II. BOB. MILLIY URF-ODAT VA MAROSIMLARNI O’RGANUVCHI NOMODDIY MADANIY MEROS FANI VA UNI O‘QITISHDA ZAMONAVIY PEDAGOGIK TEXNOLOGIYALAR 2.1. Milliy urf-odat va marosimlarni o’rganuvchi Nomoddiy madaniy meros fani mazmuni «O’zbekistonning nomoddiy madaniy meros» darsi oliy o`quv yurtlari talabalarining bilimlarini va madaniyatini oshirish, o`zbek milliy nomoddiy madaniy merosining yorqin sahifalarini o`rganishga qaratilgan. Bu esa o`z navbatida ularning bo`lajak kasblariga ijodiy yondoshishlariga xizmat qiladi.
« O’zbekistonning nomoddiy madaniy merosi» bo`yicha tuzilgan ushbu ishchi dastur ijtimoiy-madaniy faoliyat yo’nalishi talabalariga mo`ljallangan.
O`quv fanining maqsadi va vazifalari. Nomoddiy madaniy meros tushinchasi - tarixiy, ilmiy, badiiy yoki o’gacha madaniy qimmatga ega bo’lgan urf-odatlar, xalq ijodiyoti(so’z, raqs, musiqa, tomosha san’ati), o’ziga xoslikni ifodalash shaklllari, bilimlar va ko’nikmalarni, shuningdek, ular bilan bog’liq jihozlar, predmetlar, artafektlar va madaniy makonlarni aks ettiradi.
Maqsadi: Yoshlarning ongida o’zbek xalqining asrlar mobaynida sayqal topib o’zgacha ahamiyat kasb etib qadriyat darajasiga yetgan urf-odatlari, xalq ijodiyoti hamda ular bilan bog’liq bilim va ko’nikmalarni shakllantiradi.
Fanning vazifasi:
Ijtimoiy-madaniy faoliyat yo’nalishi talabalarini talab darajasida nomoddiy madaniy meros turlari, shakllari va bu boradagi bilim va ko’nikmalarni shakllantirish;
Xalq og’zaki ijodi namunalari asosida talabalarda bu borada yetarli ko’nikmalar xosil qilish;
Xalq tomasha san’ati, o’yinlari to’g’risida yetarlicha tasavvurga ega bo’lishini ta’minlash;
O’zgacha madaniy qimmatga ega bo’lgan urf-odatlar yuzasidan talabalar bilimini yanada mustahkamlash;
Nomoddiy madaniy merosni saqlash, muhofaza qilish va kelajak avlodga yetkazishga qaratilgan normativ-huquqiy bazani hamda ma'muriy boshqaruv tizimini o’rgatish.
Nomoddiy madaniy meros targ‘ibotida madaniy turizm dasturlaridan keng foydalanishni o‘rgatish.
