Kompyuterlarni sinflash. Kompyuterlarning xotirasining hajmi, bir sekundda bajaradigan amallar tezligi, ma`lumotlarning razryad to’rida (yacheykalarda) tasvirlanishiga qarab besh guruhga bo’linadi:
Supper kompyuterlar (Super Computer);
Katta kompyuterlar (Mainframe Computer);
Mini kompyuterlar (Minicomputer);
Shaxsiy kompyuterlar (PC-Personal Computer)
Bloknot (noutbook) kompyuterlar.
Supper kompyuterlar (TOP 500 kompyuterlar) – juda katta tezlikni talab qiladigan va katta hajmdagi masalalarni yechish uchun mo’ljallangan bo’ladi. Bunday masalalar sifatida ob-havoning global prognoziga oid masalalarni, uch o’lchovli fazoda turli oqimlarning kechishini o’rganish masalalari, global informatsion sistemalar va hokazolarni keltirish mumkin. Bu kompyuterlar bir sekundda 10 trilliardlab amal bajaradi.
Shuni qayd qilish lozimki, supperkompyuterlarning ma`lum yo’nalish masalalarini yechishga qaratilgan turlari ham mavjud.
Katta kompyuterlar.– Fan va texnikaning turli sohalariga oid masalalarini yechishga mo’ljallangan. Ularning amal bajarish tezligi va xotira hajmi supperkompyuterlarnikiga nisbatan bir-ikki pog’ona past. Bularga misol sifatida AQSHning CRAY, IBM 390, 4300, IBM ESG’9000, Fransiyaning Borrous 600, Yaponiyaning M1800 rusumli kompyuterlarini va boshqalarni misol qilib keltirish mumkin.
Minikompyuterlar.Hajmi va bajaradigan amallar tezligi jihatidan katta kompyuterlardan kamida bir pog’ona pastdir. Shuni aytish joizki, ularning o’lchamlari tobora ixchamlashib, hatto shaxsiy kompyuterdek kichik joyni egallaydiganlari yaratilmoqda.
S haxsiy kompyuterlar. Hozirda korxonalar, muassasalar, oliy va o’rta maxsus o’quv yurtlarida keng tarqalgan bo’lib, ularning aksariyati Pentium va IBM rusumiga mos kompyuterlardir. Bularni turli kompaniyalar ishlab chiqarishiga qaramay, ham texnik, ham dasturiy ta`minoti mosligi, ya`ni bir-birlariga to’g’ri kelishi nazarda tutiladi.
