O’zbekiston respublikasi oliy va o’rta maxsus

Raqamli asboblar. Raqamli o’lchash asbobi deb, o’lchash borasida uzluksiz o’lchanayotgan kattalikning natijasi raqamli qayd etish qurilmasida yoki raqamlarni yozib boruvchi qurilmada diskret tarzda o’zgartirilib, indikasiyalanadigan asboblarga aytiladi.
Tavsiya etiladigan ma’lumotning qulayligi va aniqligi sababli raqamli o’lchash asboblarining chiqishidagi o’lchash
informasiyasining signali unga qayta ishlov berish uchun juda oson elektron hisoblash qurilmalariga kiritiladi.
Raqamli o’lchash asboblari analog o’lchash asboblariga nisbatan qator afzalliklarga ega.

• 
  yuqori aniqlik;
  
• 
  keng ish diapazoni;
  
• 
  tezkorlik;
  
• 
  o’lchash natijasining qulay tarzda tavsiya etilishi;
  
• 
  o’lchash jarayonini avtomatlashitirish imkoniyatlarini mavjudligi va h.k.
  

Albatta, boshqa asboblarda bo’lganidek, raqamli o’lchash asboblarida ham kamchiliklar bor:

• 
  murakkabligi;
  
• 
  tannarxining balandligi;
  
• 
  diskret xatolikning mavjudligi.
  

Raqamli elektr o’lchash asboblari o’lchash axborotini (informasiyasini) avtomatik ravishda uzuq-uzuq (uzlukli-diskret) ishoraga aylantiradi. Shuning uchun ham bu asbobning ko’rsatishi raqam ko’rinishda bo’ladi. Raqamli o’lchash asboblarini keng qo’llanilishiga sabab ularning ko’rsatuvlari osongina qayd qilinadi, ularni EHM ga kiritish uchun qulay. Raqamli asboblarning tuzilishi o’lchashda analog asboblarga qaraganda katta aniqlikka erishishga imkon beradi. Shu bilan birga raqamli asboblar qo’llanganda o’qish xatoligi juda kam (oz) bo’ladi.
Raqamli o’lchash asboblari hozirgi kunda juda keng tarqalgan.
Raqamli o’lchash asbobining funksional chizmasi quyidagi rasmda ifodalangan.
KAO’ ARO’ RQQ


Raqamli o’lchash asbobining funksional chizmasi
"X" analog signali kirishdagi analog o’zgartkich KAO’da keyingi o’zgartirish uchun qulay formaga o’zgartiriladi, so’ngra analog-raqamli o’zgartkich (ARO’) yordamida diskretlashtiriladi va kodlanadi va nihoyat, raqamli qayd etish qurilmasi RQQ o’lchanayotgan kattalik bo’yicha kodlangan ma’lumotni raqamli qaydnoma tarzida, operatorga qulay formada ko’rsatadi. Tavsiya etiladigan ma’lumotni qulayligi va aniqligi sababli raqamli o’lchash asboblari ilmiy-teshirish laboratoriyalaridan keng o’rin olgan.
Raqamli o’lchash asboblari analog o’lchash asboblariga nisbatan quyidagi afzalliklarga egadir:

• 
  yuqori aniqlik;
  
• 
  keng ish diapazoni;
  
• 
  tezkorlik;
  
• 
  o’lchash natijalarini qulay tarzda tavsiya etilishi;
  
• 
  avtomatlashtirilgan tarmoqlarga ulash mumkinligi;
  
• 
  o’lchash jarayonini avtomatlashtirish imkoniyatlari mavjudligi va hokazolar.
  

Lekin, har to’kisda bir ayb deganlaridek, raqamli o’lchash asboblarining ham muayyan kamchiliklari mavjud:

• 
  murakkabligi;
  
• 
  tan narxi balandligi;
  
• 
  nisbatan ishonchliligi pastroq.
  

