Notariat to‘G‘risida I bo‘lim. Notariat faoliyatining tashkiliy asoslari

22-modda. Notarial idoralarni moliyalashtirish
Oldingi tahrirga qarang.
Oldingi tahrirga qarang.
Davlat notarial idoralari qonunchilikda belgilangan tartibda moliyalashtiriladi.
(22-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Xususiy amaliyot bilan shug‘ullanuvchi notariuslarning faoliyati:
notarial harakatlarni amalga oshirganlik uchun undiriladigan davlat boji summasining O‘zbekiston Respublikasi Vazirlar Mahkamasi tomonidan belgilangan miqdorda xususiy amaliyot bilan shug‘ullanuvchi notariuslarda qoladigan qismi;
huquqiy va texnik xususiyatga ega qo‘shimcha harakatlarni bajarganlik, shuningdek notariatning faol modeli doirasida xizmatlar ko‘rsatganlik uchun undiriladigan to‘lovlar;
Oldingi tahrirga qarang.
qonunchilikda taqiqlanmagan boshqa manbalar hisobidan moliyalashtiriladi.
(22-modda ikkinchi qismining to‘rtinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
Notariuslarning daromadlariga soliq solish soliq to‘g‘risidagi qonunchilikda belgilangan tartibda amalga oshiriladi.
(22-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Xususiy amaliyot bilan shug‘ullanuvchi notariusning depozit hisobvaraqlaridagi mablag‘lar notariusning daromadi hisoblanmaydi. Ushbu mablag‘larga notarius majburiyatlari bo‘yicha undiruvni qaratishga yo‘l qo‘yilmaydi.
(22-moddaning matni O‘zbekiston Respublikasining 2020-yil 14-yanvardagi O‘RQ-602-sonli Qonuni tahririda — Qonun hujjatlari ma’lumotlari milliy bazasi, 15.01.2020-y., 03/20/602/0052-son)
LexUZ sharhi
Qarang: Vazirlar Mahkamasining 2020-yil 16-martdagi 156-sonli “Nodavlat notarial faoliyatni tartibga soluvchi normativ-huquqiy hujjatlarni tasdiqlash to‘g‘risida”gi qarori 2, 3, 4-bandlari va “Davlat notarial idoralari va notarial arxivlar faoliyatini moliyalashtirish tartibi to‘g‘risida”gi nizom (ro‘yxat. № 2168, 22.12.2010-y.).
Oldingi tahrirga qarang.