4-mavzu: O‘zbekiston Respublikasida ommaviy axborot vositalarining faoliyati (o‘zgarish va muammolar) (6 soat).
Uslubiy ko‘rsatma
Mamlakatimizda so‘z erkinligini ta’minlash, axborot va ommaviy kommunikatsiyalar sohasini boshqarish tizimini qayta tashkil qilish, ijtimoiy-siyosiy va sotsial-iqtisodiy rivojlanishning muammoli masalalarini hal etishda ommaviy axborot vositalarining rolini oshirish masalalari. Axborot sohasidagi ishlarni sezilarli darajada oshirish, davlat organlari va tashkilotlarining axborot xizmatlari, ommaviy axborot vositalarining faoliyatini sifat jihatidan yangi bosqichga olib chiqish.
Ommaviy axborot vositalarining faoliyati uchun maksimal darajada qulay sharoitlar yaratish, davlat va jamiyat o‘rtasida sifatli muloqotni yo‘lga qo‘yish, aholiga islohotlarning maqsadi, vazifalari va natijalari haqida tezkor, xolis va to‘liq axborot yetkazish, davlat va xo‘jalik boshqaruvi organlari, mahalliy davlat hokimiyati organlari faoliyati shaffofligini oshirish, shuningdek, ularning jamoatchilik bilan o‘zaro hamkorlik aloqalarini va axborot xizmatlari faoliyatining samaradorligini tubdan yaxshilash.
O‘zbekiston Respublikasida ommaviy axborot vositalari huquqiy bazasini yaratilishi. O’zbekiston Konstitutsiyasi 67-moddasining mazmun-mohiyati. Ommaviy axborot vositalarining erkinligi axborotning to‘g‘riligi uchun belgilangan tartibda javobgarligi. Davlat va nodavlat telekompaniyalar faoliyati. OAV sohasidagi qonunchilik mexanizmini yanada takomillashtirilishi, ularning erkin faoliyat yuritishlari uchun zarur shart-sharoitlar yaratish zarurati. Matbuot erkniligi va mustaqilligini mustahkamlash, fuqarolarning axborot sohasidagi huquq va erkinliklari tushunchalari.
TOPSHIRIQ:
*Bugungi kunda jamiyatdagi ijtimoiy muammolarni hal qilishga qaratilgan telekanallar faoliyati asosida IDROK XARITASI (texnologiya)ni yarating.
ADABIYOTLAR: 1. Oʼzbekiston Respublikasining Konstitutsiyasi. – Toshkent, 2019.
2. Oʼzbekistonning yangi tarixi. Uchinchi kitob. –Toshkent: «Sharq», 2000.
3. Mustaqil O‘zbekiston tarixining dastlabki sahifalari. – Toshkent, 2000.
4. Mustaqillik: Izohli ilmiy-ommabop lug‘at // M.Abdullayev va boshqalar: to‘ldirilgan uchinchi nashr. - Toshkent: Sharq, 2006.
5. Mustaqil O‘zbekiston tarixi. Mas’ul muharrir A.Sabirov. - Toshkent: Akademiya, 2013.