Lekin, integral sxemalarning tezkor rivoji natijasida yuqoridagi kamchiliklar tobora chekinib bormoqda.
Raqamli o’lchash asbobining asosi bo’lib ARO’ hisoblanadi. Unda ma’lumot diskretlashtiriladi, so’ngra kvantlanib kodlanadi. Diskretlashtirish - bu muayyan (juda qisqa) diskret vaqt oralig’ida qaydnomalarni olishdir. Odatda, diskretlash qadamini doimiy qilishga harakat qilinadi. Kvantlash esa, X(t) kattaligining uzluksiz qiymatlarini X_n diskret qiymatlarning to’plami bilan almashtirish hisoblanadi. Kattalikning uzluksiz qiymatlari muayyan tartiblar asosida kvantlash darajalarining qiymatlari bilan almashtiriladi. Kodlashtirish esa, muayyan ketma-ketlikda ifodalangan sonli qiymatlarni tavsiya etishdan iborat.
Diskretlashtirish va kvantlash raqamli o’lchash asbobining asosiy xatolik manbalari hisoblanadi. Bundan tashqari, kvantlash darajalarining soni ham o’ziga yarasha xatoliklar kiritadi.
Suyuq kristalli indikatorlarning tezkor rivoji raqamli o’lchash asboblarining ixchamlashuviga, energiya sarfining kamayishiga zamin yaratmoqda.

6. 
   O’lchash texnikasidagi yangi va avtomatlashtirilgan
   tizimlar
   

O’lchash texnikasining rivoji uchun yangi o’lchash usullari asos bo’lib xizmat qiladi. Keyingi paytlarda yangi o’lchash usullarining paydo bo’lishi nafaqat atrof muhitni tekshirish uchun foydalanish mumkin bo’lgan yangi fizikaviy hodisalarning ochilishi, balki yangi hususiyatlarga ega bo’lgan birlamchi o’lchash o’zgartkichlari ishlab chiqarish texnologiyasining tez rivojlanishiga ham bog’liqdir. Bunday yangi o’lchash usullari ichida yarim o’tkazgichli o’zgartkichlardan, yorug’lik o’zgartkichlaridan, yupka plyonkali o’zgartkichlardan, O’YuCh-o’zgartkichlardan foydalanishga mo’ljallangan usullarni aytib o’tish mumkin.
Mikroprosessorli axborotlarni qayta ishlash vositalarining yangi, zamonaviy turlarini yaratilishi o’lchashlar nazariyasi va amaliyotining rivojiga salmoqli turtki bo’ldi.
Mikroprosessor - sonlarning ikkili kodidan iborat muayyan arifmetik va mantiqiy amallarni bajarishga mo’ljallangan qurilmadan iborat. Mikroprosessorlarning aniq turiga bog’liq ravishda bu operasiya (komanda) lar yig’indisi sifat hamda mazmun jihatdan ham keskin farq qilishligi mumkin. Lekin har qanday holda ham komandalar yig’indisi uchun ular kombinasiyasi orqali har qanday talab qilingan sonlar o’zgartirishini ta’minlaydigan komandalar yig’indisining to’lalik sharti bajarilishi kerak. Odatda, mikroprosessor bir yoki bir nechta integral mikrosxemalar ko’rinishida yasaladi. Mikroprosessorlarning kichik o’lchamlari va nisbatan arzonligi ularni o’lchash asboblari va tizimlari tarkibida muhim o’zgartkichlardan biri sifatida ishlatish imkonini beradi.
Avtomatlashtirilgan loyihalash tizimlari (ALT) nazariyasining muvaffaqiyati o’lchash vositalarini ishlab chiqarish amaliyotining ehtiyoji tufayli yuzaga keldi. ALT loyihalash muddatlarini bir necha marta qisqartirish bilan birgalikda loyihalash sifatining oshishini ta’minlaydi. ALT ning maqsadi loyihalashdagi o’ta qiyin va mayda ishlarni EHM yordamida bajarishdan iboratdir. Bunday operasiyalarga quyidagilar mansubdir:

• 
  mavjud texnikaviy echimlar haqidagi axborotlarni qidirish;
  
• 
  mumkin bo’lgan echim variantlarini ajratib olish;
  
• 
  tavsiflarni hisoblash va parametrlarni maqbullashtirish (optimallashtirish);
  
• 
  loyiha hujjatlarini tayyorlash.
  

