Нахчыван Мухтар Республикасы Бястякарлар

Bəstəkarlar Şəmsəddin Qasımov istedadlı tarzən  
Zeynalabdin Babayevlə birlikdə 
 
Şəmsəddin  Qasımov  xor  üçün  də  bir  sıra  iri  həcmli  əsərlər 
yazmışdır. Onun Naxçıvanlı şair Hüseyn Razinin sözlərinə  yazdığı, 
görkəmli  yazıçı,  dramaturq  Cəlil  Məmmədquluzadəyə  həsr  etdiyi 
«Mirzə Cəlil» kantatası böyük estetik-emosional təsiri ilə seçilir.  
Daim  yaradıcılıq  axtarışında  olan  bəstəkar  səhnə  əsərlərinin 
taleyi, onların musiqi tərtibatı məsələsini də bir problem kimi qarşıya 
qoyur və  bu sahədə  səmərəli  fəaliyyət  göstərir.  Hələ 1970-ci  illərdə 
Naxçıvanda  fəaliyyət  göstərən  «Gənclik»  xalq  teatrında  o, 
Q.Fiqeyrodonun  «Ezop»,  Ə.Haqverdiyevin  «Bəxtsiz  cavan», 
H.Cavidin  «Ana»,  B.Vahabzadənin  «Yollara  iz  düşür»,  S.Axun-
dovun  «Məhəbbət  nişanəsi»  və  s.  kimi  onlarla  tamaşaya  orjinal 
musiqi bəstələmişdir. 
Naxçıvan  Dövlət  Musiqili  Dram  Teatrı  ilə  sıx  yaradıcılıq 
əlaqələri saxlayan Şəmsəddin Qasımov bu illər ərzində Rəsul Rzanın 
«Bir  gün  də  insan  ömrüdür»  (rejissor  Vəli  Babayev),  Mirzə  Fətəli 
Axundovun  «Hacı  Qara»  (rejissor  Tofiq  Seyidov),  Anarın  «Sizi 

---

 
93 
deyib gəlmişəm» (rejissor Kamran Quliyev), Hüseyn Cavidin «Topal 
Teymur»  (rejissor  Kamran  Quliyev),  Mərkəz  Quliyevin  «Qarğanın 
iflası»  (rejissor  Ələkbər  Qasımov),  Həmid  Arzulunun  «Ərsizlər  və 
arsızlar» (rejissor Kamran Quliyev) və s. tamaşalara yazdığı musiqi 
hadisələrin  məzmununu  və  dinamikliyini  açıqlayır,  ümumilikdə 
ssenarinin  tamaşaçılar  tərəfindən  emosional  şəkildə  qavranılmasına 
zəmin yaradır. 
Məlumdur ki, incəsənətin ən qədim növlərindən biri də  kukla 
teatrıdır.  Azərbaycanda  da  bu  teatrın  böyük  tarixi  vardır.  Əslində 
kukla teatrının ənənəvi, milli forması Azərbaycan xalqı içərisində də 
ən çox yayılmış tamaşa növlərindən biri sayılır. 
Adət-ənənyə  görə  Kukla  Teatrında  bir  neçə  kukla  oynadan 
aktyor və musiqiçi iştirak edir. Burada saz, kaman, təbil, qoşa nağara 
və  s.  kimi  Azərbaycan  alətlərindən  istifadə  olunur.  Bir  sözlə  kukla 
teatrının bütün növləri özündə musiqili səhnə hərəkətlərinin sintezini 
əks  etdirir.  Bəstəkar  Şəmsəddin  Qasımovun  1984-cü  ildə 
Azərbaycan  Nazirlər  Sovetinin  qərarı  ilə  yaradılmış  Naxçıvan 
Dövlət Kukla teatrındakı fəaliyyəti xüsusilə təqdirə layiqdir. Belə ki, 
teatrın  repertuarında  özünə  möhkəm  yer  tutan  Kəmalə  Ağayevanın 
«Məlik  Məmməd»  və  «Sirli  sözlər»,  Səməd  Canbaxışın  «Cik-cik 
xanım»,  Aybəniz  Ağayevanın  «Tənbəl  Əhməd»,  Vüsal  Rzayevin 
«Cəsus  dovşan»,  və  s.  kimi  kukla  tamaşalarına,  məktəblilərin 
zövqünü oxşayan onlarla əsərlərə musiqi yazmışdır. 
Şəmsəddin  müəllim  fəal  bəstəkarlıq  işi  ilə  bərabər  pedaqoji, 
ictimai  fəaliyyətini  Naxçıvan  Dövlət  Universitetinin  «İncəsənət» 
fakultəsində  davam  etdirir.  Onun  yaradıcı,  pedaqoji  ictimai 
fəaliyyətinə  nəzər  saldıqda,  Naxçıvan  musiqi  mədəniyyətinin 
inkişafı üçün çoxsəmərəli işlər gördüyünün şahidi oluruq. 

---

 
94