O'zbekiston respublikasi oliy va o'rta maxsus ta'lim vazirligi bm. Umarov

3-rasm. Nizolarning umumiy sxematik ko'rinishi

shilik bu nizo bo'lavermaydi. Odamlar bir-birining fikri bilan kelish- masligi va o'zaro bahslashishi muinkin, har bin o'z fikrida qoladi, lekin baribir kelishib ishlashga ko'p hollarda majbur bo'ladi, qarama- qarshilik, ba'zan yoqtirmaslik, emosiya, tushunmaslik, ko'rabilmaslik va boshqa sabablar nizoning kelib chiqishiga sabab bo'ladi. Nizo nafa- qat qarama-qarshilik, shuningdek, o'ziga xos kurashish hamdir. Har ikkala tomon ham bunday holatda o'zlarini haq deb bilishadi va o'zaro kurashadi. Nizo bu qarama-qarshi dunyoqarashlar negizida yuzaga keladi. Nizoni albatta echish kerak, chunki busiz hayot me'yorida davom etmaydi. Yuqorida aytib o'tganimizni tahlil qilib, psixologik nuqtai nazardan biz shunday ta'rif beramiz: „Nizo — bu shaxslardagi qarashlar, qiziqishlar o'rtasida qarama-qarshilik natijasida yuzaga kel- gan psixologik holat bo'lib, bu faqat shaxslarning bir-biri bilan ham- korlik jarayonida yuzaga keladi".

5. Ta'Iim-tarbiya psixologiyasi. Tarbiyaning maqsadi,

   
   vazifalari va usullari
   

O'zlashtirish, ta'lim, keng ma'noda olganda, o'quvchining uyushgan bilish faoliyatidir, bu faoliyat idrok, xotira, tafakkur, xayol kabi qatorbUishjarayonlarini o'z ichiga oladi. Ijodiy o'zlashtirish sifatida o'qish, bilim egallash uch omilga — nimani o'qitishga, kim va qanday o'qitishga, kimni o'qitishga bog'liqdir. Birinchidan, o'qishning xarakteri o'zlashtirilayotgan materialga, uning mazmuniga va qanday sistemada etkazib berilayotganligiga bog'liqdir. Ikkinchidan, u o'qituvchining metodik mahoratiga va tajribasiga, uning shaxsiy xususiyatlariga, har bir ayrim holda qo'llaniladigan konkret o'qitish metodikasiga bog'- liqdir. Nihoyat, o'qish jarayoni o'qituvchining o'ziga xos xususiyatlariga ham — uning psixik rivojlanishining (aqliy, emosional, irodaviyjihatdan) individual xarakteristikasiga, unda o'qishga nisbatan qaror topgan munosabatlarga, uning qiziqish-havaslariga bog'liqdir. Boshqacha qilib aytganda, ta'lim jarayoni o'quvchiga nimani va qanday qilib o'rgatish- ning oddiy va bir xll natijasi emas, balki sirtdan ta'sir qildiriladigan shart-sharoitlarning oqibati hamda o'quvchining individual-psixologik xususiyatlariga bog'liq ravishda amalga oshiriladi.

N.D. Levitov fanga o'zlashtirishning psixologik komponentlari degan tushunchani kiritadi. U ana shu komponentlar deganda o'quvchi psixikasining bir-biri bilan o'zaro bog'langan ko'p qirrali tomonlarini tushunadi. Uning fikricha, ana shu komponentlarni aktivlashtirmasdan

va tegishli tarzda yo'naltirmasdan turib, ta'limda maqsadga erishib bo'lmaydi. Bunday komponentlarga quyidagilar kiradi.

1. O'quvchilarning o'qishga ijobiy munosabatda bo'lishi. O'qishga ijobiy munosabatda bo'lish o'quv materialini to'la-to'kis o'zlashti- rishning mutlaqo zarur shartidir. O'quvchining o'qishga munosabati uning o'qishga diqqat qilishida, qiziqishida, qiyinchiliklami bartaraf qilish uchun iroda kuchini sarflashga tayyor ekanligida ifodalanadi.

