Nizomiy nomidagi toshkent davlat pedagogika universiteti norposhshaxon voxidova

Standart intervьyuda intervьyu oluvchi beriladigan savolarning tuzilishi va
ketma-ketligini ta’minlovchi maxsus ishlangan sxema asosida ish olib boradi.
Sxemada savollarga tushuntirishlar, so’rov kechadigan holatlar ham ko’rsatilgan
bo’ladi. Intervьyu mobaynida tarbiyachi suhbatning samimiy kechishini ta’minlashi
lozim. Savollar o’ta nazokatli, murakkab bo’lmagan insonlarning nafsoniyatiga
tegmaydigan qilib tuzilishi shart. His-hayajonni o’yg’otuvchi shaklda beriladigan

---

savollardan iloji boricha voz kechish lozim. Savol-javob jarayoni savol beruvchi va

intervьyuchi orasida bir-biriga ishonch tariqasida o’tkazilsa, savollarga olingan
javoblar shunchalik to’liq va samimiy bo’lishi ta’minlanadi. Savollar javob
beruvchida qiziqish uyg’ota olishi kerak. Intervьyu oluvchi iloji boricha neytral
pozitsiyada bo’lishi shart, chunki uning vazifasi pedagogika, psixologiya yoki axloq
normalar nuqtayi-nazaridan ma’lumot berishdan emas, balki ko’proq axborot
olishdan iborat. Javob beruvchilar past yoki o’rta ma’lumotga ega kishilar
bo’lishidan qat’iy nazar, intervyuchi savollarni oqilona, savodli, nazokatli qilib
tayyorlashi kerakki, bu tinglovchida ishonch tug’dirishga asos bo’ladi. Kamtarona
va nazokatli tuzilgan savollardan samimiy javob olish mumkin, aks holatda tuzilgan
savollardan kutilgan natijadagi javoblar olinmaydi. Ayrim hollarda tarbiyalash
jarayoni haqida ota-onalar ko’p gapirib yuborishlari mumkin, bu intervyuchidan
sabr-toqatlilikni talab qiladi. U savollarni iloji boricha mohirona berib, ancha
cho’zilib ketgan javobni qisqartirishi va tadqiqot uchun zarur bo’lgan axborotni
eshitishi mumkin.
Mavzu yuzasidan savol va topshiriqlar: 
1. Pedagogik tashxis metodlarini tasniflang.
2. Pedagogik tashxisning noeksperimental metodlari mazmunini yoriting.
3. Pedagogik diagnostikada tadqiqotlari qanday tashkil etiladi?