Namangan davlat universiteti tabiiy fanlar va geografiya fakulteti
Yüklə 159 Kb.
|
- Bu səhifədəki naviqasiya:
- 402-GURUH TALABASI ABDURAZZOQOVA NARGIZANING
- Mavzu: ADSORBSIYA Topshirdi: Abdurazzoqova. N. Qabul qildi: Abdullayev. N Reja
- 2. Adsorbtsion muvozanat. Adsorbtsiya issiqligi. Adsorbtsion muvozanat.
- Ko`mir g’ovagining radiusi Muvozanatning qaror topishi
- Adsorbtsiya
|
O`ZBEKISTON RESPUBLIKASI
OLIY VA O`RTA MAXSUS TA`LIM VAZIRLIGI NAMANGAN DAVLAT UNIVERSITETI TABIIY FANLAR VA GEOGRAFIYA FAKULTETI KIMYO YO`NALISHI 402-GURUH TALABASI ABDURAZZOQOVA NARGIZANING KALLOID KIMYO FANIDAN YOZGAN 
Mavzu: ADSORBSIYA Topshirdi: Abdurazzoqova. N. Qabul qildi: Abdullayev. N Reja: 1. Adsorbilanish xaqidagi umumiy tushunchalar. 2. Adsorbtsion muvozanat. Adsorbtsiya issiqligi 3. Qattiq jims sirtidagi adsorbilanish. 4. Freyndlix tenglamasi. 5. Lengmyurning monomolekulyar adsorbtsiya nazariyasi. 6. Adsorbentlar va ularning tavsifi. Ma`lumki, kolloid sistemalarning barcha xossalarini geterogenlik va disperslik yoki bu ikki asosiy belgilarning oqibatlari deb, qarash mumkin. CHunki, dispers sistemalarning geterogenligi yoki ko`p fazalik belgisi kolloid kimyoda fazalararo sirtlar, sirt qavatlar, ya`ni sirt xodisalar mavjudligini ta`minlovchi belgi sifatida namoyon bo`ladi. SHunga ko`ra kolloid kimyoda sirtda sodir bo`ladigan jarayonlarni o`rganish eng muxim vazifa deb qaraladi. Sirt xodisalarning eng muximlaridan biri adsorbtsiya jarayoni bo`lib, xatto dispers sistemalarning xosil bo`lishi ham shu jarayonlar bilan chambarchas bog’liqdir. Barcha dispers sistemalarda, dispers faza zarrachalari sirtida katta sirt energiya zapasi bo`ladi. Bu sirt energiya doim kamayishga intiladi, shuning uchun ham kolloid sistemalari beqarordir. Sirt energiyasini kamayishga olib keluvchi jarayonlardan biri suyuqlik yoki qattiq jism sirtida boshqa modda molekulalari, atomlari va ionlarining yig’ilish xodisasidir. Ikki faza chegara sirtida moddalarning kontsentratsiyalarini o`zgarishini adsorbtsiya deyiladi. Adsorbtsiya jarayonida qattiq yoki suyuq jism sirtida boshqa moddalar yig’iladi. O`z sirtiga boshqa modda zarrachalarini yutgan suyuqlik yoki qattiq jism adsorbent, yutilgan moddalar esa adsorbtiv deyiladi. Umuman qattiq jismga moddalarning yutilishi sorbtsiya deyiladi. Agar modda qattiq jism sirtiga yutilsa, bu xodisa adsorbtsiya (yoki o`zaro kimyoviy ta`sir ro`y bermasa, fizikaviy adsorbtsiya deb), uning ichki qismiga (butun xajmi bo`yicha) yutilganda esa absorbtsiya deyiladi. Agar modda geterogen sistemada bo`ladigan kimyoviy reaktsiya tufayli yutilsa, bu xodisa xemosorbtsiya deyiladi. Xemosorbtsiya jarayonida yangi faza vujudga keladi. Xemosorbtsiya ko`pincha qattiq jismning hamma xajmiga tarqaladi. Natron oxak bilan sul’fat angidridi orasidagi xemosorbtsiya bunga misol bo`la oladi. Xemosorbtsiya odatda qaytmas jarayon jumlasiga kiradi. Bu xolda adsorbtsiyaning issiqlik effekti kimyoviy birikmalarning xosil bo`lishi issiqliklariga yaqin keladi. Fizik adsorbilanishda quyidagi xollar kuzatiladi: 1) Adsorbtsiya deyarli katta tezlik bilan boradi. 2) Adsorbtsiya qaytar tarzda boradi. 3) Temperatura oshganda adsorbilanish kamayadi. 4) Adsorbtsiyaning issiqlik effekti, qiymat jixatdan suyuqlanish yoki bug’lanish issiqliklariga yaqin bo`ladi. Ba`zan o`z kritik temperaturasidan past temperaturada gaz sorbtsiya vaqtida qattiq jism g’ovaklarida kondensatlanib, suyuqlikka o`tadi. Bu xodisani kapillyar kondensatlanish deyiladi. Adsorbilanuvchi modda bir yoki bir nechta qatlamlardan iborat bo`lishi mumkin. SHunga ko`ra adsorbilanish monomolekullyar yoki polimolekulyar deb nomlanadi. Adsorbtsiya xodisasi qattiq jism bilan suyuq jism o`rtasida, qattiq jism bilan gaz o`rtasida, suyuqlik bilan gaz o`rtasida va bir-birida kam eriydigan ikki suyuqlik o`rtasida sodir bo`lishi mumkin. Adsorbent va adsorbtiv orasida ta`sir fizikaviy adsorbtsiya jarayonida adsorbtsion kuchlar natijasida vujudga kelishi mumkin: a) dispersion kuchlar b) induktsion kuchlar v) elektrostatik kuchlar va vodorod bog’lar natijasida vujudga keluvchi kuchlar. Umuman adsorbtsiya jarayoni yutuvchi va yutiluvchi moddalarning tabiatiga, temperaturaga, gazning bosimiga, adsorbentning solishtirma sirtiga bog’liq bulish bilan birga adsorbtivning eritmadagi kontsentratsiyasiga ham bog’liq. Fizik adsorbilanish izotermasi ham monomolekulyar, ham polimolekulyar bo`ladi. Kimyoviy adsorbilanish izotermasi esa monomolekulyar bo`ladi. Adsorbilanish qiymati adsorbilanuvchi moddaning sirtidagi kontsentratsiyani o`zgarishi bilan aniqlanadi va G-xarfi bilan belgilanadi. G-1 sm2 adsorbent sirtiga to`g’ri keladigan adsorbtivning mol’ miqdori bilan xarakterlanadi. Adsorbtsion muvozanat xolatida gaz fazadagi moddani kontsentratsiyasi muvozanat kontsentratsiyasi deyiladi. Eritmadagi erigan moddaning adsorbilanishini aniqlash uchun quyidagi formuladan foydalaniladi. n(N0-N) G ------------- mSsol bu erda G-adsorbtsiya, n-eritmadagi moddaning umumiy mol’ soni, No-moddaning eritmadagi adsorbilanishga qadar mol’ qismi, N-adsorbilanishdan keyingi mol’ qismi, m-adsorbent massasi. Gaz va suyuqliklarning qattiq jismga adsorbilanishini o`lchash uchun adsorbentni tajribadan avval va keyin bevosita tortiladi, So`ngra adsorbtsiya xisoblab topiladi. Adsorbtsiyaning ikkinchi tavsifi adsorbtsiya vaqti bilan belgilanadi. Adsorbilangan molekulani adsorbent sirtida turish vaqtini adsorbtsiya vaqti deyiladi. Agar molekula bilan sirt orasida xech qanday tortishish kuchlari mavjud bo`lmasa, bu vaqtda molekulaning tebranish davri, ya`ni 10-12 - 10-13 sekund chamasida bo`ladi, vaqt to bilan belgilanadi. Agar molekula sirt orasida tortishish kuchlar mavjud bo`lsa, molekula sirtida tutib turgan kuchni engish uchun zaruriy energiya olingandagina molekula sirtdan ajralib ketadi. Molekula bu energiyani issiqlik xarakatining flyuktuatsiyasi tufayli olish mumkin. 