   
   

2. Material bilan bevosita hissiy tanishish jarayonlari. O'quv materialini o'zlashtirishda his etiladigan, ko'rgazmali materialning, „jonli mushohada"ning roli kattadir. Psixologik nuqtai nazardan predmetli, tasviriy va so'z ko'rgazmaliliklari farq qilinadi.

   
   

3. Olingan materialni aktiv ravishda qayta ishlash jarayoni bo'lgan fikrlash jarayoni. O'quv materialni anglash, tushunish, uni muayyan sistemaga kiritish, muayyan sohalarga oid aloqalarni, fanlar ichidagi va fanlararo aloqalarni topa olish va ularni o'zaro bog'lay olish (Yu.A. Samarin fikri bo'yicha) — o'zlashtirishning navbatdagi eng muhim komponentidir.

   
   

Tushunish hamisha yangi materialni tarkib topib bo'lgan asso- siasiyalar sistemasiga kiritishni, notanish materialni tanish material bilan bog'lashni anglatadi. Sabab-oqibat bog'lanishlari munosabatlarini o'rganish o'quvchilar uchun birmuncha qiyinchilik tug'diradi, bunga sabab, bir tomondan shuki, hatto bir xildagi oddiy munosabatlar ham ko'pincha bir tomonlama emas (birdan-bir sabab - bitta oqibat), balki ko'p tomonlama bo'ladi. Bitta sabab ko'p oqibatlarga ega bo'ladi yoki bitta oqibatni ko'pgina sabablar vujudga keltirishi mumkin. Ikkinchi tomondan, bu qiyinchiliklar shu narsa bilan bog'liqki, sabab-oqibat bog'lanishlari ko'pincha oddiy kuzatish yo'li bilan idrok qilinmaydi, balki tafakkur yordamida aniqlanadi.

4. Qabul qilingan hamda ishlab chiqilgan axborotni esda olib qolish va esda saqlash jarayoni. O'quvchining tafakkuri bilan qabul qilingan ^va qayta ishlangan axborot xotirada saqlanishi lozim. Bu esa istalgan bir paytda xotiradagi zahiralardan zarur ma'lumotlar olish va ularni qo'llash imkoniyatini beradi.

   
   

Ko'pgina psixologlar ta'lim jarayonini tahlil qilar ekanlar, uni etarli darajada boshqarib bo'lmaydigan jarayon deb ta'kidlaydilar. Lekin ^uni butunlay boshqarib bo'lmaydigan, stixiyali ravishda tarkib topadigan Jarayon deb atash noto'g'ri, aks holda bu hoi aniq maqsadni ko'zlab ta'lim berish g'oyasining o'ziga zid bo'lar edi.

Hozirgi zamon pedagogik psixologiya fanida ta'limni oqilona intensivlashtirishni, ya'ni o'quvchilarning yoshlariga xos intellektual imkoniyatlari haqidagi an'anaviy tasawurlarni o'zgartirish, ta'lim oluvchilarning aqliy taraqqiyot rezervlarini qidirib topish masalalari yuzasidan ilmiy izlanishlar olib borilmoqda. Shuningdek, psixologlar ta'lim prosessida o'quvchilarda aktiv, mustaqil, ijodiy tafakkurni, mus- taqil bilish faoliyatiga, mustaqil bilim egallashga, yoki ba'zi hollarda o'z-o'zicha ta'lim olishga oid qobiliyatni o'stirish choralarini ko'r- moqdalar. Shuningdek, ta'limni individuallashtirish va differen- siyalashning psixologik negizlari ishlab chiqlmoqda. L.V. Zankov ancha mashhur yangi didaktik ta'lim sistemasini (kichik yoshdagi o'quvchilar bilan) ishlab chiqdi. Bu sistemaga quyidagi prinsiplar asos qilib olinadi:

1. Ta'limni yuqori darajadagi qiyinchiliklar asosida (qiyinchilik mezoniga qat'iy rioya qilgan holda) qurish. Faqat ana shunday ta'lim, deb ko'rsatadi L.V. Zankov, jiddiy aqliy ish olib borish uchun oziq berishi hamda o'quvchilarning tez va intensiv ravishda rivojlanishiga ko'maklashishi mumkin.

