O‘zbekiston respublikasi oliy va o‘rta maxsus ta’lim vazirligi toshkent davlat pedagogika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

II. O`quv fanning maqsad va vazifalari
Fanni o`qitishdan maqsad – bo`lajak o`qituvchilarni zamonaviy pedagogika fanining nazariy-tarixiy asoslari va o`qituvchi mahoratiga doir bilimlar bilan qurollantirish, O`zbekiston Respublikasining “Ta’lim to‘g‘risida”gi Qonuni va “Kadrlar tayyorlash milliy dasturi” talablari asosida ta’lim-tarbiya jarayonini oqilona tashkil etish, pedagogik merosdan samarali foydalanish, real ta’lim amaliyotida yuksak pedagogik madaniyat va texnikani namoyon eta olishga o`rgatish.
Fanning vazifalari:
– talabalarni Kadrlar tayyorlash milliy dasturi asosida o`quvchilarni ma’maviy-axloqiy tarbiyalash va ta’limni samarali tashkil etishga o`rgatish;
– o`quv-tarbiya jarayonini samarali boshqarish, o`quv-me’yoriy hujjatlar bilan ishlash hamda ta’lim olganlikni tashxis etish qoninuyat va tamoyillari bilan tanishtirish;
– o`quvchilar bilan olib boriladigan korrektsion ish yo`nalishlari hamda rivojlanishida nuqsoni bo`lgan o`quvchilarni o`qitish va rivojlantirish mazmunini o`zlashtirish;
– milliy va jahon pedagogik fikrlari taraqqiyoti bilan tanishtirish hamda pedagogik merosdan samarali foydalanish ko`nikma va malakalarini shakllantirish;
– global doirada ta’lim tizimi rivojlanishining holati, asosiy yo`nalishlari va qonuniyatlarini tahlil etish, milliy va hududiy o`ziga xosliklardagi umumiy ko`rinishlarni ochib berish, xalqaro pedagogik tajribaning ijobiy va salbiy jihatlari, milliy pedagogik madaniyatni boyitish shakl va metodlarini aniqlashtirish;
– talabalarni o`qituvchi faoliyatida kasbiy mahoratning tutgan o`rni, mazmun-mohiyatiga doir nazariy bilimlar hamda pedagogik faoliyatning turli ko`rinishlarida o`qituvchining muomala madaniyati, o`quvchilar bilan aloqa o`rnatish va muloqotga kirisha olish metodikasini to`liq o`zlashtitirishlariga erishish.
“Umumiy pedagogika” o`quv fanini o`zlashtirish jarayonida amalga oshiriladigan masalalar doirasida bakalavr:
- ta’lim sohasida davlat siyosatining asosiy tamoyillari; pedagogikaning ilmiy-nazariy asoslari; pedagogik fikrlarning rivojlanish taraqqiyoti; pedagogik mahoratning ilmiy asoslari; pedagogik madaniyat va texnikaning mohiyati; o`quv jarayonini tashkil etishning metod va shakllariga qo`yilgan zamonaviy talablar; ta’lim oluvchilar shaxsini rivojlantirish omillari, yosh davrlarining o‘ziga xosliklari; yaxlit o‘quv-tarbiya jarayonini tashkil etish va amalga oshirish; tarbiya jarayonining qonuniyatlari va tamoyillari; pedagogik menejmentning mohiyati va o‘ziga xosliklari; korrektsion pedagogikaning asosiy yonalishlari; pedagogik terminalogiya haqida to`liq bilimga;
- milliy g‘oya va asosiy pedagogik qonuniyatlar hamda tamoyillarga asoslangan holda o‘quv-tarbiya ishlarini o‘tkazish; ta’limni tashkil etishning asosiy shakllarini amaliyotda qo‘llash; ta’lim va tarbiya metodlari, vositalarini amaliyotda qo‘llash, aniq vaziyatlar uchun ularning qulay variantlarini tanlash; o‘quv va tarbiya jarayonida o‘quvchilar jamoasini samarali boshqarish; o‘quvchilar xulqi va faoliyatini rag‘batlash; pedagogik maqsadlarga erishishda egallanadigan bilimlarni tanlash, tahlil etish, umumlashtirish va ularni texnologik shaklda taqdim etish, aniq sharoitlarda ta’lim-tarbiyaga doir amaliy vazifalarni hal etish, jahon mamlakatlari ta’lim tizimi rivojiga doir ma’lumotlarni tahlil etish va tizimlashtirish, o‘quvchi shaxsi va o‘quvchilar jamoalarini o‘rganish, ta’limda orqada qolish sabablarini aniqlash, muloqotga moyillik, ishchanlik, kelajakni tasavvur qila olish, kasbiy mustaqillik, sensor axborotlarni tezlik bilan anglash, o‘z-o‘zini boshqara olish, o‘zaro ta’sir etish va hamkorlikda ko`nikma;
- psixologik-pedagogik adabiyotlar bilan ishlash; zarur metodik yo‘riqnomalar tuzish; samarali pedagogik tadqiqotlar o‘tkazish; pedagogik texnologiya va axborot texnologiyalaridan foydalana olish; tarbiyaviy ishni rejalashtirish va amalga oshirish; guruh jamoasining psixologik muhitini va auditoriya bilan munosabatda individual, shaxsiy va yosh imkoniyatlarini hisobga olish, istiqboldagi rivojlanish va talab etiladigan natijaga erishishni strategik rejalashtirish, pedagogik vazifalarni hal etishga doir standart bo`lmagan yondaShuvlarni izlab topish malakasiga ega bo‘lishi kerak.