(34 soat, haftasiga 1 soatdan) Kirish (1 soat) Tabiatshunoslik nimani o‘rganadi? Tabiat. Jonli va jonsiz tabiat. Tabiat hodisalari.
Tabiatda havo va suv (4 soat)
Bizni o‘rab turgan havo. Havoning ahamiyati. Shamolning hosil bo‘lishi.
Suvning xususiyatlari. Suvning isitilganda kengayishi va sovitilganda siqilishi. Muzning erishi, suvning qaynashi va bug‘lanishi.
Tabiatda suv. Okean, dengiz, muzliklar, yer osti suvlari, daryo, ko‘l. Yog‘inlar. Tabiatda suvning aylanishi. Suvni ifloslanishdan muhofaza qilish. Suvni tejab sarflash.
Foydali qazilmalar (6 soat) Yer osti boyliklari. Metallar. Granit. Qum va gil. Kalsitlar: bo‘r, ohaktosh, marmartosh.
Toshko‘mir, uning hosil bo‘lishi. Toshko‘mir—issiqlik manbai. Toshko‘mirdan tayyorlanadigan mahsulotlar. Neft-qimmatbaho foydali qazilma. Neftdan olinadigan mahsulotlar. Tabiiy gaz va undan foydalanish. Foydali qazilmalarni muhofaza qilish.
O‘simliklar (11 soat) Tuproq va uning ahamiyati. Tuproqning tarkibi. Tuproqning hosil bo‘lishi. O‘simlikning tuproqdan oziqlanishi.
Atrofimizdagi o‘simliklar. Uyimiz va maktabimiz atrofidagi o‘simliklar. O‘simliklarning daraxt, buta va o‘tlarga bo‘linishi. Bog‘, xiyobon va o‘rmon.
G‘o‘za va uni parvarish qilish. Paxtadan tayyorlanadigan mahsulotlar.
Donli ekinlar: bug‘doy, sholi va makkajo‘xori, ularni parvarish qilish va hosilini yig‘ib olish.
Begona o‘tlar: zarpechak, g‘umay, sho‘ra va salomalaykum. Ekin maydonlarni begona o‘tlardan tozalash.
Kartoshka, sabzavotlar, qulupnay, poliz ekinlari, mevali daraxtlar, mevali buta o‘simliklari, tok. Ularni parvarish qilish va hosilini yig‘ishtirib olish.
Manzarali o‘simliklar. Manzarali o‘simliklarning ahamiyati, ularni ko‘paytirish va parvarish qilish. Maktab gulzori. Gulzor o‘simliklari, ularni ko‘paytirish va parvarish qilish.
Dorivor o‘simliklar. Ularning shifobaxshlik xususiyatlari.
Tut daraxti, uni parvarish qilish. Ipak qurti, uni boqish. Pilla yig‘im-terimi. Pilladan ipak olish.
