Tasavvur qilish: She‘r sezgi organlaringizga qanday ta‘sir qilayotganini kuzating.
She‘rni o‗qish (tinglash) davomida nimalarni tasavvur qildingiz, nimalarni
eshitdingiz, nimalarni his qildingiz?
Reaksiya bildirish: She‘r sizga qanday ta‘sir qildi? Xayolingizdan nima o‗ylar,
ko‗nglingizdan nima kechinmalar o‗tdi? Qanday xotiralarni yodga soldi?
Savol berish: shoir nimalar demoqchiligini tahlil qiling. Bu qatorda (misrada,
to‗rtlikda) nima haqda gap ketyapti? Shoir kimga (nimaga) murojaat qilyapti? Ushbu
simvol (obraz) nimani bildiradi? Shoir nimaga ayrim so‗zlarni (misralarni)
qaytaryapti?
Aniqlashtirish: Misralarni (to‗rtliklarni yoki butun she‘rni) o‗z so‗zingiz bilan aytib
bering.
Talqin qilish: She‘r sarlavhasi she‘ring mazmunini ochib berishga qanday xizmat
qiladi? Shoir o‗quvchiga qanday asosiy g‗oyani yetkazmoqchi? She‘rning har xil
ma‘nolari bo‗lishi mumkinmi?
Dramatik asarlar bilan ishlashda esa faol o‗qish modelining quyidagi
strategiyalarini qo‗llash mumkin (bunda o ‗quvchilar asarni o‗qish davomida o‗zlari
uchun har bir strategiyaning muhim savollariga javob izlaydilar:
Vizualizatsiya (xayolda tasavvur qilish): Sahnada nimani ko‗ryapman?
Qahramonlar qanday kiyingan? Ular sahnada qanday harakat qilishadi, qanday
gapirishadi, o‗zlarini qanday tutishadi?
Quloq tutish: Aktyorlar qanday gapirishi kerak? Rollarini ijro etayotganida qaysi
so‗zlarga urg‗u berishi, obrazning ichki kechinmalarini ovoz orqali qanday yetkazib
berishi kerak?
O„ziga o„zi savol berish: Nima bo‗lyapti o‗zi? Qahramon nega bunday deyapti yoki
qilyapti? Uning maqsadi nima?
Hayot bilan bog„lash: Hayotimda shu obrazga o‗xshagan insonlarga duch
kelganmanmi? Shu vaziyatda men nima qilgan bo‗lar edim?