O’lchash vositalarini ishlab chiqishni tezlashtirish va sifatini sezilarli darajada oshirish bir xil metrologik asosdagi kompleks loyihalash tizimlarini yaratish va keng ko’lamda tadbiq etish evaziga erishilishi mumkin. Bunday usul elementlari o’lchash tizimlarining keng avtomatlashtirilgan loyiha tizimlarida (O’TKALT) ishlatilgan.
O’TKALT tizimlarini uslubiy ta’minlash asosida quyidagilar yotadi:

• 
  o’lchash vositalarining informasion tavsiflarini baholash;
  
• 
  informasion operatorlar yordamida informasion jarayonlarni modellash;
  
• 
  informativ signallarni o’zgartirishning operatorli
  

tenglamalaridan foydalanib strukturali sxemalarni sintez qilish;

• 
  alohida loyihali echimlarining dastlabki berilmalari majmui asosida muqobillashtirish usullaridan foydalanish.
  

Sun’iy yaratish yo’lida to’rtta asosiy masalani echish lozim bo’ladi:

1. 
   Fikrlash qonunlarini tekshirish va ularga mos keladigan algoritmlarni yaratish;
   
2. 
   EHM ga kelib tushayotgan axborotlarni, hamda fikrlashning "sosial" aspektlarini to’g’ri tushunishni ta’minlovchi juda ko’p miqdordagi boshlang’ich bilimlar bazasini EHM da yig’ish;
   
3. 
   Bilim va rivojlanish jarayonining asosi sifatida sun’iy ong tizimlarning amaliy faoliyatini ta’minlovchi vositalar yaratish, ya’ni birinchi navbatda inson qo’lini modellashtirish;
   
4. 
   Sun’iy sezgi organlari va obrazlarni aniqlash (tanish, ilg’ash) tizimlarini yaratish.
   

Yuqoridagi sanab o’tilgan masalalardan oxirgisi o’lchash texnikasining yutuqlariga tayanadi. Uni echishda olimlar o’z oldilariga inson sezgi organlariga yaqin tavsiflarga erishish masalasini qo’yishmaydi. Avvalroq biz inson sezgi organlari qanchalik mukammal emasligi xaqida gapirgan edik. Shuning uchun tabiat tomonidan yaratilgan narsalarni ko’r-ko’rona takrorlash shart ekanmi? Ko’rinishidan suniy ong tizimlari ixtisoslashtirilib, har bir ixtisoslashtirish doirasida ularning sezgi organlari xilma-xil va insonnikidan mukammalroq bo’ladi. Masalan, yaqin kelajakda tibbiyot bo’yicha ixtisoslashgan suniy ong yaratilishini juda katta ehtimollik bilan aytish mumkin.
Bunday tizim ko’rinishidan, nafaqat ko’rish va eshitish
qobiliyatiga, balki temperatura va elektr potensiallari aniq o’lchash vositalariga, tashhisning ultratovush vositalariga va boshqa o’lchash qurilmalariga ega bo’ladi. Albatta, mukammal o’lchash vositalari bilan ta’minlangan boshqa ixtisoslashgan ongli tizimlar ham yaratiladi.
Ilmiy-texnik taraqqiyotning bosh yo’nalishlaridan biri keng ko’lamli informasion tarmoqlarni rivojlantirish bo’lib, bunda etakchi rollardan biri o’lchash texnikasiga tegishlidir. Bunday tarmoqlarning ilg’or yutuqlari tadbiqini tezlashtirish, rejalash va boshqarishni koordinasiyalash hamda mukammallashtirishda ulkan ahamiyatga ega bo’lib, ilmiy-texnikaviy adabiyotlarda ham, hukumatning muhim qarorlarida ham bir necha marotaba ta’kidlangan. Ammo, afsuslar bo’lsinkim, hamisha ham bu muammoni echishning o’ta muhim tomonlaridan biri - tarmoqqa haqiqiy ma’lumot kiritishga diqqat qilinmayapti.
Ma’lumot manbai informasion tarmoqqa o’lchash qurilmasi va hujjatlarini kiritayotgan operator-inson bo’lishi mumkin. Agar birinchi ikki manbadan kelayotgan axborotlarda xatolar va aqliy chalkashtirishlar bo’lishi mumkinligini hisobga olinsa, bunda informasion tarmoqlarning samaradorligini ta’minlashdagi o’lchash qurilmalarining ulkan roli aniq bo’ladi.
Informasion tarmoq tarkibiga birinchi navbatda kiritilishi lozim bo’lgan o’lchash qurilmalari ichida dastavval xom-ashyo, materiallar, tayyor mahsulotlar, energetik va boshqa resurslarni hisoblovchi har xil vositalarni aytib o’tish kerak. Bu ob’ektiv va muqobil rejalash imkonini berib, yuqoridagi mahsulotlar uchun korxonalar, tashkilotlar va alohida kishilar orasidagi hisoblash ishlarini osonlashtiradi va avtomatlash-tirish imkonini beradi. Keng ko’lamli informasion tarmoqlar tarkibiga alohida korxonalarning o’lchash informasion tizimlarini kiritish, uning imkoniyatlarini keskin oshiradi.
Bunday informasion tarmoqlar samaradorligining zarur sharti- tarmoq uchun mo’ljallangan o’lchash axborotlarini standartlashtirilgan formada tasvirlovchi, etarli darajada arzon va oddiy, hamda ishonchli o’lchash asboblarini ommaviy ishlab chiqarishdir. Ushbu shartni ta’minlash uchun metrolog-olimlar, muhandislar, loyihachilar, Davlat metrologiya va standartlashtirish organlari, ishlab chiqaruvchilar hali ko’p faoliyat ko’rsatishlariga to’g’ri keladi.
Mikrokontrollerlar va mikroprosessorlar asosida ishlaydigan o’lchash asboblari yana ham ko’paymoqda. Bu esa, turli ishlab chiqarish va texnologik jarayonlarning samaradorligini yanada oshirishda qo’shimcha imkoniyatlar yaratadi. Darhaqiqat,
mikrokontrollerlar va mikroprosessorlarning o’lchash asboblari va qurilmalarida keng qo’llanilishi o’lchash amalini birmuncha soddalashtiradi, sarf-harajatlarni kamaytiradi, o’lchash aniqligini esa oshiradi. Bu esa ishlab chiqarilayotgan mahsulotlarning sifatlari jahon andozalariga mos bo’lishini ta’minlashda muhim ahamiyat kasb etuvchi omillardan biri bo’lib hisoblanadi.

