Lingvistik kompetensiya elementi: o‘zbek tilida nutq tovushlarini to‘g‘ri qo‘llay oladi, bo‘g‘in ko‘chirish qoidasiga rioya qila oladi, mavzuga oid so‘zlarni og‘zaki nutqda qo‘llay oladi.
Tayyorgarlik davrida o‘qish darslari uchun – 4 soat. Tayyorgarlik davrida yozuv darslari uchun – 4 soat. O‘qishga o‘rgatish uchun – 60 soat Yozuvga o‘rgatish uchun – 60 soat Jami – 128 soat
ONA TILI 1-SINF fonetika, grammatika, imlo va nutq o‘stirish (68 soat) I bo‘lim. TOVUSHLAR VA HARFLAR ( 28 soat)
1-2-3-mavzular. “Ona tilim” she’ri (Muhammad Yusuf). Tovush va harflar (3 soat). So‘zlarning tovushlardan tuzilishi. Tovushlarning so‘z ma’nosini farqlashi. Tovushlarning o‘rin almashishi bilan yangi so‘zlar hosil bo‘lishi.
4-mavzu. Unli tovushlar va harflar (1 soat). Tovushlarning talaffuzi va ma’no farqlashi, harflar bilan ifodalanishi. Unli tovushlar, ularning talaffuzi, harflar bilan ifodalanishi va imlosi.
5-6-7-mavzular. A va o unlilarining talaffuzi va imlosi (3 soat). A unlisining o tarzida talaffuz qilinishi va imlosi. i va u unlilari, ularning talaffuzi va imlosi, u unlisining i tarzida aytilishi va yozilishi.
Nazorat ishi (1 soat). 8-mavzu. Unli tovush va harfini mustahkamlash (1 soat). Nazorat ishi: a va o, i va u unlilari, ularning talaffuzi va imlosi yuzasidan o‘quvchilar bilimi, ko‘nikma va malakasini aniqlash.
9-10-mavzular. Undosh tovushlar va harflar (2 soat). Undosh tovushlarning harfiy ifodasi. Ayrim undosh tovushlarning talaffuzi va imlosi (d-t , b-p, z-s, j-ch, g-k, v-f undoshlarining talaffuzi va imlosi), so‘z oxirida ketma-ket kelgan (d,t) undoshlarning talaffuzda tushib qolishi, lekin yozuvda saqlanishi.
