Namangan muhandislik qurilish instituti

4-ma’ruza: Uzluksiz ravishda ishlaydigan vertikal kameralarda betonning qotish jarayonini tezlashtirish. Vertikal kameralalar tuzilishi.

Reja:
1. Issiqlik kameralarda beton qotish jarayonini tezlashtirish.
2. Gorizontal va tonnel kameralarni ishlash printsipi.
Tayanch so’zlar: Issiqlik kameralari, Gorizontal va tonnel kameralar.

Konveyer usulida temir-beton buyumlar ishlab chiqarish uzluksiz moslamalarda amalga oshiriladi. Bularga misol qilib tunnel va vertikal kameralarni keltirish mumkin. Tunnelli kamera gorizontal tunnel ko’rinishida bo’lib unga qo’yilgan relslarda buyum ortilgan vagonetkalar qatnab turadi, buyum ko’targichlar yordamida olinadi va tushiriladi. Vagonetkalar bir postdan ikkinchisiga turtgichlar yordamida harakatlanadi. Tunnelli karmeralar bir yoki ikki yarusli bo’ladi. Ko’p yarusli kameralar ishlab chiqarish maydonlarni sezilarli darajada tejash imkonini beradi. CHunki uning har bir yarusida bitta vagonetkalar poezdiga ortilgan buyum issiqlik ishlov berishdan o’tadi. Isituvchi sifatida bug’ yoki kaloriferda qizitilgan bug’ havoli aralashmasi hizmat qilishi mumkin. Kamera uchta zonaga bo’linadi: haroratni ko’tarish bo’limi, izotermik qizitish va sovutish bo’limi. Har bir zona bir-biridan issiq havoli to’siq yordamida ajratilgan. Kameradagi isitish jihozlari haroratni 90°S gacha ko’tarish va zonalardagi haroratni talab etilgan meyorda saqlab turish imkonini beradi. Kameralarga issiqlik registr va perfoquvurlar bilan yuboriladi. O’tkur bug’ isitish zonasining boshlanishi va izotermik qizitish zonasining oxiriga beriladi. Isituvchi sifatida issiq havodan foydalanilganda issiq havo isitish zonasining o’rtasidan so’rib olinadi va venilyator yordamida isitish zonasining boshi va oxiriga jo’natiladi. Kaloriferlar bilan havo 110-155 °S gacha qizdiriladi. Tunnel kameralarining asosiy kamchiliklari uning chetidan issiqning ko’p yo’qolishidir. Issiq bug’ havoli aralashmaning tsexga kirishi va sovuq havoni tortish uchun kameraga havoli to’siqlar o’rnatiladi.

rasm. Uzluksiz ishlaydigan vertikal kamera
1 - kamera to’sig’i; 2- poddonga qo’yilgan buyum; 3-bug’ yetkazib beruvchi
perfoquvur; 4-etkazib beruvchi aravacha; 5-ko’targich stol

7-rasm. Vertikal kamerali tashqi devor panellari tayyorlovchi
konveyer texnologik liniya chizmasi
1 -qoliplarni tozalash va moylash joyi; 2-keramik plita yotqizish; 3-
armatura o’rnatish; 4-beton yotqizish va zichlash; 5-tekislash joyi; 6-o’zi
yuradigan arava; 7-vertikal kamera; 8-buyum solingan qolip; 9-
gidroko’targich; 10-uzatgich arava; 11-opalubkadan tushirish; 12-g’ildirakli
konveyer
Tirqishli kamera tunnelli kameraning bir ko’rinishi hisoblanadi. Ularning balandligi enidan 4-6 marta kichik bo’ladi. Bunday kameralarning afzal tomoni, ularning chetidan issiqlik kam yo’qoladi. Tirqishli kameralarga bug’ bilan ta’minlash va elektr bilan qizdirish moslalari o’rnatiladi. So’ngi usul asosan keramzit beton buyumlar uchun ishlatiladi.

Vertikal yoki minorasimon kameralarda vagonetka- qoliplarga solingan buyum oldin turli isitish zonalaridan yuqoriga ko’tariladi va so’ng pastga tushirilib kameradan tashqariga chiqariladi. Vertikal kameralarda issiqning turli balandlikda tabiiy turlicha tarqalishidan foydalaniladi. Bug’ bir maromda bo’ladigan kameraning eng yuqori qismida harorat 100 °S da ushlab turiladi. Kameraning pastki qismida bug’ havoli aralashma bo’lib harorat 30-35°S dan oshmaydi. Ko’p qavatli tunnelli kameralarga nisbatan vertikal kameralarning afzalligi – ularning hajmi 5-6 marta kam bo’ladi va kam joy egallaydi. Ularning o’ziga xos xususiyati, boshqa kameralarga nisbatan bug’ sarfi kam bo’ladi (100-120 kg/m³).

Nazorat savollar:

1.Tunelli kameralar.
2.Tunelli kameralarning boshqa kameralardan farqi.
3. Kameradagi isitish jihozlari harorati.
4.Vertikal kamera.
5. Vertikal kameralarda issiqning balandligi


5-Ma’ruza: Silikat betonlarni yuqori bosim va temperatura yordamida qotishini tezlashtirish. Avtoklavlarni tuzilishi va ishlash printsipi. Vertikal kasseta qurilmalaridan foydalanish. Beton qorishmasini isitish.


Reja:
1. Silikat betonlarni yuqori bosim va temperatura yordamida qotishini tezlashtirish.
2. Avtoklavlarni tuzilish va ishlash printsipi.