O’zbekiston respublikasi

Sam QXI, “Pedagogika, psixologiya

va o’qitish metodikasi” kafedrasi dotsenti J. Sultonov

MUNDARIJA Kirish 3

1. 
   BOB. Yoshlarni turmush qurishga tayyorlashning nazariy asoslari 7
   

1. 
   Mutafakkirlarning yoshlarni oilaviy hayotgatayyorlash borasidagi qarashlari 7
   
2. 
   Ijtimoiy psixologiyada yoshlarni oilaviy hayotga tayyorlash muammosining yoritilishi 8
   
3. 
   Oilada yoshlarni mustaqil hayotga tayyorlash muammolar 16
   

2. 
   BOB. Yoshlarning oilaviy hayot haqidagi tasavvurlarini shakllantirishning pedagogik – psixologik shart sharoitlari 24
   

1. 
   Nikoh oldi omillari haqida yoshlar tassavvurlarini shakllantirish 24
   
2. 
   Yoshlarga juftlilik ma’suliyati va jinsiy tarbiya xususida tavsiyalar. 36
   

3. 
   BOB. Qizlarni oilaviy hayotga psixologik tayyorlash masalasi 53
   

1. 
   Oilada qizlarni mustaqil hayotga tayyorlasda oila va jamoatchilik hamkorligi 53
   
2. 
   Qizlarni mustaqil oilaviy hayotga tayyorlashning shakl va vositalari 56
   

Xulosa 65

Foydalanilgan adabiyotlar ro’yxati 67

Ilova 69

KIRISH

Tadqiqot mavzusining dolzarbligi: Bugungi kunda O’zbekiston aholisining 62 foizini bolalar o’smirlar, xullas 30 yoshgacha bo’lgan yigit qizlar, ularning ma’lum qismini esa mustahkam yosh oilalar tashkil etadi. Mustahkam yosh oila jamiyat ijtimoiy-siyosiy, iqtisodiy, madaniy-ma’naviy yangilanishi va yuksalishini muhim subyektlaridan bo’lib, jamiyatda ro’y berayotgan murakkab jarayonlarga o’z ta’sirini o’tkazishda va taraqqiyotni harakatda keltirishida muhim ro’l o’ynaydi. Mustaqillik tufayli jamiyatimizda, ayniqsa uning ma’naviy-axloqiy va ruhiy dunyoqarashiga sezilarli darajada ta’sir etayapdi. Shuning uchun hozirgi vaqtda yosh oilalarning ma’naviy-axloqiy va ruhiy olamini shakllantirish va rivojlantirishni chuqur va atroflicha tahlil etish ham ilmiy ham amaliy jihatdan katta ahamiyat kasb etadi.

2012 yilga «Mustahkam oila yili» deb nom berishimiz munosabati bilan davlat idoralari, nodavlat va ijtimoiy tashkilotlar, xayriya jamg’armalari bilan birgalikda ishlab chiqilib qabul qilinadigan dasturda ayni shunday ezgu tushuncha, orzu-intilishlarimiz o’z ifodasini topishi lozim.

Muayyan ijtimoiy jamiyat taraqqiyotini ta’minlovchi omillar orasida mazkur jamiyatning quyi bo’g’ini xisoblangan oilalarning mustahkamlligi, ularda sog’lom ruxiy muhitning qaror topganligi, oilalarda jismonan sog’lom farzandlarning dunyoga kelayotganligi, ularning ma’naviy yetuk shaxs bo’lib tarbiyalanishlari yo’lida tashkil etilayotgan oila tarbiyasining samaradorligi kabi omillar muhim o’rin tutadi. O’zbekiston Respublikasi ijtimoiy siyosiy mustaqilligining dastlabki yillaridayoq mustahkam oilalarni shakllantirish, onalik va bolalikni ijtimoiy jihatdan muxofaza qilish, oilalarda jismonan sog’lom, ruxan baquvvat bo’lgan farzandlarning dunyoga kelishi uchun qulay shart-sharoitlarni yaratish, samarali ravishda oila tarbiyasini tashkil etish jarayonida oilalar bilan jamoatchilik o’rtasida mustahkam hamkorlikni yuzaga keltirish masalalarini ijobiy xal etishga alohida e’tibor qaratildi. 1993 yilning fevral oyida “Sog’lom avlod” ordenining ta’sis etilishi hamda “Sog’lom avlod” Davlat dasturi” ning qabul qilinganligi fikrimizning yorqin dalilidir.

O’zbekiston Respublikasining Prezidenti I.A.Karimov o’z asarlarida oilaning shaxs kamolotini ta’minlashdagi o’rni va roliga yuqori baho berar ekan, quyidagilarni qayd etadi: “Oila turmush va vijdon qonunlari asosida quriladi, o’zining ko’p asrlik mustahkaml va ma’naviy tayanchlariga ega bo’ladi, oilada demokaratik negizlarga asos solinadi, odamlarning talab extiyojlari va qadriyatlari shakllanadi. Bu esa oliy darajada ma’naviy qadriyat, inson qalbining gavharidir”.¹

