O‘zbekiston respublikasi ichki ishlar vazirligi a k a d e m I y a

9-moddasida 
O‘zbekiston Respublikasi hudidagi 
chet el investitsiyalari uchun huquqiy rejim belgilangan bo‘lib, u 
quyidagichadir: 
Davlat O‘zbekiston Respublikasi hududida chet ellik investorlar 
investitsiya faoliyatini amalga oshirishlari chog‘ida ularning barcha 
huquqlarini kafolatlaydi va himoya qiladi. 
Chet ellik investorlar va chet el investitsiyalari uchun adolati va teng 
huquqli rejim, ularning to‘liq va doimiy himoyasi hamda xavfsizligi 
ta’minlanadi. Bunday rejim O‘zbekiston Respublikasining xalqaro 
shartnomalarida belgilab qo‘yilgan rejimga qaraganda noqulayroq 
bo‘lishi mumkin emas. 
Chet el investitsiyalarining huquqiy rejimi O‘zbekiston Respublikasi 
yuridik va jismoniy shaxslari tomonidan amalga oshirilayotgan 
investitsiyalarning tegishli rejimiga qaraganda noqulayroq bo‘lishi 
mumkin emas. 
O‘zbekiston Respublikasining qonun hujjatlarida xalqaro huquqning 
umume’tirof etilgan normalariga muvofiq O‘zbekiston Respublikasining 
milliy xavfsizligi manfaatlarini himoya qilish maqsadida iqtisodiyot va 
faoliyatning muayyan sohalarida chet el investitsiyalari uchun cheklashlar 
yoki taqiq nazarda tutilgan bo‘lishi mumkin. 
Chet ellik investorlarning O‘zbekiston Respublikasi qonunlari bilan 
kafolatlangan huquqlari va manfaatlari buzilganda ularni tiklash 
O‘zbekiston Respublikasining qonun hujjatlari, shu jumladan xalqaro 
shartnomalari bilan tartibga solinadi. 
Ushbu qonuning 21-moddasiga binoan chet ellik investorlar va chet 
el investitsiyalari ishtirokidagi korxonalar O‘zbekiston Respublikasi 
qonun hujjatlarining talablariga rioya etishi ustidan nazorati soliq 
organlari va O‘zbekiston Respublikasi Hukumati vakolat bergan boshqa 
davlat organlari O‘zbekiston Respublikasi qonun xujjatlarida belgilangan 
vakolatlari doirasida amalga oshiradilar. 
Nazorat qiluvchi organ nazorat vazifalarini amalga oshirishda tijorat 
siri saqlanishini ta’minlashi shart. Tijorat sirini oshkor qilish O‘zbekiston 
Respublikasi qonun hujjatlariga binoan ta’qib qilinadi.