69
maqsadga muvofiq emas. Ularni vaqtinchalik yopish yoki boshqa gorizontlarga
o‗tkazish kerak.
Yuqori debitga qatlamda bosimning minimal sarfi, quduq tubi zonasi va quduq
stvolida olish mumkin. Quduq tubi zonasi qatlamdagi bosim sarfini kamaytirish
uchun qatlamni o‗qli va o‗qsiz perforatsiya yoki torpedalash yordamida ochish,
quduq tubi zonasini gilli eritma va sement qoldiqlaridan tozalash, qatlamni xlorid
kislota va ftor kislotasi aralashmalari bilan qayta ishlash, qatlamni gidravlik yorish
ishlarini amalga oshirish kerak.
Qatlam va quduq tubi zonasidagi bosim yo‗qotilishi qanchalik kam bo‗lsa,
o‗zgarmas depressiyada quduq debiti shunchalik yuqori bo‗ladi.
Quduq minimal depressiya bilan ishlatilganda quduq tubi va qatlam tag suvlari
ko‗tarilishi oldini olish mumkin.
Siqilgan gazning qatlam energiyasini ratsional ravishda ishlatish kerak. Quduq
konstruksiyasi, quduq diametri va favvora quvurlari diametri (agar zaruriyat bo‗lsa),
quduqni ishlatishda minimal energiya sarfini ta‘minlashi kerak.
Gaz konlarini ham huddi neft konlari singari kompleks loyihalashtirish kerak.
Bu loyiha konning geologik o‗rganilganligi, gazodinamik hisob-kitoblar, texnologik
va iqtisodiy tahlillardan kelib chiqqan holda amalga oshirish kerak.
Dostları ilə paylaş: