Namangan davlat universiteti

III.4. Inson tomonidan kasbni egallash jarayonini o‘rganish
Insonning еtukligi, uning tarkibida esa uning akmesi o‘z ifodasini topgan xususiyatlari majmuining rivojlanishini o‘rganishdan tashqari, akmeologiya еtuklik va akmeni faqatgina inson tomonidan kasbni egallash va o‘z kasbida mahorat darajasiga erishishni nazarda tutgan holda ilmiy tahlil qiladi. Kasbiy mahorat mohiyatini, unga olib boruvchi yo‘llarni ko‘rish va tushunish nafaqat nazariy, balki ulkan amaliy ahamiyatga ham ega ekanligi tushunarli. Mamlakatda siyosat, iqtisodiyot, boshqaruv muhitida, fanda, faoliyatning ko‘plab boshqa sohalarida faoliyat olib borayotgan va shu bilan birga professional bo‘lmagan odamlar soni nihoyatda ko‘p. Va jamlangan holda bu kabi noprofessionallik davlatchilikni qurishda, iqtisodiyotda, tashqi va ichki siyosatda, sanoatda va qishloq xo‘jaligida, ularni boshqarishda, ta’lim va tarbiya sohalarida hamda jamiyatning boshqa barcha jabhalarida katta yo‘qotishlarga olib keladi. Noprofessionallik millatlararo munosabatlardagi keskinlikka, shaxslararo nizolarning ortib ketishi va odamlarni o‘zini his qilishdagi noqulayliklarga olib keladi. Bundan akmeologiya muammolari doirasini ishlab chiqish qanchalik dolzarb muammo ekanligi ko‘rinib turibdi: “kasbiy mahorat va uning asosiy xususiyatlari”, “kasbga oid salbiy o‘zgarishlarning oldini olish usullari”, “kasbiy mahoratga erishish usullari” va boshq.
Insonning yuqori darajadagi kasbiy mahorati nazarda tutilganda u bilan nafaqat qobiliyatlarning yorqin rivojlanishi bog‘lanadi, balki kasbiy mahorat namoyon bo‘layotgan faoliyat sohasidagi keng ko‘lamli bilimlar, shuningdek, ushbu faoliyatni muvaffaqiyatli ravishda amalga oshirish uchun zarur bo‘lgan ko‘nikmalarga ega bo‘lish bilan ham aloqador ekanligi ta’kidlab o‘tiladi. Albatta, haqiqiy kasbiy mahorat doimo aynan shu faoliyatni amalga oshirishga kuchli va barqaror sababiy-hissiy yo‘naltirilganlik va unda o‘ziga xos, noodatiy natijalarga erishish bilan birga kechadi. Tabiiyki, agar insonda ushbu kasbiy mehnatni amalga oshirish uchun zarur salomatlik holati mavjud bo‘lmasa oxirgisiga erishish imkoni mavjud emas.
Yuqorida aytilganlar bilan bog‘liq ravishda akmeologiyaning keyingi vazifasi faoliyatning turli sohalaridagi yuqori malakali professional-larning mehnat faoliyatini o‘rganishda ularni birlashtirib turuvchi umumiyni aniqlash va shu yo‘sinda yuqori darajadagi kasbiy mahorat kabi, unga muvofiq bo‘lgan tushunchalarni ham ilmiy jihatdan aniqlashdan iborat. Haqiqiy chuqur va keng ko‘lamli kasbiy mahorat (uni ko‘plab еtuk insonlar tomonidan egallanishi bunga guvohlik beradi) inson u o‘zini baxsh etgan faqat birgina faoliyat natijasida shakllanishi mumkin emas, ayniqsa, bu faoliyat o‘z tabiatiga ko‘ra o‘ta murakkab bo‘lsa. Yuqori darajadagi kasbiy mahorat garchi insonda o‘z mohiyati kabi, shakliga ko‘ra ham muayyan faoliyat talablari bilan chambarchas bog‘liq bo‘lgan maxsus qobiliyatlarining rivojlantirilishisiz mavjud bo‘la olmasa-da, bu kabi kasbiy mahoratga erishishning muhim sharti, shuningdek, insonda umumiy insoniy qobiliyatlarning rivojlantirilishi va uning shaxsining ma’naviy ta’limlanganligini anglatuvchi, umuminsoniy qadriyatlarni o‘zining shaxsiy qadriyatlariga aylantirilishi hisoblanadi.
Shunday qilib, yuqori darajaga erishish imkoni, odatda, insonga еtuklik davrida vujudga keluvchi kasbiy mahoratning eng muhim jihatlarini anglab olish uchun, uni tashkil etuvchi psixik hosilalar insonning keng ko‘lamda o‘rganilayotgan shaxsiy va sub’ektga oid tuzilmasiga kiruvchi boshqa barcha xususiyatlari to‘plami bilan bog‘liqligini aniq ko‘ra bilish uchun zarur. Yuqorida aytilganlardan kelib chiqqan holda biz uchun akmeologiyaning vakolatiga kiruvchi yana bir muammo namoyon bo‘lmoqda – bu еtuklikka erishgan insonning kasbiy mahoratining o‘ziga xos xususiyatlari va uning kasbiy faoliyati sohasidan tashqaridagi oxirgi boshqa ko‘rinishlari o‘rtasidagi bog‘liqliklardir. Hayotdagi kasbiy mahoratning yuqori ko‘rsatkichlarini kuzatish ko‘pincha uning o‘sishi, ayrim hollarda esa uning yo‘qotilishi yoki professional shaxsning o‘zining salbiy tomonga o‘zgarishini qayd qilish imkonini beradi. Bu kabi holatlar sodir bo‘lgan hodisalarni ta’riflash, ularni klassifikatsiya qilish, ularni keltirib chiqaruvchi sabablarni o‘rganish – bu ham akmeologiyaning vazifasiga kiradi.
Agar mavhum sxemalarga emas, balki hayotning o‘ziga u qanday bo‘lsa, shundayligicha murojaat qilsak, biz unda umuman kasbiy mahoratni topa olmaymiz, balki faoliyatning muayyan sohalarida namoyon bo‘luvchi odamlarning kasbiy mahoratiga duch kelarmiz. Faoliyatning umumiy jihatlari bilan bir qatorda har bir holatda o‘ziga xos xususiyatlari - muayyan sohalarini sanab o‘tadigan bo‘lsak, ular sirasiga quyidagilarni kiritish mumkin: “inson – tirik tabiat”, “inson – umumiylik”, “inson – texnika va jonsiz tabiat”, “inson – inson”, “inson – belgili tizimlar”, “inson san’at ko‘rinishlari”.
Faoliyat ob’ektlari, turli sohalarda faoliyat yurituvchi insonlar hal etishlari lozim bo‘lgan vazifalardagi farqlar, har bir faoliyatda o‘ziniki bo‘lgan, yuqori darajaga erishish uchun qo‘llash lozim bo‘lgan “texnologiyalarning” bir-biridan farq qilishi, - bularning bari birgalikda aytib o‘tilgan sohalardagi kasbiy mahorat mohiyati va shakllarining o‘ziga xosligini belgilab beradi. Bundan tashqari, faoliyatning aytib o‘tilgan sohalarning to‘qnashuvida mavjud bo‘lgan alohida turlari mavjud ekanligini nazarda tutish lozim, undan keyin, axir bo‘ylamasi kabi ko‘ndalangiga qaraganda ham har bir sohaning ichida doimo shu faoliyatni amalga oshirayotgan odamlarga bir-biriga muvofiq keluvchi talablarni qo‘yuvchi ish o‘rinlari, lavozimlar mavjud. Va albatta, sanab o‘tilgan holatlarda haqiqiy professionallar qatorida bo‘lish uchun inson o‘zida tegishli qobiliyatlarni shakllantirishi va maqsadli tarzda bilim, ko‘nikma, mahoratlarni mujassamlantirishi, shuningdek, ularni manzilli, ijodiy ravishda qo‘llashni o‘rganishi zarur.
Shunday qilib, akmeologiya tomonidan chuqurlashtirilgan holda va keng ko‘lamda yoritib berilishi lozim bo‘lgan yana bir, ko‘p jihatli muammo namoyon bo‘ldi. Shu bilan birga aytib o‘tilgan yangi fan nazariyasini yaratish nuqtai nazari kabi, amaliyot talablaridan kelib chiqqan holda o‘z xususiyatlariga ko‘ra o‘ta murakkab bo‘lgan kasbiy mahoratni o‘rganishga yana bir yondashuv zarur. Iqtisodiyot, siyosat, sanoat va qishloq xo‘jaligi, mafkura, fan, boshqaruv, ta’lim, harbiy ish, sog‘liqni saqlash, madaniyat (tor ma’noda), huquqni himoya qilish organlari faoliyati, ommaviy axborot vositalari faoliyati, sport, xizmat ko‘rsatish kabi sohalarida kasbiy mahoratning turli ilmiy darajalarda o‘rganish, o‘z ishining ustasi bo‘lgan, mutaxassislarni o‘rganish jarayonida olingan amaliy ma’lumotlarni anglashda albatta, ularning individlar, shaxslar, sub’ektlar sifatidagi xususiyatlari, ular mehnatini ta’riflash va klassifikatsiya qilishda yuqorida keltirilgan prinsipga ko‘ra amalga oshirilgan o‘ziga xos xususiyatlari ham uchrashi mumkin. Shu bilan birga, ulardan bir qismi har bir soha mutaxassisi uchun umuman yangi bo‘lishi mumkin bo‘lgan umumiy xususiyatlarni ko‘ra bilish zarur. O‘z-o‘zidan tushunarliki, bu holatlarning barchasida nafaqat ular qaysi kontekstga kiritilishi mumkinligini, balki uning tarkibiga qaysi ma’noda, qanday “salmoq” bilan kirib kelganligini aniqlash zarur. Aniqlangan kontekstdagi xususiyatlar bosqichma-bosqichligini aniqlar ekanmiz, ularning qay birlari aytib o‘tilgan sohalardagi haqiqatan ham yuqori darajadagi professional uchun o‘rnini to‘ldirib bo‘lmaydigan va ularning qay birlari faoliyatga ziyon еtkazmasdan turib boshqalari bilan almashtirilishi mumkin ekanligini belgilab olish zarur. Albatta, ushbu savollarga javoblarni faoliyatning yuqorida aytib o‘tilgan mohiyatlaridan, ularda vujudga keladigan “shtatga oid” va “shtatdan tashqari”, professional o‘z faoliyati davomida foydalanishi mumkin bo‘lgan muayyan vaziyatlardan va yana qator boshqa omillardan ajratgan holda izlash mumkin emas. Bir so‘z bilan aytganda, akmeologiya va uning doirasida ko‘zlangan yo‘nalish doirasida ilmiy izlanishlar uchun keng maydonni namoyon qilmoqda. Isbotlarsiz ko‘rinib turibdiki, kasbiy mahorat cho‘qqilariga erishish yo‘li uzun va murakkabdir. Har qanday usta – omilkor, o‘zi uchun asosiy bo‘lgan, xoh u payvandchi yoki samolyotlar yaratuvchi bo‘lsin, xoh tikuvchi yoki sarkarda bo‘lsin, chorvador yoki ichki ishlar xodimi bo‘lsin, o‘z faoliyatida betakror bo‘ladi.
Biroq, oxirgi aytilgan fikr, maktabgacha va boshlang‘ich maktab yoshida bo‘lgan bolaning faoliyati, munosabatlarini chuqur o‘ylangan holda tashkillashtirilishi, maqsadli ravishda kasbga yo‘naltirish, nazariy va amaliy jihatdan chuqur ishlab chiqilgan va samardorlikka tekshirilgan kasbiy ta’limga yo‘naltirish talab etiladi. Kasbiy rivojlanish yoshlarning umumshaxsiy rivojlanishi bilan birgalikda umumlashtirilsa, ularning hayotdagi asosiy holatlardan biriga aylanuvchi faoliyat turiga kirishib ketishlarini ahamiyatli darajada osonlashtirilishi inkor qilinmaydi va ularning har biriga faoliyatning individual uslubini ishlab chiqish va yuqori kasbiy mahoratga olib boruvchi xulq algoritmini izlash imkonini beradi. Oxirgi holatni alohida ta’kidlab o‘tish lozim, chunki agar insonda o‘z-o‘zini ta’minlash uchun talab vujudga kelmasa, uning tarbiyasi to‘liq amalga oshgan deb hisoblash mumkin bo‘lmaganidek, kasbga qadar va kasbiy tayyorgarlikni ham, agar ushbu tayyorgarlikdan o‘tgan odamda kasbiy o‘sishga doimiy intilish namoyon bo‘lmasa, to‘laqonli amalga oshgan, deb hisoblab bo‘lmaydi. Yuqorida aytilganlardan akmeologiya oldida turgan vazifa majmuaviy ishlanmalar orqali o‘z mustaqil faoliyatini boshlayotgan mutaxassisni kasbiy mahoratning nisbatan yuqori darajalariga olib chiqishni tashkillashtirish va amaliy jihatdan amalga oshirishning texnologik strategiyasi va taktikasini tashkil qilish ekanligi tushunarli bo‘lib qoldi.
Ushbu o‘ta sermashaqqat vazifani hal etish muayyan-sotsiologik, muayyan-iqtisodiy, pedagogik, psixofiziologik, psixogenetik, yoshga oid-psixologik, ijtimoiy-psixologik, differensial-psixologik tadqiqotlar, va albatta, ko‘tarilgan muammo bilan bog‘liq bo‘lgan mehnat psixologiyasi muammolarini bir butun tizimga birlashtirishni talab etadi. Olinayotgan ma’lumotlarni bir-biri bilan qiyoslashni amalga oshirish va ularni bir tizimga keltirish qanchalik murakkab bo‘lmasin, hozirgi kunda akmeologiya tomonidan amalga oshirilmoqda. Kasbiy mahorat nuqtai nazaridan nafaqat mehnatning muayyan sohasida faoliyat olib borayotgan alohida inson, balki ular hal etilayotgan, bir-biridan hajmiga va tabiatiga ko‘ra farq qiluvchi uyushma –brigada, ekipaj, pedagogik jamoa, sport jamoasi, teatr truppasi, institut kafedrasi, hokimiyat va boshqalar vazifalari baholanishi mumkin va zurur. Va bu ham akmeologiya tomonidan yoritilishi lozim bo‘lgan ko‘plab muammolarga ega bo‘lgan ob’ekt hisoblanadi. Bugungi kunda akmeologiya tomonidan hal etilayotgan eng muhim vazifa, - bu alohida inson kabi, odamlar uyushmasi tomonidan ham erishilgan kasbiy mahorat darajasini aniqlash imkonini beruvchi uslubiy vositalarni yaratishdan iborat.
Barchaga ma’lumki, akmeologiya hayotimizga ilmiy fan sifatida kirib kelar ekan, faoliyat sohasi insonlarning еtuklikning individga, shaxsga va faoliyatga oid pillapoyalarini optimal darajada egallash va ularning har birining ushbu pillapoyalarda o‘zlarini ijtimoiy jihatdan qadrli va ijodiy jihatdan samarali namoyon qila olish sharoitlarini tashkillashtirishdan iborat bo‘lgan mutaxassislar tomonidan uning chuqur o‘zlashtirilishini talab etadi. Shu sababli akmeologiya bir vaqtning o‘zida o‘quv fani ham hisoblanadi. Shunday ekan, akmeologiya o‘z vazifasini to‘laqonli ado etishi uchun, akmeologiya va uning ahamiyatini, inson va jamiyat haqidagi bilimlar tizimidagi o‘rnini chuqur va har tomonlama ochib berish, akmeologiya tomonidan o‘rganilishi lozim bo‘lgan qonuniyatlar va mexanizmlarni, shuningdek, akmeologiyaning nazariy va amaliy ahamiyatini yoritib berish va yuqorida aytib o‘tilganidek, ushbu fan tinglovchilari e’tiboriga insonning individ, shaxs, faoliyat sub’ekti sifatidagi va еtuklik pillapoyasidagi individualligi hamda uning keng tarqalgan yutuqlari yoki o‘z rivojlanishining ushbu pillaposida erishgan cho‘qqilarining asosiy jihatlari va turlarining ilmiy xususiyatlarini taqdim qilish usullarini ishlab chiqish zarur.
Agar turli hayotiy “o‘zlashtirish mantig‘i” kontekstlarga ishonchli ravishda kirishib ketgan еtuklik “manzarasi”ning u yoki bu muayyan ko‘rinishlari to‘liq kuzatib borilmasa, shuningdek, insonga еtuklik davrida o‘zini shaxs sifatida va mehnatkash-ijodkor sifatida namoyon qila olishi uchun yordam ko‘rsatishning muayyan samarali va ijtimoiy, psixologik usullari muhokama qilinmasa, ushbu holatlar mohiyatinigina ta’kidlab o‘tishning o‘zi еtarli bo‘lmaydi. Va albatta, bu еrda doimo katta yoshli inson nazarda tutilar ekan, akmeologiyani o‘rganish jarayonida, ushbu fanni o‘zlashtirgan holda biz amaliy jihatdan ushbu katta yoshli kishiga uning o‘zining jismoniy salomatlik, fuqarolik, ma’naviyat, va albatta, uning uchun asosiy bo‘lgan faoliyatdagi kasbiy mahoratga tomon harakatlanish “texnologiyasi”ni еtkazib berish “tizimi”ni qurol qilib olishimiz zarur. Shuningdek, jamiyatning turli ko‘rinishlari uchun rivojlanish fenomenologiyasi, qonuniyatlari va mexanizmlarini aniqlash va ushbu bilimlarni jamiyat oldida turgan vazifalarni nisbatan muvaffaqiyatliroq hal etish maqsadida qo‘llash o‘ta muhim.