Namunaviy shakl jismoniy shaxsga bank kartasini ochish va ularga xizmat ko‘rsatish bo‘yicha ommaviy oferta shartnomasi

X. SHARTNOMAGA O‘ZGARTIRISH VA QO‘SHIMCHALARNI KIRITISH 
10.1. Bank foydalanuvchini bu haqda xabardor qilib, shartnomaning shartlariga o‘zgartirish kiritish 
huquqiga ega bo‘ladi. 
10.2. Bank foydalanuvchiga xabar yuborish orqali shartnomaga o‘zgartirish kiritilishi haqida xabardor 
etadi. 
10.3. Foydalanuvchi shartnomaga o‘zgartirish kiritishga rozi bo‘lmagan holda, Foydalanuvchi o‘zining 
rozi bo‘lmasligi haqida xabarni yuborishi lozim. 
10.4. Shartnomaga o‘zgartirish kiritishga rozi emasligi haqidagi xabarni yuborgandan keyin, Taraflar 
qisqa muddatda o‘zaro hisob-kitob qilishi shart. 
10.5. To‘lov kartasidan foydalanuvchi (norezident) tomonidan shartnoma talablari buzilgan taqdirda, 
bank tomonidan bir tomonlama ushbu mijoz bilan tuzilgan shartnomani bekor qilish va kartani bloklash 
hamda O‘zbekiston Respublikasi qonun hujjatlari bilan norezident-mijozlar tomonidan respublika 
banklaridagi hisobvaraqlarni ochish va ulardan foydalanish tartibi yoki xalqaro to‘lov tizimining emissiya 
tartibi o‘zgargan taqdirda, bank tomomnidan bir tomonlama o‘zgartirish va qo‘shimchalar kiritish huquqiga 
ega. 
XI. BITIMDAN VOZ KECHISH SHARTLARI 
11.1. Bank bir tomonlama tartibda biror-bir majburiyatsiz shartnomani bajarishdan voz kechish huquqiga 
ega. 
11.2. Bank foydalanuvchiga xabar yuborish orqali xizmat ko‘rsatishdan voz kechish haqida bildiradi. 
11.3. Foydalanuvchi 2 kun davomida bankning shartnoma shartlarini bajarishdan bir tomonlama voz 
kechish haqidagi xabariga javob bermagan holda, foydalanuvchi shartnomani bajarishdan bir tomonlama voz 
kechish haqidagi xabarini qabul qilgan deb hisoblanadi. 
11.4. Shartnomani bajarishdan bir tomonlama voz kechish haqidagi xabarni yuborgandan keyin uch kun 
o‘tganidan so‘ng, shartnoma bankning biror-bir majburiyatlarisiz bekor qilingan deb hisoblanadi. 
11.5. Foydalanuvchi shartnoma bo‘yicha barcha mablag‘lar, shu jumladan penya, sarflar, xarajatlar, 
hisoblangan va mikroqarz muddatining oxirigacha hisoblanishi lozim bo‘lgan foizlar va mikroqarz miqdori 
to‘langanidan keyin, shartnomani bajarishdan bir tomonlama tartibda voz kechishi mumkin. 
11.6. Foydalanuvchi shartnomani bir tomonlama tartibda bekor qilishni istagan holda, u Bankka bu 
haqda xabarni yuboradi. 
11.7. Shartnoma Bank tomonidan bir tomonlama tartibda istalgan paytda, biror-bir majburiyatsiz bekor 
qilinishi mumkin. 
11.8. Shartnoma Foydalanuvchi tomonidan faqat shartnoma bo‘yicha barcha mablag‘lar, shu jumladan, 
penya, sarflar, xarajatlar, hisoblangan va mikroqarz muddatining oxirigacha hisoblanishi lozim bo‘lgan 
foizlar, va mikroqarz miqdori to‘langanidan keyin, bekor qilinishi mumkin. 
11.9. Shartnomani bekor qilmoqchi bo‘lgan Taraf boshqa Tarafga bekor qilish sanasidan avval 
5 kun ichida bu haqdagi xabarni yuboradi.