1924 yilda S. YA. Frenkel’ adsorbilanish vaqti bilan temperatura orasidagi bog’lanish uchun tenglama taklif qildi: t t0. eQ/RT Adsorbtsiya vaqti Frenkel’ tenglamasiga muvofiq o`zgaradi. Bu erda Q-molekula bilan sirt orasidagi o`zaro ta`sir energiyasi (adsorbtsiyaning molyar issiqligi); to=1013-1012sek, ya`ni molekula bilan sirt orasida xech qanday tortishish kuchlari mavjud bo`lmagan vaqtidagi adsorbtsiya. Adsorbtsiya xodisasiga oid dastlabki ishlar XVIII asrning ikkinchi yarmida boshlangan. 1973 yilda SHele ko`mirni, xar xil gazlarni yutishini kuzatgan. So`ngra 1785 yilda T. E. Lovits suvli eritmalarni turli qo`shimchalardan tozalashda ko`mirdan foydalangan. Adsorbtsiya xodisasi faqat ko`mirda kuzatilmay balki, boshqa g’ovak moddalarda ham kuzatiladi. Adsorbtsiya xodisasi turmushda juda keng qo`llaniladi. Bo`yash jarayoni tabiiy oqava suvlarini, soklarni, yog’larni tozalash jarayonlari, hamda getrogen katalizator ham adsorbtsiya xodisasi bilan bog’liqdir.
biri moddaning yutilishi bo`lsa, ikkinchisi yutilgan moddaning adsorbent sirtidan chiqib ketishidir. Adsorbtsiya xodisasida ham yutilish jarayoni avval tez boradi, So`ngra yutilish va ajralib chiqish jarayonlari tenglashib sistema adsorbtsion muvozanat xoliga keladi. Adsorbtsion muvozanat juda tez qaror topadi. Agar muvozanat uzoq vaqt davomida qaror topmasa, adsorbtsiya boshqa xil jarayonlar bilan dinamik murakablashgan deyish mumkin. Adsorbtsion muvozanat ham dinamik muvozanatdir. Adsorbtsion muvozanat xolati temperatura o`zgarganda o`zgaradi. Adsorbtsiya jarayoni issiqlik chiqarishi bilan boradi. Adsorbtsiya jarayonida ajralib chiqqan issiqlikni adsorbtsiya issiqligi deyiladi. Adsorbtsion muvozanatning siljishi ham Le-SHatel’e printsipiga bo`ysunganligi uchun temperatura ko`tarilganida muvozanat, modda kam yutiladigan tomonga qarab siljiydi. Desorbtsiya jarayoni aksincha, issiqlik yutilishi bilan boradi. SHu sababli temperaturani oshirish orqali adsorbentga yutilgan moddani ko`proq qaytadan chiqarish mumkin. Agar adsorbent bilan absorbtiv o`rtasida kimyoviy reaktsiya sodir bo`lsa, adsorbtsion muvozanat qaror topmaydi. Bu xolda adsorbtsiya qaytmas jarayon xarakteriga ega bo`ladi. Adsorbtsion muvozanatni tez yoki sekin qaror topishi adsorbent yuzasining g’ovakli yoki g’ovaksiz bo`lishiga bog’liqdir. g’ovaklar katta bo`lsa, adsorbtsion muvozanat tez, kichik bo`lsa sekin qaror topadi. Buni quyidagi jadvalda ko`rish mumkin.