7. 
   O’lchash texnikasining hozirgi kundagi holati va
   rivojlanish istiqbollari
   

O’lchash texnikasi fundamental ilmiy izlanishlarga bevosita bog’langan bo’lib, tabiiy fanlarning eng yaxshi yutuqlarini o’zida mujassamlashtirgan. Bu esa unga ulkan imkoniyatlar va rivojlanish istiqbollarini yaratish bilan bir qator muammolarni keltirib chiqardi. Birinchi navbatda quyidagilarni aytib o’tish lozim:

• 
  o’lchashlar birliligini ta’minlash muammosi;
  
• 
  umumiy o’lchashlar nazariyasining rivojlanishi;
  
• 
  yangi fizikaviy usullar va har xil hisoblash qurilmalariga asoslangan o’lchash amallarini soddalashtirib, bir vaqtning o’zida ularning samaradorligini oshirish;
  
• 
  yangi analiz va sintez usullariga asoslangan, tavsiflari oldindan aytiladigan o’lchash vositalarini ishlab chiqarishni tezlashtirish;
  
• 
  loyihalashni avtomatlashtirish;
  
• 
  ishlab chiqarishni texnologik tayyorlashga asoslangan yangi o’lchash vositalarini yaratish va tadbiq qilish.
  

Yuqorida qayd etilgan jarayonlar garchand muhim va keng bo’lsa ham, alohida olingan aspektlarini, shu bilan birga behisob izlanishlar, tekshirishlarni, xususiy usullarni hamda o’lchash tartiblarini ko’rib chiquvchi bir qator o’lchash nazariyalari mavjud. Ular bu jarayonning alohida bo’lsa ham, etarli darajada farqli va har xil aspektlarini qaraydi. Xususiy usul va o’lchash prinsiplarini ichida quyidagilarni eslatamiz:

• 
  o’lchash qurilmalarining aniqlilik nazariyasi;
  
• 
  statistik o’lchashlar nazariyasi;
  
• 
  o’lchash o’zgartkichlarining umumiy energetik nazariyasi;
  
• 
  o’lchashning informasion nazariyasi;
  
• 
  dinamik o’lchashlar nazariyasi;
  
• 
  o’lchash qurilmalarining invariantlik nazariyasi;
  
• 
  o’lchashlarning algoritmik nazariyasi;
  
• 
  o’lchash vositalarining moslashuv nazariyasi.
  

