O’zbekiston respublikasi oliy va o’rta maxsus ta’lim vazirligi toshkent moliya instituti zoyirov Laziz Subxonovich Raimjanova Madina Asrarovna Saidov Rasulbek Boltabayevich Shoislomova Nargiza Qobilovna investitsiya loyihalari ekspertiza

Kapital qurilish
– yangi qurilish, korxonalarni kengaytirish, rekonstruktsiya qilish, 
zamonaviylashtirish va texnika bilan qayta jihozlash, ob‘ektlar va vositalarni mukammal 
ta‘mirlash, shu jumladan loyiha-qidiruv ishlarini bajarish. 
Kapital xarajatlar
- asosiy kapitalga kiritiladigan mablag‘lar va zahiralarni o‘sishi. 
Kapitalning zamonaviy (keltirilgan) miqdori
- foizlar hisoblangan belgilangan 
o‘sgan qiymatni beruvchi dastlabki kapital. 
Kon’yunktura 
– bu bozorda ma‘lum bir vaqtda yuzaga kelgan iqtisodiy holatdir 
(asosan talab hamda taklif nisbati va u bilan bog‘liq bo‘lgan narxlar darajasi orqali 
yuzaga keladi). 
Konstruktsion risk
– bu investitsiya fazasidayoq loyihaning texnik amalga 
oshmaslik riskidir. Bu loyiha xujjatlarini ishlab chiquvchilarning xatolari, xujjatlarni 
ishlab chiqishda zarur bo‘lgan ma‘lumotlarni etarli yoki aniq emasligi natijasida ro‘y 
berishi mumkin. 
Korporativ loyihaviy moliyalashtirish
- investitsion loyihasining moliya manbasi 
kompaniyaning o‘z mablag‘lari hisobiga amalga oshiriladi. 
Korxonalarga preferentsiya berish
– milliy iqtisodiyotda faoliyat ko‘rsatuvchi 
korxonalarni moliyaviy qo‘llab-quvvatlash maqsadida ular tomonidan ishlab chiqarishga 
chet eldan olib kiradigan xom-ashyo va materiallar, yarim tayyor mahsulotlar, 
shuningdek asbob-uskunalarni olib kirishda boj to‘lovlari va boshqa jarayonlar bo‘yicha 
engilliklar (imtiyozlar) berilishi. 
Korxonaning innovatsion salohiyati
– korxonaning yangiliklarni joriy qilish 
yordamida bozor sharoitlarida faoliyatning samaradorligini oshirish maqsadida 
korxonaning o‘ziga xos xususiyatlari bilan belgilanadigan rivojlanish qobiliyati. 
Korxonaning innovatsion salohiyati tashkilotning ichki innovatsiya jarayonidagi barcha 
bosqichlarning (ijtimoiy mehnat va resurslarning sarf me‘yorlari asosida) bir maromda 
kechishiga imkon beradi. 

---

272 
Kredit 
– jismoniy va yuridik shaxslarning vaqtinchalik bo‘sh mablag‘larlarini bir 
joyga jamlab, ularni ma‘lum bir tamoyillar asosida berish jarayonida vujudga kelgan 
iqtisodiy munosabatlar majmui. 
Kredit riski
– bu loyihani amalga oshirayotgan tashkilotning kreditor bankka kredit 
shartnomasi bo‘yicha to‘lov majburiyatlarini to‘liq yoki umuman to‘lay olmaslik riski. 
Bu risk asosan loyihani moliyalashtirishda loyihani kreditlovchi bankning riskidir.
Libor
- foiz o‘rtacha stavkasi; libor bo‘yicha London banklari o‘z depozitlarini 
boshqa birinchi darajali banklarga joylashtiradilar, har kuni soat 11 da bu jarayon qayd 
etiladi va boshqa banklar uchun, ayniqsa xalqaro bitimlar tuzishda kreditlar bo‘yicha 
foizlar belgilashda mo‘ljal bo‘lib xizmat qiladi.