O’simliklar fiziologiyasi

Chidamlilik darajasi	Ekin turlari	Mevali daraxtlar
Ekin yetishtirishdan kо‘zlangan maqsad
О‘ta sust	Beda	Shaftoli	Chorva yem-xashagi va oziq-ovqat
Sust	Bug‘doy, pomidor tarvuz, bodring, arpa	Olma	Oziq-ovqat
О‘rta	Paxta	О‘rik	Xalq xо‘jaligi va oziq-ovqat
Yuqori	Lavlagi	Olcha, olxо‘ri	Chorva yem-xashagi va oziq-ovqat
О‘ta yuqori	Kungaboqar, jо‘xori	Uzum	Chorva yem-xashagi va oziq-ovqat

Ayrim ekinlar tuproqning shо‘rlanishiga nisbatan о‘ziga xos xususiyatga ega bо‘ladi. Masalan, P.A.Genkel va B.N.Stroganovlarning fikriga kо‘ra, kungaboqar sulfatlarga qaraganda xlorid tuzlar ta’siriga chidamliroq. G‘о‘za esa, aksincha, sulfatli shо‘rlanish ta’siriga chidamli bо‘ladi.

Tuproq namligi о‘simliklarning tuz ta’siriga chidamliligining muhim omili hisoblanadi. Tuproq qanchalik nam bо‘lsa, eritmasining konsentratsiyasi shuncha past va ekinlarning tuz ta’siriga chidamliligi shunchalik yuqori bо‘ladi. Aksincha, tuproqning namligi kamayishi bilan tuproq eritmasining konsetratsiyasi (tuproqdagi tuzlar miqdori о‘zgarmaganda). Ekinlarning tuz ta’siriga chidamliligiga tuproqdagi oziq moddalar, ayniqsa organik moddalar sezilarli darajada ta’sir etadi. Serunum tuproqlarda va dalalar organik moddalar bilan yaxshi о‘g‘itlanganida о‘simliklarning о‘sishiga tuzlarning zararli ta’siri ancha kamayadi. Tuproq kо‘proq shо‘rlangan bо‘lsa, kо‘p mineral о‘g‘it solishdan foyda yо‘q, aksincha zarar keltiradi, chunki tuproq eritma konsentratsiyasi yanada ortib boradi.
О‘simliklarning tuz ta’siriga chidamliligi joyning iklimiy sharoitiga ham bog‘liq. Issiq, quruq iqlimli, yog‘ingarchilik kam bо‘ladigan tumanlarda о‘simliklar (mо‘tadil iqlimli tumanlardagiga qaraganda) tuz ta’siriga uncha chidamaydi.