   
   

2. Materialni tez sur'at bilan o'tish (yana aqlga to'g'ri keladigan chegarada); ta'limning bilishga taalluqli tomonining, nazariy bilim- Iarning salmog'ini keskin tarzda oshirish. Materialni egallashga olib boradigan yo'l — olingan ma'lumotlarni uzviy o'zaro bog'liq holda, o'quvchining savollariga mustaqil ravishda javob izlash, o'z-o'zini nazorat qilish va o'z-o'zini tekshirish yordamida chuqur anglab olishdir.

   
   

Ko'rsatib o'tilgan prinsiplarga muvofiq ravishda tashkil etilgan eksperimental ta'lim shuni ko'rsatadiki, o'quvchilar ancha chuqur va mazmunli bilim olibgina qolmay, balki ularning aqliy faolligi ortadi, ularning yuqori darajadagi intellektual rivojlanishi ta'minlanadi, o'qishga ijobiy munosabat tarbiyalanadi.

Ta'limning asosi - o'qituvchining o'quvchilarga etkazadigan mo'l- ko'l axborotni esda olib qolishi emas (garchi bu muhim vazifa bo'lsa- da), balki bu axborotni olish jarayonida o'quvchilarning o'zlari faol ishtirok etishi, ularning mustaqil filer yuritishini, mustaqil bilim olish, o'z-o'zicha ma'lumotini oshirish qobiliyatini asta-sekin shakllantirib borishdan iborat bo'lmog'i kerak. Ko'pgina psixologlar L.S. Vigotskiy tomonidan aniqlangan qoida, ya'ni ta'lim berish o'quvchi qo'lga kiritib bo'lgan rivojlanish darajasini ko'zlamasdan, birmuncha olg'a ketishi, o'quvchining tafakkuriga uning mavjud imkoniyatlarini birmuncha oshiradigan talablar qo'yishi, u erishgan va yaxshi

o'zJashtirib olgan analitik-sintetik faoliyat darajasini talab qilishi kerak degan qoidaga asoslanadilar. L.S.Vigotskiy ta'limning aqliy rivoj- lanishidagi etakchi rolini ta'kidlar ekan, ta'lim o'quvchining rivoj- lanishidagi kechagi kunga emas, balki ertangi kunga tayanmog'i lozim, deb hisoblagan edi. Ta'lim rivojlanishning faqat tugallangan darajasi asosida ko'rilmasdan, awalo, hali unchalik tarkib topmagan (va shunday ta'lim ta'siri ostida tarkib topayotgan) narsalarga tayanmog'i lozim.

L.S. Vigotskiy boladagi aqliy rivojlanishning 2 darajasi haqidagi qoidani ifodalab beradi. Birinchi daraja, L.S. Vigotskiy aytganidek, aktual rivojlanish darajasi — o'quvchi tayyorgarligining mavjud darajasi bo'lib, u o'quvchining qanday topshiriqlarni to'la mustaqil bajara olishi bilan xarakterlanadi. Ancha yuqori bo'lgan ikkinchi daraja (uni Vigotskiy eng yaqin rivojlanish zonasi deb atagan) bolaning nimani mustaqil bajara olmasligini, lekin ozroq yordam bilan (yo'1-yo'riq beruvchi savollar, aytib berishlar, ishora qilishlar, umumiy ko'r- satmalar berish va hokazo) nimaning uddasidan chiqa olishini ko'rsatadi. L.S.Vigotskiy, bola bugun kattalar, o'qituvchi yordamida bajarayotgan narsani ertaga mustaqil ravishda o'zi bajaradi, eng yaqin rivojlanish zonasiga kirgan narsalar, ta'lim prosessida aktual rivojlanish darajasiga o'tadi deb ta'kidlagan edi.

