O‗zbekiston respublikasi oliy va o‗rta maxsus ta‘lim vazirligi samarqand davlat universiteti
Yüklə 11,99 Mb. Pdf görüntüsü
|
|
G‗OFUR QODIROV(1917—1985
) O‗zbekistonda xizmat ko‗rsatgan san‘at arbobi, dotsent, kompozitor g‗ofur Qodirov ijodi, o‗qituvchilik va jamoat faoliyati bilan o‗zbek musiqasi tarixida yorqin iz qoldirdi. u yaratgan jozibali qo‗shiqlar, simfonik va sahna musiqasi, ayniqsa, bolalar uchun yaratgan asarlari zamonaviy musiqa san‘atimizni boyitdi.g‗ofur Qodirov 1917-yil 1-fevralda toshkent shahrida bog‗bon-dehqon oilasida tug‗ildi. yetti yoshidan mahalladagi eski maktabda o‗qidi. 1928-yili 54- umumta‘lim maktabining 6-sinfini bitirdi. 1933-yilda O‗rta Osiyo san‘at maktabiga o‗qishga kirib, 1936-yil bitirdi. ta‘lim olgan yillarida badiiy havaskorlik to‗garaklari, xor jamoasiga qatnashdi va o‗zbek xalq cholg‗ulari ansamblida dutor va tanbur chertishni o‗rgandi. 1936-yili u Toshkent Davlat to‗qimachilik institutiga o‗qishga kirdi. mazkur institutning badiiy havaskorlik xori bilan 1937-yilda o‗tkazilgan olimpiadada ishtirok etdi. shundan keyin g‗ofur Qodirov musiqa bilan jiddiy shug‗ullanishga qaror qildi. O‗sha yili uning musiqa qobiliyatini sezgan kompozitor Nikolay Mironov maslahati bilan toshkent Davlat konservatoriyasining tayyorlov bo‗limiga o‗qishga kirdi 1940-yili kompozitorlik mutaxassisligi va 121 cholg‗ulashtirish bo‗yicha ta‘lim olib, 1945-yil konservatoriyani muvaffaqiyatli bitirdi. O‗sha yili Hamza nomidagi toshkent Davlat bilim yurtiga musiqa nazariyasidan dars berishga yo‗llanma bilan yuborildi. 1959-yili u cholg‗ulashtirishdan dars berishga konservatoriyaga taklif qilindi va 1969-yili dotsent ilmiy unvoniga sazovor bo‗ldi.1971—1975-yillarda O‗zbekiston bastakorlar uyushmasi xay‘atining mas‘ul kotibi lavozimida ishladi. yillar davomida g‗. Qodirov pedagogik va jamoatchilik faoliyatining birligida ijod qilib, turli shakl va janrlarda fortepiano uchun pyesalar: «Rondo», «Raqs», «suita», «sonata», «preludiya va opera», violonchel va fortepiano hamda klarnet va fortepiano uchun pyesalar, torli kvartet, simfonik orkestr uchun «marsh», «suita», «simfoniyetta», fortepiano jo‗rligida navoiy g‗azallari asosida «g‗azal» romansi, «mard yigit» qo‗shig‗i kabi asarlarni yaratdi. bolalar teatrlarida sahna yuzini ko‗rgan «Qari chol va bo‗ri» nomli spektakliga 1944-yil musiqa bastaladi.O‗ziga xos uslubda ko‗proq ovoz uchun simfonik, vokal-simfonik, estrada, xalq cholg‗ulari orkestri, ayniqsa, bolalar uchun turli shakl va janrlarda ko‗plab asarlar yaratdi. shuni aytish joizki, u o‗z ijodiy faoliyatining hamma davrlarida yakkaxon, xor jamoalari va estrada guruhlariga go‗shiqlar bastalashga ko‗proq e‘tibor berdi. uning qo‗shiqlari ohangdorligi, dilkashligi, hayotiyligi, sevgi-muhabbatni keng qamrab olganligi bilan ajralib turadi va davr nafasi yaqqol sezilib turadi.masalan: «O‗zbekistonim», «O‗lkamga», «yoshlar marshi», «mirzacho‗l», «Oq oltin taronasi», «Do‗stlik festivali», «paxta», lirik estrada qo‗shiqlaridan: «mirzacho‗l yor-yori», «koyimang, oyijon», «go‗zal toshkent» va boshqalar. shuningdek, bolalar uchun yaratgan qo‗shiqlari nota to‗plamlarida chop etildi: «pillachi qiz» «maktabjon — oftobjon», «baxtli avlod», «O‗ynab ber», fortepiano uchun pyesalar va «O‗zbek raqslari» to‗plamlari nashrdan chiqdi. kompozitor turli cholg‗u ansambli, orkestr, yakkaxon, ansambl va xor uchun «maktabjon — oftobjon» iv qismli vokal-simfonik suita, «biz yosh o‗qituvchilar» iv qismli kantata, «Oq oltin», «biz istiqlol egasimiz» v qismli vokal-simfonik suitasi, «Dangasalik — kasallik», «Ota-onalarga», «bobomlar bog‗bon», «Ona qo‗llari», «gunafsha», «laylak» kabi qator qo‗shiqlarni yaratdi.kompozitor g‗ofur Qodirov O‗zbekistonda xizmat ko‗rsatgan san‘at arbobi faxriy unvoniga sazovor bo‗lgan. |