Orom og‘ushida dilrabo bu tun: Oydin zulumotda jilmayar bahor
Yüklə 3,67 Mb. Pdf görüntüsü
|
|
gansiz. Keyinchalik realizmga o‘tib ketishingizga
nima sabab bo‘lgan? – Fantastika ajoyib janr-da. Xayolotning cheksiz parvozi. O‘qib ham, yozib ham rohatla - nadi kishi. Aniq fanlarga qiziqishim sabablimi, yosh - ligimdan ilmiy fantastik asarlarni ko‘proq o‘qirdim. Aytaylik, “Jahongir”, “Odam amfibiya”, “Professor Douelning boshi”, “Ko‘rinmas odam” va hokazo. Keyinroq ancha-muncha fantastik asarlarni o‘zbekchaga o‘girdim ham. Fantastik asarlarimdan iborat ikkita kitobim chiqdi. Biz adabiyotga kirib kelgan davrlar fantasti- kaga qiziqish kuchli edi-da. Yozuvchilar uyush- masida alohida to‘garak ham bor edi, shunga qatnab turardim. Ayniqsa, ilmiy fantastikani yaxshi ko‘raman. Jahon tarixida ko‘plab olimlarning buyuk kashfi- yotlariga aynan fantastik asarlarda qalamga olin - gan ilmiy-texnik yangiliklar sabab bo‘lganligi ni ham unutmaylik. Yana bir misol. Xitoy keyingi o‘n besh yilda ta’lim tizimiga aynan fantastik asarlarni ko‘proq o‘qitish tajribasini kiritdi. Bu qanday ko‘lamdor samaralarga olib kelganligini hammamiz ko‘rib- bilib turibmiz. O‘zimga kelsak, o‘tgan asrning to‘qsonin - chi yillarida hayot shu qadar mo‘l-ko‘l ajo yib- g‘aroyib, mantiqli-mantiqsiz, aql bovar qilmas, hatto fantast yozuvchilarning xayoliga kelmagan voqeliklarni qalashtirib tashladiki, ularni realistik usulda tasvirlashdan boshqa yo‘l qolmadi. www.ziyouz.com kutubxonasi 9 adabiy-ijtimoiy jurnal – Tarjima qilish yozuvchidan qanday mahorat talab qiladi? Robin Sharmaning “O‘lsang kim yig‘laydi?” asari tarjimasiga qay turtki bilan kirishdingiz? Kimdir sizga bu borada taklif berdimi yoki ko‘z ostingizga olib yurgandin- gizmi? – Yuqorida ham aytib o‘tdim, ancha-mun- cha roman-qissalarni, hikoya-novellalarni, she’r-dostonlarni rus tilidan o‘zbekchaga o‘gir- ishga to‘g‘ri kelgan. To‘g‘risi, buyam bir maktab. Ayniqsa, tarixiy asarlar tarjimasi alohida qunt, e’tibor va bilim talab qiladi. Shu bilan birga, bu jarayonda qalam charxlanadi, jumlaga aynan mos tusha digan so‘zni yoki uning muqobilini tez topish ko‘nikmasi shakllanadi. Sharmaga kelsak, nashriyotlardan biri shu kitobni tarjima qilib berishimni so‘rab qoldi. Avval o‘qib chiqay, dedim. Qarasam, ajoyib asar, deyarli har sahifasida donishman - dlik, ulkan ha yotiy tajriba va zalvorli xulosa mujassam! Mashhur faylasufning so‘zlari bilan aytsam, “Mazkur kitob – zamonaviy kishilar uchun xaloskor kuchdir. U bizga hayotning qanchalar bebaho ekanligini yana bir bor eslatadi”. Kitob o‘quvchiga tushunarli, jo‘n emas, sodda tilda yozilgan. Xullas, yayrab tar - jima qildim. – Asar yozganda yozuvchi o‘zining va o‘quvchining hafsalasini pir qilmasligi uchun ko‘proq nimalarga e’tibor berishi kerak? – Bu borada hammamiz biladigan, ammo amal qilishimiz qiyin bo‘lgan haqiqatlar ko‘p. Ijod azobini, bilasiz, yurakdagi tish og‘rig‘i de yishadi. Unga chidash juda qiyin. Ilhom kelganda yozish kerak. Yozganda ham o‘ziga ishonib yozish kerak. Abdulla Qahhor ayt - ganidek, yozganlari ning ke rakmas joyini qaychilab tashlashga ozgina insof va adolat ham kerak. Ko‘ngil ehtiyojidan tug‘ilgan asargina o‘zingizning ko‘ngil tuyg‘ula ringizga javob beradi. Yig‘lab yozilgan asar o‘quv chini yig‘latadi. Kulib yozilgan asar o‘quvchini kuld - iradi. Asar darddan, aytilmoqchi bo‘lgan gap iztirobidan tug‘iladi. Yozayotgan yoki yozib bo‘lgan asaringiz o‘zingizning hafsalangizni pir qilyaptmi, yaxshisi, vaqtida uni tashlab yuboring, o‘quvchiniyam, o‘zingizniyam qiynamang. Yüklə 3,67 Mb. Dostları ilə paylaş:
|