„Faol tafakkur", „mustaqil tafakkur" va „ijodiy tafakkur" tushun- chalari o'rtasidagi munosabatni konsentrik doiralar shaklida belgilash mumkin. Bu tushunchalar tafakkurning turli darajalari bo'lib, ularning har biri o'zidan oldingi boshlang'ich tafakkurga nisbatan bir ko'rinish hisoblanadi. Ijodiy tafakkur mustaqil va aktiv bo'ladi, lekin har qanday aktiv tafakkur ham mustaqil tafakkur bo'lavermaydi va har qanday mustaqil tafakkur ham ijodiy tafakkur bo'lavermaydi. Buni misol tariqasida tushuntirib beraylik. O'quvchi teoremani isbot qilishni tushuntirib berayotgan o'qituvchining so'zlariga diqqat bilan quloq soladi, materialni tushunib olishga harakat qiladi — bu erda gap aktiv tafakkur haqida borishi mumkin. Agar o'qituvchi tushuntirish o'rniga o'quvchilarga teoremani darslik teksti asosida mustaqil tahlil qilishni, tegishli bo'limni mustaqil ishlab chiqishni taklif etsa, u holda mustaqil (va, albatta, aktiv) tafakkur haqida gapirish mumkin. Isbot qilib berilmagan narsani o'quvchining o'zi kashf etib, o'zi topgan taqdirda ijodiy tafakkur haqida gapirsa bo'ladi.

O'quvchilarning biror bir haqiqatni mustaqil izlashi va kashf etishi bilan bog'liq bo'lgan ta'lim metodi — problemali-evristik yoki

tadqiqotchilik metodi deb ataladi. Tadqiqotlarning ko'rsatishicha, bu o'rinda faqat natijaning topilishi, haqiqatning sub'ektiv „kashf etilishi" fakti emas, uni izlash jarayonining o'zi ham, o'quvchilarni ijodiy fikr „laboratoriyasi"ning o'ziga olib kiradigan jarayon ham asosiy ahamiyatga egadir. Problemali ta'lim shu jihatdan bir qancha af- zalliklarga ega bo'ladi:

1. U o'quvchilarni mantiqiy, ilmiy, dialektik, ijodiy fikrlashga o'rgatadi.

   
   

2. U o'quv materialini ancha ishonarli qiladi, bu bilan bilimlarning e'tiqodga aylanishiga ko'maklashadi.

   
   

3. U odatda, ancha ta'sirchan bo'lib, chuqur intellektual his- tuyg'ular, shu jumladan, shodiyona qoniqish tuyg'usini, o'z imko- niyatlari va kuchiga ishonish tuyg'usini vujudga keltiradi, shuning uchun u o'quvchilarni qiziqtiradi, o'quvchilarda ilmiy bilishga jiddiy qiziqishni tarkib toptiradi.

   
   

4. Haqiqatning, qonuniyatning mustaqil „kashf etilishi" oson- likcha unutilmasligi aniqlab chiqilgan, mustaqil hosil qilingan bilimlar unutilgan taqdirda ham, ularni tezroq qayta tiklash mumkin.

   
   

Ta'limni individuallashtirish har bir o'quvchi individual (alo- hida), boshqalarga bog'liq bo'lmagan holda ta'lim oladi degan ma'noni bildirmaydi (garchi prinsip jihatidan shunday ta'lim bo'lishi mumkin bo'lsa ham). Xususan, programmalashtirilgan ta'lim (epizod sifatida emas, balki ta'lim sistemasi sifatida) o'z tabiatiga ko'ra indivi- duallashtirilgan ta'limdir. Ta'limni individuallashtirish — o'quvchining individual-psixologik xususiyatlariga tayanadi, ana shu xususiyatlarni hisobga olgan holda quriladi.

Ta'limni individuallashtirish prinsipi o'qitishda o'quvchilarning real tiplariga tayanish zarurligiga asoslanadi. Bu prinsipni, biz ko'rib o'tganimizdek, programmalashtirilgan ta'lim juda yaxshi amalga oshiradi. Lekin odamdagi ta'lim sharoitida ham bu prinsip tadbiq etilishi mumkin va lozim. O'quvchilarning individual-psixologik xususiyatlari ta'limnirig ayrim metodlari va usullarini tanlash hamda qo'llash vaqtida, sinf va nazorat ishlarning variantlarini (ularning qiyinlik darajasiga qarab) aniqlashda hisobga olinadi.

Ta'limning bilishga oid qiziqishlarini rivojlantirishga qaratilgan motivasion-qiziqarli tomonlariga ko'proq e'tibor berilishi lozim. Ana shu o'quvchilar bilan olib boriladigan ishning xarakterli xususiyati — ular psixikasining ojiz tomonlariga passivlik bilan moslanish emas, 40

balki bu o'quvchilar maksimal darajada voyaga etishi uchun ularning aqliy rivojlanishiga aktiv ta'sir ko'rsatish prinsipi bo'lmog'i kerak. Tarbiyachi va o'qituvchi ayrim bolalarda opining o'rtacha ekanligi, qobiliyatsizligi va hatto mukammal emasligi haqida paydo bo'lgan tasawurga aktivlik bilan qarshilik ko'rsatishlari lozim. Ta'lim bunday o'quvchilarning individual xususiyatlariga muvofiqlashmaydi, balki o'quvchining o'zi tobora tezlashib va murakkablashib borayotgan ta'lim prosessiga ko'proq moslashadi.

Pedagog va psixologlarning asosiy vazifasi — barcha bolalarning qobiliyati maksimal darajada va har tomonlama rivojlanishini ta'min- laydigan shart-sharoitlarni aniqlashdan iborat. Shu bilan bir qatorda, muayyan sohalarda chuqur qiziqishini, moyilligi va qobiliyatini namoyon qilayotgan o'quvchilarni ham aniqlash va ularga bundan keyingi rivojlanishi uchun barcha shart-sharoitlarni yaratibberish zarur. Bu vazifani differensiyalashgan (keng ma'noda olganda) ta'limning turli shakllari bajarishi mumkin. Bu erda maxsus maktablarva sinflarning har xil tiplari (matematik, fizik, ximik, biologik va hokazo tiplari), fakultativ kurslar, maktab ilmiy jamiyatlari, bilim beradigan to'garak- lar va hokazolar ko'zda tutiladi.

Differensiyalashgan ta'limning barcha sanab o'tilgan formalari asosida quyidagi fikr, ya'ni hamma o'quvchilar hamma fanlar bo'yicha bilimlarning muayyan minimumini to'la-to'kis o'zlashtirishlari (bu minimum davlat o'quv programmalarida belgilab berilgan), bundan tashqari esa, ayrim fanlarni asosliroq va chuqurroq o'rganishlari yoki o'quv rejasiga kirmaydigan fanlarni o'rganishlari mumkin, degan fikr yotadi.

Tarbiya psixologiyasi maqsadga muvofiq ravishda tashkil etilgan pedagogik jarayon sharoitida inson shaxsi shakllanishining qonu- niyatlarini o'rganadi. Tarbiya har qanday jamiyatning muhim vazifasidir.

Tarbiya — bu shaxsning ijtimoiy, ma'naviy va ishlab chiqarish faoliyatiga tayyorlash maqsadida uning ma'naviy, jismoniykamolotiga muntazam ravishda ta'sir ko'rsatish jarayonidir.