Jadvalda keltirilgan adsorbent g’ovagining radiusi I- IV qadar kamayib borish tartibida joylashtirilgan. Adsorbtsiya issiqligi. Fizikaviy adsorbtsiyada ham, xemosorbtsiyada ham issiqlik effekti kuzatiladi, ya`ni issiqlik chiqadi. Xemosorbtsiyada ajralib chiqqan issiqlik miqdori kimyoviy reaktsiyalarning issiqlik effektiga yaqin keladi. Fizikaviy adsorbtsiyada ajralib chiqqan issiqlik kalorimetrlar yordamida o`lchanadi, lekin bunda olingan natijalar taqribiy bo`ladi, chunki adsorbtsiya va demak, issiqlik chiqishi uzok vaqtga cho`ziladi. Adsorbtsiya issiqligi ikki xil bo`ladi: 1) 1gr adsorbentga gaz yoki bug’ yutilganda chiqqan umumiy issiqlik miqdori adsorbtsiyaning integral issiqligi deyiladi va ushbu formuladan topiladi. q =Q/m bunda Q-ajralib chiqqan umumiy issiqlik miqdori (j), m-adsorbent massasi (G) 2)Adsorbentga ma`lum miqdorda modda yutilgandan keyin yana bir mol’ yutilganda ajralib chiqqan issiqlik adsorbtsiyaning differentsial issiqligi deyiladi, ya`ni q =dQ/dn Adsorbtsiya issiqligini juda sezgir kalorimetrlarda o`lchash yoki adsorbtsiya izotermasidan aniqlash mumkin.
Qattiq jism sirtida gazning adsorbilanishining miqdor jixatidan xarakterlash uchun yo gaz bosimining kamayishi, yoki adsorbent ogirligining ortishi o`lchanadi: chunki adsorbtsiya vaqtida adsorbentning og’irligi ortadi. Qattiq jism sirtida suyuqliklarni adsorbilanishini esa eritmadagi moddaning boshlang’ich kontsentratsiyasi bilan adsorbtsion muvozanat vaqtida muvozanat kontsentratsiyasining ayirmasi orqali aniqlaniladi. Adsorbentning sirt birligiga (1m2ga) yutilgan moddaning gramm-molekula(mol’) xisobidagi miqdori solishtirma adsorbilanish deyiladi. Solishtirma adsorbtsiyani topish uchun adsorbtsion muvozanat vaqtida yutilgan modda miqdorini (mol’ xisobida) adsorbent sirtiga bo`lish kerak: 
bu erda G- solishtirma adsorbtsiya, x- yutilgan modda miqdori, s-adsorbent sirti. Lekin qattiq g’ovak adsorbentlarning (ko`mir, silikagel’ va xokazolarning) sirtini o`lchash juda qiyin bo`lganligi uchun amalda solishtirma adsorbtsiyani topishda modda miqdori adsorbent massasiga bo`linadi: G= x/m Bu erda x-yutilgan moddaning gramm xisobidagi massasi, m-adsorbentning gramm xisobida olingin massasi. Xar qanday adsorbent ma`lum (o`ziga xos) miqdordan ortiq moddani yuta olmaydi. Moddaning sirt birligiga (1sm2 yutilishi mumkin bo`lgan eng ko`p miqdori solishtirma adsorbtsiya deyilib, G bilan belgilanadi. Qattiq jism sirtidagi adsorbilanishni tekshirish natijasida polyar adsorbentlar polyar modda yoki ionlarni, polyarmas adsorbentlar esa polyarmas moddalarni adsorbilashi aniqlandi. Adsorbilanish maqsadlari uchun ko`mir maxsus ishlanadi, ya`ni aktivlantiriladi. Bunda ko`mirning teshiklaridagi xar xil smolalar yo`qotiladi va ko`mirni g’ovakligi oshiriladi. Ko`mir qanday sharoitda aktivlantirilishiga qarab yoki kislotalarni yoki asoslarni ko`prok adsorbilaydi. Masalan, 900°S da aktivlangan ko`mir kislotalarni 4000-450°S da aktivlangani esa asoslarni yaxshi