Mustahkam oilalarni shakllantirish, ularda sog’lom ruxiy muhitni qaror toptirish, oila tarbiyasining samaradorligini oshirish, oila muhitida tarbiyalanayotgan farzandlarning har jihatdan yetuk, barkamol bo’lib voyaga yetishlariga alohida ahamiyat berish, bu yo’lda oila hamda jamoatchilik hamkorligiga erishish, oilalarni ijtimoiy jihatdan qo’llab quvvatlash masalalari bir qator me’yoriy xujjatlar mazmunida o’z aksini topgan. Xususan, 2000 yil 24 fevralda “Sog’lom avlod” Davlat dasturi talablarining hayotga joriy etilishi hamda bajarilishi yo’zasidan amalga oshirilayotgan ishlarni muvofiqlashtirish va nazorat qilish Respublika Komissiyasining Oqsaroy qarorgohida bo’lib o’tgan yig’ilishida O’zbekiston Respublikasi Prezidenti I.A.Karimov tomonidan so’zlangan nutqda “Sog’lom avlod” Davlat dasturi talablarini amalga oshirish jarayonida alohida e’tibor qaratilishi lozim bo’lgan jihatlar xususida so’z yuritilar ekan, bu jarayonda quyidagi xolatlarning ustuvor yo’nalishlar sifatida e’tirof etilishi lozimligiga urg’u berildi:

• 
  balog’at yoshiga yetgan qizlarni ta’lim muassasalarida tahsil olayotgan davrlaridanoq oilaviy hayotga psixologik, jismoniy va tibbiy jihatdan tayyorlashni yo’lga qo’yish, ta’lim muassasalarida maxsus dasturlar asosida muayyan fan (kurs)larning o’qitilishini tashkil etish;
  
• 
  oila qurish ikki yosh o’rtasidagi shaxsiy ish emas, balki butun ijtimoiy jamiyat hayotiga daxldor, aloqador masala ekanligi, shu bois yoshlar ongida “Sog’lom oila” tushunchasini qaror toptirish, ular o’rtasida sog’lom farzandning dunyoga kelishini ta’minlovchi omillar, ikki yoshning bir-birlariga tibbiy hamda
  

1. 
   A. Karimov. Yoshlarimiz- xalqimizning ishonchi va taynchi. – T: Ma’naviyat 2006 y
   

jismoniy jihatdan mosligi mustahkam oilani shakllantirishning sharti ekanligi to’g’risidagi ma’lumotlarni targ’ib qilish;

- ikki yoshning tibbiy hamda jismoniy jihatdan bir biriga mosligi xolatini o’rganish.

Yoshlarni mustaqil oilaviy hayotga tayyorlashga yo’naltirilgan faoliyatning samarali tashkil etilishi bir qancha ijtimoiy muammolarning ijobiy hal etilishiga o’z ta’sirini ko’rsatadi. Jumladan:

1. 
   Jamiyatning ijtimoiy ma’naviy jihatdan rivojlanishini ta’minlaydi.
   
2. 
   Jamiyatning ijtimoiy iqtisodiy taraqqiyotining yuqori bosqichga ko’tarilishida muhim ahamiyat kasb etadi.
   
3. 
   Mustahkam oilalarni shakllantirish, ularda sog’lom ruxiy muhitni qaror toptirish, oila tarbiyasini samarali tashkil etish, farzandlar tarbiyasida muayyan muvaffaqqiyatlarga erishish, oilaviy mojaro, ajrimlarning oldini olish uchun zamin hozirlaydi.
   

Tadqiqotning maqsadi- yoshlarni turmush qurishga tayyorlashning psixologik asoslarini tadqiq etishdan iborat.

Bitiruv malakaviy ishimizning vazifalarini maqsadimizdan kelib chiqib quyidagicha belgiladik:

Mavzuga oid ijtimoiy, falsafiy, pedagogik, psixlologik, tarixiy-ilmiy o’quv adabiyot materiallarini o’rganib chiqish va umumlashtirish.

Yoshlarni turmushga tayyorlash borasida tavsiyalar ishlab chiqish. Jinsiy tarbiyaning psixologik asoslarini tavsiflb berish

Pedagog-psixolog olimlarimizning va tadqiqotchilarning yoshlarni oilaviy hayotga tayyorlash haqidagi qarashlarini o’rganish va tahlil qilish.

Mavzu yo’zasidan ilmiy tadqiqot o’tkazish hamda ularning natijalarini tahlil qilish.

Tadqiqodni ilmiy farazi (gipotezasi): agar biz tanlagan mavzu bo’yicha ishlab chiqadigan ilmiy tajribadagi tadqiqot tadbirlarini maqsadga muvofiq qo’llab borilsa:

1. 
   Yoshlarda oilaviy hayot haqida tasavvurlar shakllanadi.Nikohga ma’naviy yetukligi aniqlash imkoniyatini beradi.
   
2. 
   Yoshlarda turmushga tayyorlash yo’zasidan tadqiqotlar chuqur, aniq uslubiy yo’nalishda tashkil etilishi maqsadga muvofiq.
   
3. 
   Muammolarni asosi bo’lib xizmat qiladigan ilmiy nazariy manbalar bilan tanishib, tahlil qilib, o’rganish asosida yaratilgan umumiy xulosa va qisqacha sharxlarimiz bundan buyoniga mazkur muammolarga oid o’tkaziladigan tadqiqot ishlariga nazariy yo’nalish beruvchi materiallar bo’lib xizmat qilish mumkin.