Oliy va o‘rta maxsus ta’lim vazirligi toshkent – 2022

II bob. YENGIL ATLETIKA

Yugurish. Past startdan chiqib 100m ga yugurish va marrani bosib o’tishini malakasini oshirish; 1000, 2000, 3000 m masofalarga yugurish; 4x100 metr estafeta yugurish.
Kross tayyorgarligi. 12 daqiqa davomida yugurish; yo‘nalishni o‘zgartira borib past-baland yerlardan yugurish; 3000 m masofaga kross yugurish.
Sakrash. Balandlikka va uzunlikka sakrashning maxsus mashqlari; yugurib kelib uzunlikka “oyoq bukish” usulida sakrash; yugurib kelib balandlikka “hatlab o‘tish” usulida sakrash.
Uloqtirish. Tennis koptogini yugurib kelib uzoqlikka uloqtirish; turgan joydan va yugurib kelib granatani uzoqlikka uloqtirish.

III bob. SPORT O‘YINLARI (basketbol, voleybol, qo‘l to‘pi)

Basketbol. Basketbol o‘yinini elementlari asosida har xil mashq usullarini bajarish; himoyaning maydon va shaxsiy ushlash turlarini mustahkamlash; to‘pni bir qo‘lda olib yurish; oldinga intilib chiqish; to‘pni ilib olish; yerga urib, sakrab halqaga tashlash; basketbol o‘yini qoidasiga asosan ikki tomonlama o‘yin. hakamlik qilish.
Voleybol. To‘pni yuqoridan o‘yinga kiritish va zonalarga yo‘naltirish; o‘yinga mustaqil tayyorgarlik ko‘rish; Ikki qo‘l qoidasiga rioya qilgan holda to‘pni to‘r orqali qarama-qarshi turgan jamoaga uzatishni takomillashtirish; hujum zarbalariga to‘siq qo‘yish; to‘rga tegib qaytgan to‘pni qabul qilish va qaytarish; to‘pni pastdan qabul qilish va belgilangan nuqtaga uzatish;.ikki guruh o‘rtasida o‘ynash taktikasini mustahkamlash; o‘rganilgan mashqlarni o‘yin vaqtida qo‘llay bilish; o‘yinga hakamlik qilishni bilish.
Qo‘l to‘pi: To'p bilan sheriklikda texnik va taktik xarakatlarni mukammallashtirish; ximoya va qarshi xujumda, jamoadoshlar bilan, xarakatlarni mutanosiblashtirish; xujumda raqiblarni ximoyadan olib chiqish ( styajka), to'siqlar qo'yish (zaslon); jarima to'plaridan foydalanishda aniqlikni oshirish; musobaqa shaklida ikki tomonlama o'yin; gandbolda xakamlik qoidalari.