adsorbilaydi. Buni N. A. SHilov aktivlangan ko`mir sirtida ya`ni asos yoki kislota xarakteriga ega bo`lgan oksidlarni xosil bo`lishidandir deb tushuntirgan. Adsorbent sifatida ko`mirdan tashqari silikagel’ ham ko`p ishlatiladi. U kislota xarakteriga ega bo`lgan adsorbentlar qatoriga kirib, asosan asoslarni adsorbilaydi. Adsorbtsiya jarayoni kimyoviy texnologiyada katta rol’ o`ynaydi. Gaz aralashmalarini ajratib olishda ko`prok ko`mir va silikageldan foydalaniladi. Oziq-ovqat texnologiyasida esa xidlanib qolgan maxsulotlarni xiddan tozalashda aktivlangan ko`mirdan foydalaniladi. Qattiq jism sirtida ketadigan adsorbtsiya ustida bir qancha tajriba natijalari yig’ilgan bo`lsa ham, lekin uning umumiy nazariyasi yo`q. Bunga sabab, bir qancha qiyinchiliklar bor: Adsorbilanish jarayonida qattiq jismga erigan modda va erituvchi molekulalari bir vaqtning o`zida yutiladi. eritmadan elektrolitlar ham adsorbilanishi mumkin. SHunga ko`ra adsorbtsiya molekulyar va ionli adsorbtsiya degan ikki sinfga bo`linadi. Ko`pincha moddalar adsorbentga tanlab yutiladi. Erituvchi molekulalari bilan erigan modda molekulalari bir biri bilan bog’lanishi mumkin. Ana shu qiyinchiliklar natijasida qattiq jism sirtidagi adsorbtsiya murakkab xisoblanadi. Qattiq jism sirtiga moddaning butun molekula xolida yutilishini molekulyar adsorbtsiya deyiladi va unda uch xol kuzatiladi: Erigan modda erituvchiga nisbatan ko`p yutilsa musbat adsorbtsiya sodir bo`ladi. Erituvchi erigan moddaga nisbatan ko`p yutilsa manfiy adsorbtsiya deyiladi. Adsorbtsiya sodir bo`lmasligi ham mumkin. Agar erigan modda adsorbent va eritmaning butun xajmida kontsentratsiyasi bir xil bo`lsa. YUtilgan modda miqdorini aniqlashning bir qancha usullari bor: 1) Titrometrik 2) Interferometrik 3) Kalorimetrik 4) Sirt tarangligini aniqlash (sirt aktiv moddalar uchun) 5) Viskozimetrik yoki refraktometrik (polimer moddalar uchun) usulari. Adsorbtsiyani xarakterlash uchun adsorbtsiya izotermalaridan foydalaniladi. Adsorbtsiya birligi mol’/sm2(mmol’/sm2) yoki mol’/m2 da ifodalanib xarakterlash mumkin. Adsorbtsiya miqdori G-ning temperaturaga bog’liqligi - G= f(T)ni bosim o`zgarmas bo`lganda (R = const) izobara, agar kontsentratsiya o`zgarmasa (S= const) izopik adsorbtsiya deyiladi. Muvozanat kontsentratsiyasi yoki bosimini temperaturaga bog’liqligi - S=f(T) va R=f(T), agar adsorbtsiyalangan adsorbtiv (modda) miqdori o`zgarmas bo`lganda (Gqconst) izostera adsorbtsiya deyiladi. Adsorbtsiya miqdori G-ning muvozanat kontsentratsiyasi yoki bosimga bog’liqligi - G= f(C) yoki G= f(P), agar temperatura doimiy bo`lganda. (T= const) adsorbtsiya izotermasi deyiladi. Ko`rilgan adsorbtsiya turlaridan izoterma adsorbtsiyasi nazariy va amaliy jixatdan katta ahamiyatga ega, shuning uchun adsorbtsiyani xarakterlashda, shu bog’liqlikdan foydalanamiz. Adsorbtsiyani xarakterlashda faqat adsorbtsiya izotermasidan foydalanmasdan tenglamalardan ham foydalanish mumkin. Yüklə 159 Kb. Dostları ilə paylaş:
| ||||||||||||||||||