Material və metodika Tədqiqatlar 2015-ci ildə, Culfa rayonunun Bənəniyar, Camaldın, Yaycı, Xoşkeşin, Göydərə və
Saltaq kəndlərində fərdi və fermer təsərrüfatlarında aparılmışdır. Ümumilikdə hər kənddən təcrübə
məqsədilə 10 baş qoyun seçilmişdir. Seçilmiş qoyunların hər birindən 3 qr kal götürülərək
Vişnyauskas üsulu ilə aparılan koproloji müayinələrdə onların fassiola ilə yoluxması dəqiqləşdirildi.
Qruplara ayırmalarda heyvanların bəslənmə və saxlanma şəraitinin oxşar, diri çəkilərinin yaxın
olmasına diqqət yetirilidi. Təcrübənin gedişində qeyd edilən hər bir kənddən götürülən 10 baş
qoyunu hər qrupda 5 baş olmaqla 2 qrupa ayırdıq: təcrübə və nəzarət. Koproloji müayinədən sonra
nəzarət qrupu xaric, Bənəniyar, Camaldın və Yaycı kəndlərindən seçilmiş heyvanlara 35-40 kq diri
çəkiyə 360 mq alben, Xoşkeşin, Göydərə və Saltaq kəndlərindən seçilmiş heyvanlara isə 40 kq diri
çəkiyə 900 mq vilpar preparatları peros yolla tətbiq edildi. Tətbiq edilən dərman preparatları təcrübə
qrupundakı heyvanlara 10 günlük fasilə ilə 2 dəfə verildi.
