Bank kartasining blokirovkasi – xalqaro va mahalliy to‘lov tizimining qoidalariga, O‘zbekiston
Respublikasining amaldagi normativ-huquqiy hujjatlarida hamda bank tomonidan tasdiqlangan “Bank
kartalaridan foydalanish qoidalari” ga muvofiq bank kartalarini amal qilishini to‘xtatish yoki uni bekor qilish
bo‘yicha bank tomonidan ko‘rilgan chora.
To‘lov tizimi – tovar, ish (xizmat) uchun naqd pulsiz shaklda to‘lovlarni amalga oshirish hamda naqd
pul yechish imkonini beruvchi maxalliy va xalqaro to‘lovlarga amalga oshirish huquqiga ega bo‘lgan tizim
(Masalan: UZCARD, HUMO, VISA va boshqa).
Bank tarifi – AT “Xalq banki” Boshqaruvi tomonidan tasdiqlangan, bank kartalari orqali bank
operatsiyalari amalga oshirilganda, bank kartalarni muomalaga chiqarishda va ularni yangisiga almashtirib
berishda undiriladigan komission to‘lov.
Minimal balans qoldig‘i (Sug‘urta depoziti) – Bank karta hisobvarag‘ida saqlanishi majburiy bo‘lgan
pul mablag‘larining minimal qoldig‘i.
Bankdan tashqari to‘lov tizimi – To‘lov tizimi belgilari va uning qoidalarini belgilovchi va bunday
turdagi xizmatlarni ko‘rsatish huquqiga ega bo‘lgan yuridik shaxslar (CLICK, PAYME, PAYNET va b.)
Masofaviy bank xizmatlari (MBX) /Faqat xalqaro kartalar uchun/– Mijoz tomonidan masofadan turib
telekommunakatsiya tizimlaridan foydalangan holda uzatiladigan (olingan) elektron almashinuvlar asosida
ko‘rsatiladigan bank xizmatlari to‘plami. Jumladan:
SMS banking – plastik kartochka vositasida amalga oshirilgan to‘lovlarni nazorat qilish tizimi. Online
tarzda amalga oshirilgan har bir to‘lov va kartaning joriy qoldig‘i bo‘yicha karta egasining telefoniga SMS
xabar keladi.
Shubhali operatsiya – tayyorlash, sodir etish jarayonida bo‘lgan yoki sodir etib bo‘lingan, ichki
nazoratni o‘tkazish vaqtida tijorat bankida uning jinoiy faoliyatdan olingan daromadlarini legallashtirish,
terrorizmni moliyalashtirish va (yoki) ommaviy qirg‘in qurolini tarqatishni moliyalashtirish maqsadida
amalga oshirilganligiga shubha paydo bo‘lgan operatsiya;
