KURS ISHLARINING MAVZUSINI TANLASH Kurs ishlari muvaffaqiyatini aniqlaydigan muhim va mas‟uliyatli
vazifalardan biri – tadqiqot mavzusini tanlashdir. Mavzularga qo„yiladigan
umumiy talab – ularning dolzarbligi, ishlab chiqarish ehtiyojlari va muammolari
bilan bog„liqligidir. Ular hozirgi zamon talablari va sanoatni rivojlanish
tendensiyalari istiqbollaridan kelib chiqishi zarur.
Kurs ishi mavzusi keng qamrovli nazariy va amaliy xususiyatga ega bo„lishi,
sanoat ishlab chiqarishini rivojlantirishning eng muhim vazifalarini qamrab olishi
va ilmiy-ishlab chiqarish yo„nalishida tadqiqotlar olib borishni nazarda tutishi
lozim. Kurs ish mavzusi muammoning zamonaviy holatini va iqtisodiyot, biznes,
ishlab chiqarish, ijtimoiy sohalar, fan, ta‟lim va madaniyatning istiqboliy
rivojlanishini aks ettirishi kerak.
Mavzuning dolzarbligini asoslashda ushbu masala ustida tadqiqotlar olib
borish nima uchun zarurligini, ishlab chiqarish bilan bog„liq qanday muammolar
bunga sabab bo„lganini va tadqiqot yakunlari bo„yicha erishilajak natijalar
muammoni yechishga qanday ta‟sir ko„rsatishini aniq bayon etib berish lozim.
Kurs ishlari mavzulari ixtisoslashgan kafedralar tomonidan belgilanadi va har
o„quv yilida yangilab turilishi tavsiya etiladi.
Talabaga kurs ishi mavzusini tanlash huquqi beriladi. Mavzuni tanlash
jarayonida talabalarga kurs ishi rahbari yordam berishi maqsadga muvofiq.
Mavzuni tanlash jarayonida rahbar tavsiya etilayotgan mavzular ro„yxatini berish
bilan cheklanib qolmay, balki tanlanadigan mavzuni mohiyati va ochib berish
imkoniyatlari bilan hamda ma‟lumotlar manbalari bilan talabani tanishtirishi
maqsadga muvofiq.
Kurs ishi mavzusini tanlashda rahbar va talaba quyidagilarga e‟tibor berishi
lozim:
1.
Kurs ishini yozish jarayonida mavzuni chuqur o„rganish va tajriba oshirish
imkoniyati mavjudligi.
2.
Talabaning ilmiy-amaliy izlanishga qobiliyatliligi.
5
3.
Kurs
ishini
bajarish
uchun
ma‟lumotlar, yo„riqnomalar bilan
ta‟minlanganlik darajasi.
Kurs ishlari mavzusining yillik ro„yxati kurs boshida e‟lon qilinadi. Kurs ishi
mavzusi rahbarning taqdimnomasi bo„yicha kafedra ilmiy kengashida muhokama
qilinib tasdiqlanadi .