O‘zbekiston respublikasi oliy va o‘rta maxsus ta’lim vazirligi guliston davlat universiteti

Ilovalar:
Fan dasturi............................................................................................
Ishchi fan dasturi..................................................................................
Tarqatma materiallar ........................................................................
Xorijiy o‘quv materiallari (elektronshaklda)…………….…………
Taqdimotlar va multimediya vositalari (elektron shaklda)............... Qo‘shimcha didaktik materiallar.......................................................

Kirish
O‘zbekiston Respublikasining “Davlat tili haqida”, “Lotin yozuviga asoslangan o‘zbek alifbosini joriy etish to‘g‘risida”gi qonunlari hamda O‘zbekiston Respublikasi Vazirlar Mahkamasining 1996-yil 10-sentabrdagi 311-sonli qarori bilan tasdiqlangan Davlat dasturi talablaridan kelib chiqib, Oliy va o‘rta maxsus ta’lim vazirligining 1996-yil 14-noyabrdagi 267-sonli buyrug‘iga binoan oliy o‘quv yurtlari talabalariga “Davlat tilida ish yuritish, hujjatchilik va atamashunoslik” kursi o‘tib kelinmoqda. Shuni e’tirof etish lozimki, hanuzgacha mamlakatimiz bo‘yicha oliy o‘quv yurtlari talabalari uchun mazkur fandan yagona dastur, o‘quv qo‘llanma yoki darslik yaratilganicha yo‘q. To‘g‘ri, bu sohada respublikamizda ma’lum tajribalar to‘plangan. Hozirgacha talabalarimiz M.Aminov, A.Madvaliyev, N.Mahkamov va N.Mahmudovlarning “Ish yuritish” nomli amaliy qo‘llanmasidan (Toshkent, O‘zMu, 1990, 2000) foydalanib kelishmoqda. Biz ham mazkur kursni o‘tish jarayonida hamda hujjatlarning andozalarini tayyorlashda shu kitobda keltirilgan ma’lumotlarga tayanib, ish ko‘rib kelmoqdamiz. Shuningdek, akademik litsey va kasb-hunar kollejlari talabalari uchun S.A.Karimov, Sh.M.Mahmatmurodov, O.N.Karimovalar tomonidan yaratilgan “Nutq madaniyati va davlat tilida ish yuritish” nomli o‘quv qo‘llanma (Toshkent, O‘zbekiston, 2003) ham nashr etildi. Shunga qaramasdan “Davlat tilida ish yuritish, hujjatchilik va atamashunoslik” kursi bo‘yicha yangi alifbo hamda u asosida tuzilgan imlo qoidalariga tayanuvchi o‘quv qo‘llanmaga bo‘lgan ehtiyoj mavjudligicha qolmoqda. Mana shu kabi talab va ehtiyojlar inobatga olinib, yangi alifbo va imlo qoidalari asosida mazkur o‘quv-uslubiy majmua yaratildi.
Mazkur o‘quv-uslubiy majmua orqali universitetni bitiruvchi talabalar – bo‘lg‘usi mutaxassis-kadrlar o‘z mutaxassisliklariga doir terminlar ustida ishlashni, kundalik ish yuritish jarayonida ko‘plab duch kelinadigan hujjatlar bilan ishlashni o‘rganadilar.