Naxçivan döVLƏt universiteti 1967

 
NAXÇIVAN DÖVLƏT UNİVERSİTETİ.  ELMİ ƏSƏRLƏR,  2015,  № 7 (72) 
 
NAKHCHIVAN STATE UNIVERSITY.  SCIENTIFIC WORKS,  2015,  № 7 (72) 
 
НАХЧЫВАНСКИЙ  ГОСУДАРСТВЕННЫЙ  УНИВЕРСИТЕТ.  НАУЧНЫЕ  ТРУДЫ,  2015,  № 7 (72) 
 
HƏSƏN QƏNBƏROV  
Naxçıvan Dövlət Universiteti 
E- mail: [e-mail] 
UOT 576.121 
 
CULFA RAYONU ƏRAZİSİNDƏ QOYUNLARIN FASSİOLYOZUNA QARŞI 
ANTHELMİNT PREPARATLARIN MÜQAYİSƏLİ TƏSİRİNİN ÖYRƏNİLMƏSİ 
Açar sözlər: helmint, fassiola, alben, vilpar, anthelmint səmərə 
Key words: helminthes, fasciolas, alben, vilpar, anthelminthes effect 
Ключевые слова: гельминт,фасциола, альбен, вилпар, антигельминтный  
эффект 
 
Kənd  təsərrüfatı  heyvanlarının  bəslənilməsində  və  məhsuldarlığının  artırılmasında  başlıca 
şərtlərdən biri, heyvanların düzgün yemləndirilməsi və müxtəlif xəstəliklərdən qorunmasıdır. Lakin, 
bir  çox  invazion  və  infeksion  xəstəliklər  hələ  də    ev  heyvanlarında  kəskin  fəsadlar  törətməklə 
yanaşı, məhsuldarlığın aşağı düşməsinə, bəzən də kütləvi tələfata səbəb olur.  
Belə  parazitar  xəstəliklərdən  olan  fassiolyoz  muxtar  respublikadakı  fərdi  və  fermer 
heyvandarlıq təsərrüfatlarında intensiv müşahidə edilir. Bu helmint xəstəliyinə yoluxmuş heyvanlar 
inkişafdan  qalır,  kökəlmə  qabiliyyətini  itirir,  ət  və  yun    məhsuldarlığı  aşağı  düşür.  Helmintə 
yoluxma  nəticəsində  heyvanlarda  damazlıq  keyfiyyəti  aşağı  düşür,  daxili  orqanlar  çıxdaş  edilir  və 
müalicənin aparılmasına xeyli vəsait sərf edilir [2, s. 3]. 
Heyvan  sağlamlığı  üçün  həmişə  təhlükəli  xəstəlik  hesab  edilən  fassiolyozun  və  onun 
törədicilərinin  öyrənilməsi,  müasir  tələblərə  cavab  verən  səmərəli  mübarizə  tədbirlərinin  işlənib 
hazırlanması,  mühüm  əhəmiyyət  kəsb  edən  məsələlərdəndir.  Bu  baxımdan  respublikamızda 
fassiolyoza qarşı dərman maddələrinin işlənib hazırlanması və tətbiqinə dair müxtəlif araşdırmalar 
aparılmışdır.  Lakin,  Culfa  rayonu  ərazisində  qoyunların  fassiolyozunun  yayılma  səviyyəsinin  və 
onlara qarşı anthelmint təsirli dərman preparatlarının müalicəvi təsirinin öyrənilməsi istiqamətində 
əsaslı  tədqiqat  işləri  aparılmamışdır.    Ona  görə  də  bu  istiqamətdə  aparılan  tədqiqat  işləri  öz 
aktuallığı ilə seçilir. 
Muxtar  respublikada  aparılan  bir  sıra  tədqiqat  işlərində  ərazidəki  heyvanlarda  fassiolaların  2 
növünün - F. hepatica (L. 1758) və F. gigantica (C. 1856) yayıldığı müəyyən edilmişdir [1, s. 12].