3
KIRISH
Zamonaviy iqtisodchi keng qamrovli bilimlarga ega bo„lishi,
nazariy
bilimlarni amaliy vazifalar bilan bog„lay olishi va o„z tanlagan sohasi bo„yicha
haqiqiy bilimdon bo„lishi lozim. Bu maqsadga erishish talabadan o„z ustida tinmay
ishlashni, nazariy va amaliy bilimlarini doimiy ravishda boyitib borishni, ishlab
chiqarish iqtisodiyoti, uni oqilona tashkil etish va boshqarish ko„nikmalarini
chuqur o„zlashtirishni talab qiladi.
Kurs ishida talabaning oliy o„quv yurtida o„qish davomida to„plagan nazariy
va amaliy
bilimlari yuzaga chiqadi, talabaning nazariy bilimlar bilan qurollanish
darajasi, uning olgan bilimlari va ko„nikmalarini ilmiy-ishlab chiqarish vazifalarini
yechishga qay darajada qo„llay olishi namoyon bo„ladi. Kurs ishini bajarish
talabadan olingan nazariy va amaliy bilimlardan foydalanishni talab etadi,
talabaning o„qish davomida olgan bilimlarini umumlashtirishga, chuqurlashtirishga
va mustahkamlashga, ularni amaliyotga qo„llashga imkon beradi.
Uslubiy ko„rsatmalar Oliy ta‟limning bakalavriat 200 000 –Ijtimoiy soha,
iqtisod va huquq sohasidagi 5231900 – Korporativ boshqaruv ta‟lim yo„nalishining
talabalari «Korporativ boshqaruv:
prinsiplar, siyosat va amaliyot» fanidan kurs
ishini bajarishda foydalanish uchun mo„ljallangan.
KURS ISHINING MAQSADI VA VAZIFALARI
Kurs ishining maqsadi – talaba o„qish davri mobaynida olgan nazariy
bilimlarini va amaliy darslardagi egallagan ko„nikmalarini hamda amaliyotda
o„rgangan malakalarini mustahkamlashdan iborat bo„lib talabani o„z
ixtisosligi
bo„yicha mehnat faoliyati uchun tayyorgarlik darajasini kuchaytirishga qaratilgan
mustaqil bajariladigan ilmiy izlanish ishi hisoblanadi.
Kurs ishi bakalavriatning mazkur yo„nalishiga davlat ta‟lim standartida
qo„yilgan talablarga, mamlakatimiz hukumatining
olib borayotgan iqtisodiy
islohotlar mazmuniga, korporativ boshqaruv joriy etilgan ob‟yektlarning
rivojlanish istiqbollariga mos kelishi maqsadga muvofiqdir.
Kurs ishini bajarish quyidagi vazifalarni bajarish ko„zda tutiladi:
- talabalarning ta‟lim yo„nalishi bo„yicha olgan nazariy va amaliy
bilimlarni umumlashtirish,
tizimga keltirish, mustahkamlash va kengaytirish,
olingan bilimlarni aniq ilmiy, texnika, ishlab chiqarish,
iqtisodiy, ijtimoiy va
biznes vazifalarini hal etishda qo„llash;
- talabalarda mustaqil ishlash ko„nikmalarini rivojlantirish, yechim talab
etadigan muammo va masalalarni tadqiq etish usullarini
egallashga va tadqiqot
o„tkazishga imkon yaratish;
4
- ijodiy ishlash, ishlab chiqilayotgan masalaning (muammoning) qo„yilish
jarayonidan boshlab, uni to„la nixoyasiga yetkazish bo„yicha qaror qabul qilishda
bo„lgan mas‟uliyatni his etishga o„rgatish;
- zamonaviy ishlab chiqarish va biznes,
iqtisodiyot, texnika va
madaniyatining
rivojlanishi
sharoitida
talabalarni
mustaqil
ishlashga
tayyorgarligini aniqlash.
Kurs ishini bajarish jarayonida korporativ boshqaruv jarayonlaridagi
muayyan shart-sharoitlardagi mavjud kamchiliklar va muammolarning kelib
chiqish sabablarini ochib berishi muhimdir.
Dostları ilə paylaş: