Birinchi kurs talabalarini mavjud shart-sharoitga koʻniktirish, moslashtirish jarayonini samarali tashkil etish boʻyicha:
— “Birinchi kurs maktabi” tadbirlarini yuqori saviyada tashkil etish (darsdan tashqari vaqtlarda) va bunda quyi kurs talabalarining faol ishtirokini taʼminlash;
— talabalarning ijtimoiy-psixologik portretini shakllantirish;
— talabalarga ijtimoiy-maʼnaviy va psixologik yordam koʻrsatgan holda oʻzini yanada yaxshiroq anglash, oʻqish va hayotda toʻgʻri qaror qabul qilish, tanlagan kasbiga muhabbatni oshirish;
— “Odob axloq kodeksi” ning mazmun mohiyati bilan barcha kurs talabalarini tanishtirish va OTMning taʼlim-tarbiya jarayonini tartibga soluvchi qonun -qoidalariga rioya qilish boʻyicha tushuntirish ishlarini olib borish;
— talaba tomonidan odob-axloq qoidalari va boshqa qoidalar buzilganda unga nisbatan chora koʻrish toʻgʻrisida taʼlim muassasasi va fakultet rahbariyatiga taklif kiritish;
— talabaning axloqiy, maʼnaviy-maʼrifiy xususiyatlarini va u haqidagi shaxsiy maʼlumotlarni yorituvchi yigʻma jild hamda “Axborot soati” darsi va ish rejasidagi turli xil tadbirlarni qayd qilish jurnalini elektron tutish va yuritib borish.
