МЕХАНИК ҚЎҒИРЧОҚ – корпус бўйича бошқарув таянчига бириктирилган қўғирчоқ. Отларни хатти – ҳаракати ёки маршда юраётган солдатлар, дарахтга чиқаётган персонажлар учун механик қўғирчоқлардан фойдаланилади.
МИМИКАЛИ ҚЎҒИРЧОҚ – юмшоқ материалдан – трикатин, резина кабилардан тайёрланувчи қўғирчоқлар. Бунда актёр бармоқлари ўз – ўзидан қўғирчоқни бош қисмида жойлашган бўлиб уни кўзи, оғзи ва бурнини ҳаракатлантиради.
МУЛЬТИПЛИКАЦИЯ – кинодаги мультфильм қўғирчоқли ёки чизилган ҳолда бўлади. Чизилган мультфильмда чизмалар тасвирга олинади. Тасвирланган персонажлар алоҳида ҳаракат фазасида ифодаланади. Мультфильм Америка рассоми Уолт Диснейни номи билан машҳур. Қўғирчоқ фильмида Чехославакиялик режиссёр ва рассом Иржи Трики машҳурдир.
ПАДУГА – саҳна декорациясининг бир қисмидир. Ўзи билан материалдан тортилган чизиқни намойиш этади. У тросда ёки штанкада осилган бўлади. Падуга саҳнанинг юқори қисмдаги механизмни беркитади. Саҳнада парталдан олдин турган қисми орлекино дейилади.
ПАНЧ – англия қўғирчоқ театрининг машҳур қаҳрамони. Турли мамлакатлар қўғирчоқ қаҳрамонлари орасида «Шумтака» ва «Уришқоқ» номини олган. Панчога унинг хотини Жуди ёрдам беради. Панчо – Жуди томошалари Англияда катта муваффақият қозонган ва ҳозиргача сақланиб келади. Унинг репертуарлари Англия юмори ва сатирасидан иборатдир.
ПАПЬЕ – МАШЕ – қўғирчоқ калласини тайёрлаш учун ишлатиладиган кўп тарқалган материалдир. Папье – машега турли навдаги елим билан ёпиштирадиган қоғозлар мос келади. Қоғоз қавати 8 – 10 қат бўлса яхши. Папье – маше лой билан ёки пластилин шаклини устки томонидан ёпиштирилади ёки гипс формаси ички тарафдан ёпиштирилади.
ПАТРОНКА – картондан ясалган труба, қўлқопли қўғирчоқни бўйин қисмига ва қўлига осилади ёки ёпиштирилади. Қўғирчоқбозни унинг бармоқ ўлчамларига мослаб ясалади.
