“Ohalik oltin bog'i” fermer xo'jaligi 2008-2010 yillar mobaynida 518 gektar maydonda tomchilatib sug'orish texnologiyasini joriy
etdi. Uning 109 gektarida sabzavot, qolgan qismida esa bog' va tokzorlar parvarishlanmoqda. – 290 gektarlik bog'imizda tomchilatib sug'orish texnologiyasini qo'llab, hosildorlikni sezilarli darajada oshirishga erishdik, – deydi Samarqand viloyati Narpay tumanidagi “Narpayobod” fermer xo'jaligi rahbari Keldiyor Ro'ziev. – Bu usulning har jihatdan iqtisodiy samaradorligi bizga juda ma'qul kelmoqda. Misol uchun, o'simlik ildiz atrofi doimo nam bo'lishi hisobiga erda tuz yig'ilishi va tuproq qotishining oldi olinadi. Kultivatsiya qilib, o'g'itlash uchun texnika ishlatishga zarurat qolmagach, yoqilg'i-moylash materiallari sarfi kamayadi. Miroblar kecha-kunduz uxlamay, paykallarga suv tarash tashvishidan qutilishi qo'l mehnatini kamaytiradi. Bugungi kunda yurtimizda suvdan tejamkorlik bilan foydalanishning tashkiliy-huquqiy asoslari mustahkamlangan. 1993 yilda qabul qilingan O'zbekiston Respublikasining “Suv va suvdan foydalanish to'g'risida”gi qonunida suv davlat mulki va umummilliy boylik hisoblanib, suv davlat tomonidan qo'riqlanadi, deb alohida belgilab qo'yilgan. Iste'molchilarga etkazib berilayotgan suvning hisob-kitobini yuritish sug'orish samaradorligini ta'minlash imkonini beradi. Buning uchun sug'orish tarmoqlaridagi suv sarfini to'g'ri aniqlash lozim. Ushbu yo'nalishda O'rta Osiyo irrigatsiya ilmiy- tadqiqot instituti tomonidan suv o'lchash vositalarining bir qator namunalari yaratilib, amaliyotga tatbiq qilinmoqda. Suv tezligini
