O‘zbekiston respublikasi oliy va o‘rta maxsus ta’lim vazirligi

Kukunni  qabul  qilish:  qog‘ozni  ochib,  unga  tarnov  shakli 
beriladi  va  ichidagi  kukun  tilga  to‘kiladi,  shundan  so‘ng  suv 
beriladi. 
Agar  dori  qobiq  yoki  kapsulada  bo‘lsa,  uni  til  o‘zagiga 
qo‘yiladi  va  bemor  uni  bir  qultum  suv  bilan  ichib  yuboradi. 
Agar bemor tabletkani yutolmasa, uni maydalab kukun holatida 
beriladi. 
Validol,  nitroglitserin  tabletkalari  til  ostiga  qo‘yiladi,  u 
yerda ular me’da shirasi ta’siriga uchramay tez so‘riladi. 

---

124 
Suvli eritmalar, mikstura va qaynatmalar 5, 10, 15 va 20 ml 
belgili  darajalarga  bo‘lingan  stakanlarda  yoki  qoshiqlarda  (osh 
qoshiqning  o‘rtacha  sig‘imi  15  ml,  desert  qoshiqniki  –  10  ml, 
choy qoshiqniki 5 ml) beriladi. 
Spirtli  va  efirli  nastoykalar,  shuningdek,  suyuq  ekstraktlar 
tomchilar bilan o‘lchanadi. Agar idishda tomchilagich bo‘lmasa, 
tomchilar  tomizgich  yordamida  sanaladi.  Tomizgich  yaxshilab 
yuviladi,  unga  dori  tortib  olinadi,  stakanga  tomiziladi  va  suv 
qo‘shiladi,  chunki  spirtli  yoki  efirli  nastoykalarni  toza  holda 
ichish  mumkin  emas.  Har  bir  dorivor  modda  uchun  alohida 
tomizish kerak.