14-modda. Auditorlik faoliyatiga aralashishga yo’l qo’ymaslik
Auditorlik tashkiloti faoliyatiga aralashishga yo’l qo’yilmaydi.
Mustaqil auditorlik tekshiruvini amalga oshirishga to’sqinlik qilish maqsadida auditorlik tashkilotiga, shuningdek uning xodimlariga istalgan shaklda ta’sir ko’rsatish Qonun hujjatlariga muvofiq javobgarlikka sabab bo’ladi.
15-modda. Nazorat qiluvchi yoki huquqni muhofaza qilish
organlarining tashabbusiga ko’ra auditorlik
tekshiruvlarini o’tkazish
Auditorlik tekshiruvi nazorat qiluvchi yoki huquqni muhofaza qilish organlarining tashabbusiga ko’ra auditorlik tashkiloti va ushbu organlar o’rtasida tuzilgan shartnoma asosida o’tkaziladi hamda unga mazkur shartnoma asosida haq to’lanadi. (O’zR 17.09.2007 y. O’RQ-110-son Qonuni tahriridagi qism), (Oldingi tahririga qarang)
Auditorlik tekshiruvini o’tkazish bo’yicha ishlarga haq to’lash auditorlik tekshiruvini belgilagan organ hisobidan amalga oshiriladi.
Aynan bir xil asoslarga ko’ra aynan bir auditorlik tashkiloti aynan bir xo’jalik yurituvchi sub’ektning faoliyatini tekshirishga takror jalb etilishiga yo’l qo’yilmaydi.
16-modda. Auditorlik tekshiruvi
o’tkazishdagi cheklovlar
Quyidagilarga auditorlik tekshiruvi o’tkazish taqiqlanadi:
tekshirilayotgan xo’jalik yurituvchi sub’ektning rahbarlari va (yoki) boshqa mansabdor shaxslari bilan yaQin Qarindosh bo’lgan shaxsga;
tekshirilayotgan xo’jalik yurituvchi sub’ektda mulkiy yoki shaxsiy nomulkiy manfaatlari bo’lgan shaxsga;
davlat hokimiyati va boshqaruvi organlarining, shuningdek xo’jalik boshqaruv organlarining mansabdor shaxslariga;
tekshirilayotgan xo’jalik yurituvchi sub’ekt xodimiga;
auditorlik tashkilotlariga va auditorlarga:
a) o’zlari mulkdori, qatnashchisi, aktsiyadori, kreditori, sug’urtalovchisi bo’lgan xo’jalik yurituvchi sub’ektlarga nisbatan, shuningdek ushbu auditorlik tashkilotlari va auditorlar ularga nisbatan mulkdor, qatnashchi, aktsiyador hisoblanadigan xo’jalik yurituvchi sub’ektlarga nisbatan;
b) mulkdori, qatnashchisi, aktsiyadori shuningdek buxgalteriya hisobini tashkil etish va yuritish hamda moliyaviy hisobotlar tuzish uchun javobgar bo’ladigan shaxs ayni bir paytning o’zida ushbu auditorlik tashkilotining mulkdori, qatnashchisi, aktsiyadori bo’lgan xo’jalik yurituvchi sub’ektga nisbatan; (O’zR 13.12.2002 y. 447-II-son Qonuni tahriridagi kichik band), (Oldingi tahririga qarang)
v) mazkur xo’jalik yurituvchi sub’ektga auditorlik tekshiruvi qamrab oladigan davrda ushbu Qonun 17-moddasi birinchi Qismining ikkinchi va uchinchi xat boshilarida nazarda tutilgan professional xizmatlar ko’rsatganlar. (O’zR 17.09.2007 y. O’RQ-110-son Qonuni tahriridagi kichik band)
Auditorlik tashkiloti aynan bir xo’jalik yurituvchi sub’ektning faoliyatini ketma-ket uch yildan ortiq auditorlik tekshiruvidan o’tkazishga haqli emas. (O’zR 17.09.2007 y. O’RQ-110-son Qonuni tahriridagi qism)
Dostları ilə paylaş: |
