O’zbekiston respublikasi oliy va o’rta maxsus

Namunaviy modda esa, muayyan tayyorlash sharoitida hosil bo’ladigan va aniq xossalariga ega bo’lgan modda sanaladi. Masalan, “toza suv”, “toza metall” va x.k.
Aksariyat o’lchashlarda biror signalni boshqa turga o’zgartirish lozim bo’ladi. Ushbu vazifani odatda o’lchash o’zgartkichlari bajaradi.
O’lchash o’zgartkichi deb o’lchash informasiyasi signalini ishlab berish, uzatish, keyinchalik o’zgartirish, ishlov berish va uni saqlashga mo’ljallangan, lekin kuzatuvchining ko’rishi (kuzatishi) uchun moslanmagan o’lchash vositasiga aytiladi.
O’lchash o’zgartkichlarining turlari juda ko’p. Odatda, o’lchash zanjirida birinchi bo’lgan, ya’ni o’lchanayotgan kattalik signalini qabul qiladigan o’lchash o’zgartkichiga birlamchi o’lchash o’zgartkichi deyiladi. Undan keyingi joylashgan o’lchash o’zgartkichlariga esa oraliq o’zgartkichlar nomi berilgan.
O’lchash o’zgartkichlarining keng tarqalgan turlariga masshtabli va parametrik o’lchash o’zgatkichlari kiradi.
Birlamchi o’lchash o’zgartkichlari, ko’pincha datchik deb yuritiladi. Uning bevosita o’lchanayotgan kattalik ta’siridagi qismi sezuvchan (chuvstvitelno’y) element deyiladi. Masalan, termoelektrik termometrda-termojuftlik, monometrik termometrda-termoballon ana shunday elementlardir. Ba’zida datchik bitta yoki bir nechta o’lchash o’zgartkichlarining konstruktiv yig’ilmasidan iborat bo’ladi.
O’lchanadigan kattalikning xarakteriga qarab, o’lchash
o’zgartkichlari quyidagi turlarga bo’linadi:

1. 
   Elektr kattaliklarni yana elektr kattaliklarga o’zgartiruvchi o’zgartkichlar E q> E;
   
2. 
   Noelektrik (elektrmas) kattaliklarni elektr kattaliklariga
   

o’zgartiruvchi o’zgartkichlar NE q>E.

1. 
   turdagi o’lchash o’zgartkichlariga masshtabli (shunt qarshiligi, qo’shimcha rezistor, kuchlanish bo’lgichlari, o’lchash tok va kuchlanish transformatorlari, kuchaytirgichlar va h.k.) o’zgartkichlar, hamda to’g’rilagichli o’zgartkichlar (yarim o’tkazgichli elementlardan ishlangan (diodli) o’zgartkichlar) kiradi.
   
2. 
   turdagi o’lchash o’zgartkichlariga noelektrik (elektrmas) kattaliklarni (masalan, mexanik, issiqlik, kimyoviy va boshqa turdagi) elektr kattaliklariga o’zgartiruvchi o’zgartkichlar kiradi. Bu turdagi o’zgartkichlar datchiklar deb yuritiladi va o’lchanayotgan kattalikning turiga qarab tegishli nomlarga ega bo’ladi. Masalan, moment datchigi, siljish datchigi, satx, bosim, issiqlik datchiklari va h.k. Yuqorida ta’kidlab o’tilgan parametrik o’lchash o’zgartkichlarida kirishdagi signal turlicha (mexanik siljish yoki ko’chish, bosim, og’irlik kabi) bo’lib, chiqishdagisi esa faqat elektr signali (elektr qarshiligi, elektr sig’imi, elektr yurituvchi kuch va boshqalar) bo’ladi.
   

Bulardan tashqari elektromexanik turidagi elektr o’lchash asboblarining asosiy qismi bo’lib hisoblanuvchi turli tizimga oid o’lchash mexanizmlari ham o’lchash o’zgartkichlari qatoriga kiradi. Chunki o’lchash mexanizmlarining ishlashi shundayki, ularda o’lchanadigan kattalik (ya’ni elektr energiya) mexanizm
qo’zg’aluvchan qismini harakatlanishiga, yani burchakli yoki chiziqli surilishiga (mexanik energiyaga) o’zgartiriladi.
Telemexanika va teleo’lchash tizimlarida (masofadan o’lchashlar va boshqarishda) me’yorlovchi (normiruyuhie) o’lchash
o’zgartkichlari keng qo’llaniladi. Bu o’zgartkichlarda har xil elektr (kuchlanish, chastota, quvvat) va noelektrik (bosim, harorat va boshqalar) kattaliklar unifikasiyalangan (umumlashtirilgan) elektr signaliga (odatda o’zgarmas tok signaliga) o’zgartiladi. Bunga “Sapfir” turidagi bosim o’zgartkichi misol bo’ladi.
Har qanday o’lchash jarayonining birdan-bir asosiy elementi operator-kuzatuvchi hisoblanadi.
O’lchash o’zgartkichlarining chiqishidagi o’lchash
informasiyasining signali kuzatuvchining ko’rishi (kuzatishi) uchun moslanmagan bo’lganligi sababli bu o’zgartkichlar alohida (mustaqil) o’lchash vositasi sifatida ishlatilmaydi. O’lchash o’zgartkichlari faqat o’lchash asboblari bilan birgalikda yoki o’lchash qurilmalari yoki tizimlarining tarkibida ishlatiladi.

3. 
   Etalonlar ularning tabakalanishi va turlari
   

Kattalik birligini qayta tiklash va saqlash uchun mo’ljallangan o’ta yuqori (metrologik) aniqlikdagi maxsus o’lchash vositalari etalon deb ataladi va birlik o’lchamini uzatishda metrologik zanjirning oliy zvenosi hisoblanadi. Etalon (o’lchashlar shkalasi yoki birligi etaloni) - kattalikning o’lchamini qiyoslash sxemasi bo’yicha quyi vositalarga uzatish maqsadida shkalani yoki kattalik birligini qayta tiklash va (yoki) saqlash uchun mo’ljallangan va belgilangan tartibda etalon sifatida tasdiqlangan o’lchash vositasi yoki o’lchash vositalarining majmui.
Etalonning konstruksiyasi, uning xususiyatlari va birlikni qayta tiklash usuli mazkur kattalikning mohiyati va mazkur o’lchashlar sohasida o’lchash texnikasining rivojlanish darajasi bilan aniqlanadi.
Etalon bir-biri bilan chambarchas bog’langan kamida uchta (M.F. Malikov tomonidan ta’riflagan) o’zgarmaslik,