O’lchashlar aniqligi nazariyasi asosida o’lchash natijalarining xatoliklarini baholash va tekshirish usuli yotadi.
Esingizda bo’lsa kerak, “xatolik” deganda o’lchash amalida olingan natija qiymatining o’lchanayotgan kattalikning haqiqiy qiymatidan tafovuti tushuniladi. Aniqlik nazariyasining tub ma’nosini xatolik va uning tashkil etuvchilarini baholash, xatoliklar hosil bo’lishining manba va sabablarini aniqlash hamda xatoliklarni kamaytirish usullari tashkil etadi.
Zamonaviy o’lchash texnikasi xalk xo’jaligining hamma sohasi bilan yagona bog’lamda rivojlanib bormoqda. Ilmiy-texnik taraqqiyotni ta’minlashda uning roli juda kattadir. Shu sababdan olimlar va muhandis-asbobsozlar oldida turgan muhim vazifalardan biri ilmiy texnik taraqqiyot yo’lida ortda qolmaslik, bu taraqqiyot yo’lidagi to’siq bo’lmasdan, aksincha, uni olg’a siljituvchi qudratli omil bo’lishdir! Albatta bu oson emas.
Bizning oldimizda juda ko’p, o’ta murakkab, hal qilinishi lozim bo’lgan muammolar turibdi. Bulardan birinchisi - yangi, progressiv yutuqlarni tez va keng ko’lamda ishlab chiqishga tadbiq etish va xalq xo’jaligida qo’llash. Bu muammoni echish uchun asbobsozlikdagi rejalash va boshqarish prinsiplarini tubdan qayta qurish kerak. Ikkinchi muammo-o’lchash asboblarining sifatini keskin oshirish. Bu masalani echish uchun faqat asbobsozlarning harakatlarini o’zi kamlik qiladi. Statik asbob uskunalarning aniqligi va ishonchliligini oshirish, yuqori sifatli materiallar ishlab chiqarishni kengaytirish, elektron texnikasi mahsulotlarining tavsiflarini yaxshilash va ishonchliligini oshirish lozim.
Ro’rinib turibdiki, bu masalalarni echish uchun o’z navbatida o’lchash-nazorat texnikasini mukammallashtirish zarurdir. Bu
jarayonning dialektik birligi ilmiy-texnik taraqqiyot muammolariga hamma talablarni chuqur tahlil qilish asosida atroflicha yondoshish lozimligini ta’kidlaydi. Shubha yo’qki, bu muammolar echilib, ular ortidan yangilari, yanada murakkabliroqlari kun tartibiga qo’yiladi. Ilmiy-texnik tafakkurning oldingi qatorlarida doimo olg’a qarab harakat qilish - metrologiya fanining asosiy shioridir.
6.8. Qiyoslash tartibi va me’yoriy hujjatlarga qo’yilgan
talablar
Davlat tekshiruvi va nazorati sohasida foydalaniladigan, qiyoslanishi lozim bo’lgan O’Vning ro’yxati O’zstandart Agentligi tomonidan tasdiqlanadi.
O’V ni Davlat qiyoslashini davlat metrologik xizmati idoralari o’tkazadi, lekin O’V ni qiyoslash huquqi yuridik shaxslarning akkreditlangan metrologik xizmatlariga ham topshirilishi mumkin.
Boshqa davlatlarda bajarilgan O’V ni qiyoslash natijalari xalqaro shartnomalar va bitimlar asosida tan olinadi.
Ekspluatasiyada turgan, ishlab chiqarilgan, ta’minlangan va import bo’yicha sotib olinadigan O’V ni qiyoslashni tashkil qilish va o’tkazish bo’yicha asosiy nizomlar O’z DSt 8.003:2005 “O’z O’DT. O’lchash vositalarini qiyoslash. Asosiy nizomlar” da bayon etilgan.
Ekspluatasiyada turgan, ishlab chiqarilgan, ta’minlangan va import bo’yicha sotib olinadigan barcha O’V davlat qiyoslashidan o’tishi lozim.
O’V birlamchi, davriy, navbatdan tashqari, inspeksion va ekspert qiyoslashdan o’tkaziladi.
Ishlab chiqarishdan yoki ta’mirlashdan chiqqan va import bo’yicha keltiriladigan O’V birlamchi qiyoslashdan o’tkaziladi. O’V ning har bir nushasi birlamchi qiyoslashdan o’tkaziladi. O’V yalpi ishlab chiqarilganda tanlab qiyoslash ruxsat etiladi. Tanlab birlamchi qiyoslash qoidalari, o’tkazish tartibi bu O’V ni qiyoslash metodikasida ko’rsatiladi.
Ekspluatasiyada turgan yoki operativ saqlanayotgan O’V qiyoslashlararo oraliq vaqtlardan keyin davriy qiyoslashdan o’tkaziladi. Davriy qiyoslash vaqti o’lchash vositasining bu davr ichida yaroqliligini ta’minlashni hisobga olgan holda aniqlanadi va belgilanadi.
Davriy qiyoslashlar o’rtasidagi vaqt:
davlat qiyoslashiga taqdim etilgan o’lchash vositasiga davlat metrologik xizmati idoralari tomonidan belgilanadi.
Davlat davriy qiyoslashi namunaviy va ishchi O’V ni qiyoslash grafiklari (shartnomalari) da belgilangan kalendar muddatlarda o’tkaziladi.
Ekspluatasiyada turgan va saqlanayotgan O’V uchun navbatdan tashqari qiyoslash quyidagi hollarda o’tkaziladi:

