“Çinixana” adlanan bina, ziyarətə gələnlər üçün otaqlar, kitab-
xana binası və digər tikililər daxildir.
Şeyx Cəbrayılın Ərdəbil yaxınlığındakı türbəsi, Gəncə-
dəki “İmamzadə” kompleksi, Şeyx Mahmud Şihabəddinin
Əhər şəhərindəki türbəsi, 1544-cü ildə I Şah Təhmasibin gös-
tərişi ilə Q usarın Həzrə kəndində tikilmiş Şeyx Cüneyd türbəsi
bu dövrün ən böyük memarlıq abidələrindəndir.
XVI-XVII əsrlərdə əvvəllər tikilən iki minarəli məscid-
lərdən fərqli olaraq birminarəli məscidlər tikilirdi. 1663-cü ildə
Abşeronun Nardaran kəndində ölçülərinə görə böyük olmayan
məscid tikilmişdi. Ordubad şəhərindəki came və mədrəsə
binası, Mərdəkanda Pir Türbəsi, 1663-cü ildə Şamaxının Qala-
kən kəndində Şeyx İbrahim türbəsi, Tovuzun Yanıqlı kəndində
məqbərə də dini təyinatlı tikililərdəndir.
1616-cı ildə I Şah Abbasın göstərişi ilə yeni Gəncə şə-
hərinin əsası qoyuldu, orada məscid, karvansara, bazar, ictimai
və yaşayış binaları tikilirdi.
200
XVI-XVII əsrlərdə Təbriz, Şamaxı, Bakı, Ərdəbil, Gəncə
və Naxçıvan şəhərlərində bir sıra məscid, hamam, bazar və
karvansaralar tikilmişdi.
XVI-XVII əsrlərdə musiqi cəmiyyət həyatında getdikcə
çox yer tutmaqda idi. Həmin dövrün musiqiçilərindən Hafiz
Haşım (müğənni), kamança və ud çalan Mirzə Məhərrəm, ud
çalan Məhəmməd Mömin, dördtelli tanbur çalan Şahsuvar,
Kamançeyi Məsum, tanbur çalanlardan ustad Sultan və Mirzə
Həsən, müğənni və kanon çalan təbrizli Hafiz Məclisi və
başqaları məşhur idilər.
XVI-XVII əsrlərdə Azərbaycan mədəniyyəti dolğun
inkişaf yolu keçmiş, Səfəvi dövlətində yaşayan digər xalqların
da mədəni inkişafında dəyərli rol oynamışdır.
|