Husnixat (1 soat) 23-24-mavzular. Undalmali gaplar (2 soat). Undalmaning gapdagi o‘rni va tinish belgisining qo‘yilishi. Undalmalar kimlarga qaratilganligi. Undalmali gaplarning maqsadga ko‘ra turlari.
25-mavzu. Ta’limiy insho (1 soat).
V bo‘lim. NUTQ. MATN (5 soat, A1+: 2 soat)
26-27-mavzular. Nutq. Matn (2 soat). Nutqning mazmunan bog‘langan gaplardan tuzilishi. Nutqning og‘zaki va yozma shaklda bo‘lishi. Matn – nutqning yozma shakli.
A1+ Nutq o‘stirish (1 soat) Husnixat (1 soat) 28-mavzu. Matnni qismlarga bo‘lish (1 soat). Matnni ifodali o‘qish, qismlarga bo‘lish asosiy fikrni aniqlash, matnga sarlavha qo‘yish, reja tuzish.
Nazorat va tahlil (2 soat).
VI bo‘lim. TOVUSHLAR VA HARFLAR (10 soat, A1+: 4 soat)
29-30-mavzular. Tovushlar va harflar (2 soat). Tovushlarning harflar bilan ifodalanishi. Unli va undosh tovushlar, ularning harfiy ifodasi; talaffuzi va yozilishi farq qiladigan unli tovushli so‘zlarning talaffuzi va imlosi.
A1+ Nutq o‘stirish (1 soat). Husnixat (1 soat) 31-32-mavzular. Undosh tovushlarning talaffuzi va imlosi (2 soat). Undosh tovushlar, ularning harfiy ifodasi; talaffuzi va imlosi farq qiladigan undosh tovushli so‘zlar, yonma-yon kelgan undosh tovushli so‘zlarning talaffuzi va imlosi; jarangli va jarangsiz undoshlarning talaffuzi va imlosi; yonma-yon kelgan bir xil undoshli so‘zlar va ularning imlosi; so‘z oxirida qator kelgan undoshli so‘zlar va ularning imlosi, x-h tovushli so‘zlar va ularning imlosi, tovush-harf tahlili.
33-34-mavzular. Bo‘g‘in (2 soat). So‘zlarni bo‘g‘inga bo‘lish. Unli tovushlarning bo‘g‘in hosil qilishi; so‘zlarni bir satrdan ikkinchi satrga bo‘g‘inlab ko‘chirish; so‘zlarning bo‘g‘in-tovush va tovush-harf jihatdan tahlili.