• 
  qiyoslashlararo davrning yarim vaqti o’tgandan keyin o’lchash vositasidan butlovchi sifatida foydalanilganda;
  
• 
  qiyoslash tamg’asi, plombasi, shikastlanganda yoki O’V ning birlamchi yoki davriy qiyoslashdan o’tganligini tasdiqlovchi hujjatlar yo’qolganda;
  
• 
  agar qiyoslash tamg’asining yoki o’lchash vositasining qo’llanishga yaroqliligini tasdiqlovchi hujjatning amal qilinish muddati tugagan bo’lsa, saqlashdan olinib ekspluatasiyaga kiritishda;
  
• 
  qiyoslashlararo vaqt ichida xaridga chiqarilmagan O’V ni tayyorlovchi korxona iste’molchiga etkazib berishda.
  

O’lchash vositasining holati va qo’llanilishini davlat nazoratidan va mahkama tekshiruvidan o’tkazishda O’V ning qo’llanishga yaroqli ekanligini aniqlash uchun inspeksion qiyoslash o’tkaziladi. O’V ni inspeksion qiyoslash natijalari davlat yoki mahkama tekshiruvi dalolatnomasida aks ettiriladi.
Davlat qiyoslashidan majburiy ravishda o’tkaziladigan vositalar:

1. 
   davlat metrologik xizmatlarining va tadbirkorlik sub’ektlarining namunaviy o’lchash vositalri;
   
2. 
   o’zining bevosita vazifasiga muvofiq namunaviy O’V sifatida yoki tayyorlashga buyurtma shartlari bo’yicha ishlab chiqarilgan O’V;
   

v) nurlanishni ionlovchi va tarkibida nurlanishni ionlovchi manba bor bo’lgan O’V;
g) priborlarni ta’mirlovchi xo’jalik yurituvchi sub’ektlari chiqargan, ta’mirdan keyin boshqa xo’jalik yurituvchi sub’ektlarga berish uchun mo’ljallangan O’V;

4. 
   milliy va xalqaro rekordlarini qayd qilish bilan bog’liq o’lchash vositalari;
   
5. 
   davlat arbitraj idoralari tomonidan ekspertiza o’tkazishda, shuningdek bojxona tekshiruvida o’lchashlar uchun qo’llaniladigan O’V;
   

k) o’lchash uchun ishchi O’V sifatida qo’llaniladigan, o’lchash natijalari:
tabiatni muhofazalash;
sog’liqni saqlash;
mehnat xavfsizligini ta’minlash;
barcha turdagi transportning harakat xavfsizligini ta’minlash;
ishlab chiqarish va texnologik jarayonlarning xavfsizligini ta’minlash;aloqa tizimlarini ta’minlash;
xo’jaliklararo o’zaro hisoblashlar;savdoning barcha turlari;
aholiga pulli xizmatlarning barcha turlari uchun qo’llaniladigan O’V.
O’lchash vositalarini qiyoslash davlat yoki mahkama qiyoslovchisi malakasi berilaganligi to’g’risida amaldagi
guvohnomasi bor shaxslar tomonidan bajariladi.
O’zDst 8-010-3 davlat standartida o’lchash vositasining qiyoslashga doir atamalarga ta’riflar o’rnatilgan: