridan qat‟iy nazar yerlarni mavzuli haritalovchi va ularning holatini kuzatuvchi korxonalar muassasalar va tashkilotlar yer resurslari bo‟yicha tegishli xizmatlarga ularning vakolatlari doirasida yerlarning miqdor va sifatlovchi holati to‟g‟risidagi ma‟lumotlarning yer monitoringi va davlat yer kadastri bo‟yicha axborotlar kiritish uchun ko‟rsatilgan ishlar bo‟yicha materialllarning nusxalarni tekin beriladi. O‟z navbatida yer resurslarini bo‟yicha xizmatlarni ham yerlarni mavzuli haritalovchi va ularning holatini kuzatuvchi korxonalar, muassasalar va tashkilotlarga ularning so‟roviga binoan zarur materiallarni tekin beradilar. Yer monitoringi yagona klassifikatorlar, kodlar, metrik birlik tizimi, ma‟lumotlarning standart formatlari va me‟yoriy - texnik baza, koordinatalar va balandliklar davlat tizimiga asoslangan turli xil ma‟lumotlarning bir - birlariga mosligi prinsipiga rioya qilgan holda amalga oshiriladi. Yer monitoringi o‟tkazishda zarur axborotlarni olish uchun quyidagilar qo‟llaniladi. - masofadan turib zondlash (aerokosmik suratga olish va kuzatishlar); - yerda suratga olish va kuzatish; - fond materiallari. - dron materiallari. Muddatlari va davriyligiga ko‟ra yerlarning holatini 3 ta guruh kuzatishlar amalga oshiriladi: - bazaviy (yer monitoringini yuritishning dastlabki bosqichida kuzatish ob‟ektlarining haqiqiy holatini qayd etuvchi boshlang‟ich) kuzatishlar; - davriy (yillik va bir yillik ustidagi davrlar bo‟yicha) kuzatishlar; - tezkor, (joriy o‟zgarishlarni qayd qiluvchi) bir yildan kam oraliq davrda muntazam yoki bir yo‟la bajariladigan kuzatishlar. Ekin maydonlari dalalar, uchastkalar, manzara ekologiya komplekslar holatini 13 bevosita kuzatishda olingan bazaviy ma‟lumotlar tumanlar, shaharlar qo‟rg‟onlar, viloyatlar, Qoraqalpog‟iston Respublikasi va umuman O‟zbekiston respublikasi bo‟yicha shuningdek aloxida tabiiy komplekslar bo‟yicha umumlashtiriladi. Yerlarning bazaviy va davriy monitoringi: - Qoraqalpog‟iston Respublikasi viloyatlarida - Qoraqalpog‟iston Respublikasi va viloyatlar yer resurslari va davlat kadastri boshqarmalari; - Toshkent shahrida – Yer resurslari va davlat kadastri boshqarmasining yer tuzish va ko‟chmas mulk kadastri davlat korxonasi tomonidan yuritiladi. Yerlarning monitoringi bazaviy va davriy monitoringi ma‟lumotlardan foydalanilgan holda: - shaharlar va qo‟rg‟onlarda - Yer resurslari va davlat kadastri boshqarmasining tuman va shahar yer tuzish va ko‟chmas mulk kadastri davlat korxonasi tomonidan yuritiladi; - respublikaning qolgan hududlarida yer resurslari va davlat kadastri bo‟limlari tomonidan yuritiladi. Qoraqalpog‟iston Respublikasi va viloyatlar yer resurslari boshqarmalari Toshkent shahar yer resurslari va davlat kadastri boshqarmasi Davlat tabiatni muhofaza qilish qo‟mitasining hududiy organlari bilan birgalikda har yili 1 fevraldan kechiktirmay davlat hokimiyati mahalliy organlariga, O‟zbekiston Respublikasi Yer resurslari davlat qo‟mitasiga, Davlat tabiatni muhofaza qilish qo‟mitasiga mintaqadagi yerlarning holati to‟g‟risida axborotlar (hisobotlar) taqdim etadilar, o‟ta xavfli va yo‟l qo‟yilishi cheklangan jarayonlar aniqlangan taqdirda tezkor ma‟lumotlar yuboradilar. Korxonalar, tashkilotlar, muassasalar va jismoniy shaxslar yer monitoringi ma‟lumotlaridan belgilangan tartibda haq to‟lagan holda foydalanadilar. Yer monitoringini yuritish bo‟yicha ishlar davlat byudjeti mablag‟lari hisobiga amalga oshiriladi. Yer monitoringi bo‟yicha davlatlararo va xalqaro dasturlarni mablag‟ bilan ta‟minlash O‟zbekiston Respublikasining boshqa davlatlar va xalqaro tashkilotlar bilan tuzadigan bitimlari va shartnomalarida belgilanadigan tartibda amalga oshiriladi. |