1 GULCHAMBAR TAQIB...
Kirib kelgach ko'klamoy,
Tabiat ochdi chiroy.
Har yon gul-u lolalar,
Quvonishar bolalar.
Dugonajon kelaqol,
Gulchambarlar taqamiz.
Qo'lingni ber qo'limga
Yur, qirlarga chiqamiz.
2 KO'KLAM QUVONCHI
Qaldirg'och qanotida
Orzu ko'kka bo'y cho'zdi.
Bog'imda nargis gullar
Quyoshga qarab o'sdi.
Sochga tolbargak taqib,
Yalpiz terdik bir etak.
Ko'k somsalar yopamiz,
Nasibamiz mo'l, demak
3 Navro’z
Keldi bahor – fasllar malikasi,
Zamin uzra yellarning tozasi.
Qadimdan kelgan andozasi,
Taraldi bayram ovozasi,
Yangrar Navro'z taronasi.
Kel-kel bahor, qalblarga quvonchni to'ldirib,
Yana takror qo'shiq yangrar yurakdan jo'sh urib.
Go'zal yurt, chamanzor, jon onam,
Xush kelibsan, Navro'zi olam.
Ko'k somsa, chuchvarayu sumalak,
Keldi Navro'z – yangi kuningdan darak.
Go'zal yurt osmonida kamalak,
Bayramning bayram ovozasi,
Yangrar Navroz taronasi.
Kel-kel bahor, qalblarga quvonchni to'ldirib,
Yana takror qo'shiq yangrar yurakdan jo'sh urib.
Go'zal yurt, chamanzor, jon onam,
Xush kelibsan, Navrozi.
4 Navròz
Navro'zda ulashing ezgu tilaklar.
Axir tilak bilan, kamaymaydi so'z.
Bahor gullaridek yashnab yuraklar.
Hush kelding Bahor, xush ko'rdik Navro'z.
.
5 Shamol ila maysalarni oralab,
Daraxtlarda kurtak chiqar mo‘ralab.
Boychechakka quyosh taftin beribdi,
Oppoq qoru muzlar, qarang, eribdi.
Dostları ilə paylaş: |
