Нахчыван Мухтар Республикасы Бястякарлар
Yüklə 1,99 Mb. Pdf görüntüsü
|
|
KAMAL ƏHMƏDOV
Naxçıvan musiqi mədəniyyətinin inkişafında özünəməxsus xidmətləri olan professional bəstəkarlardan biri də Kamal Əhmə- dovdur. Onun musiqi əsərləri çoxcəhətli və məhsuldardır. Müstəqil yaradıcılıq yoluna qədəm qoyandan sonra onun yaradıcılığı müxtəlif mərhələlərdən keçərək inkişaf etmişdir. Kamal Əhmədovun həyat və yaradıcılıq yoluna diqqət yetirək. 97 Kamal Rüstəm oğlu Əhmədov1948-ci ildə Azərbaycanın qədim diyarı olan Naxçıvan şəhərində anadan olmuşdur. İlk musiqi təhsilini Naxçıvan şəhər 1 saylı uşaq musiqi məktəbinin tar sinfində, orta musiqi təhsilini isə Bakı şəhər Asəf Zeynallı adına Musiqi Texnikumunda almışdır. Həssas musiqi duyumu, fəal musiqi qavrayışı elə ilk anlardan özünü büruzə verən Kamal Əhmədov 1973-cü ildə Asəf Zeynallı adına Musiqi Texnikumunun xalq çalğı alətləri şöbəsinin tar sinfini bitirərək, işləmək üçün təyinatına əsasən Ordubad şəhərinin musiqi məktəbinə gedir. Bəstəkar tezliklə Ordubad şəhərinin mədəni həyatının inkişafında yaxından iştirak etməyə başlayır. O, ilk növbədə musiqi məktəbində xalq çalğı alətləri orkestri yaradır. Ordubadda ilk xalq çalğı alətləri orkestri sayılan bu kollektivlə Kamal müəllim müntəzəm surətdə məşqlər keçirir və az bir müddətə geniş konsert proqramı hazırlayaraq dəfələrlə bir çox konsert salonlarında, eləcə də Naxçıvan televiziyasında mütəmadi çıxışlar edir. Elə bu illərdə də Kamal Əhmədovda bəstəkarlıq sənətinə ma- raq yaranmışdır. Xalq çalğı alətləri orkestri üçün işləmələr və mahnılar onun yaradıcılığının ilk nümunələridir. Öyrənib-öyrətmək həvəsi gənc Kamalı Azərbaycan Dövlət Konservatoriyasına gətirir. İki il Ordubadda, bir il Naxçıvan musiqi məktəbində işlədikdən sonra 1976-cı ildə o, Üzeyir Hacıbəyli adına Azərbaycan Dövlət Konservatoriyasının xalq çalğı alətləri şöbəsinə daxil olur. Lakin bəstəkarlığa olan böyük həvəsi onu üç il sonra yenidən təhsil almağa sövq edir. O, Azərbaycan Dövlət Konservatoriyasının bəstəkarlıq şöbəsinə uğurla imtahan verir və bu ixtisas üzrə təhsilini davam etdirməyə nail olur. Respublikamızın görkəmli bəstəkarı, xalq artisti, professor Xəyyam Mirzəzadənin sinfində bəstəkarlıq sənətinin sirlərini mənimsəyir, eyni zamanda dünya musiqi korifeylərinin klassik və müasir səpkili əsərlərini 98 xüsusi öyrənir. Hələ konservatoriyada təhsil alarkən Kamal Əhmədovun bir neçə maraqlı əsərləri yaranır. Belə ki, konservatoriyada keçirilən konsertlərdə onun bir sıra əsərlərinin ifası da musiqisevərlərin rəğbətini qazanır. Diplom işi kimi Böyük Simfonik Orkestr üçün yazdığı «Cavid» simfonik poeması təhsil illərinin ən mükəmməl və uğurlu əsəri husab oluna bilər. Əsər Azərbaycanın böyük şairi, dramaturqu Hüseyn Gavidə ithaf edilmişdir. Bəstəkar bu əsərdə orkestr alətlərinin tembr xüsusiyyətlərindən, musiqinin dramaturji inkişafından bacarıqla istifadə edərək polifonik səpkili əsas mövzu- nun müxtəlif kolorit və ritmik dəyişikliyə uğrayan inkişafı vasitəsilə nakam şairimizin ağır taleyini göstərməyə nail olmuşdur. Müəllif xalq musiqisinin elementlərindən, muğam intonasiya- larından istifadə edərək əsərin simfonik dilini zənginləşdirmiş, milli koloritlə Avropa musiqi koloritinin sintezini yaratmışdır. Təsadüfi deyil ki, bu poema 1988-ci ildə Ukrayna Respublikasının xalq artisti Aleksey Fedoseyoviç Qulyaniskinin idarəsilə Krım Dövlət Filarmoniyasının orkestri tərəfindən ifa edilmiş və orkestrin repertuarına salınmışdır. Musiqişünas Sokolik «Sovetskiy Krım» qəzetində əsərin uğur- lu ifası və özünəməxsus maraqlı bəstəkar manerası haqqında müsbət resenziya yazmaqla bərabər, müəllifi böyük istedada malik musiqiçi adlandırmışdır. 1985-ci ildə Azərbaycan Dövlət Konservatoriyasının bəstə- karlıq şöbəsində təhsilini başa vuran Kamal Əhmədov bəstəkarlıq yaradıcılığı yolunda əzmlə çalışır. O, Naxçıvana gələrək, burada yeni yaranmış Dövlət Filarmoniyasının Xalq Çalğı Alətləri Orkestrinin bədii rəhbəri və baş dirijoru vəzifəsinə təyin olunur. Bu illərdən başlayaraq bəstəkar yaradıcılığını xalq çalğı alətləri orkestri 99 ilə bağlayır, orkestr üçün müxtəlif janrlı orijinal əsərlər yazır, orkestr üçün işləmələr yaradır. Yüklə 1,99 Mb. Dostları ilə paylaş:
|