O‘zbekiston respublikasi xalq ta’limi vazirligi respublika ta’lim markazi

69-70-mavzular. O‘rin-payt kelishigi (2 soat).
O‘rin-payt kelishigining ma’nosi, qo‘shimchasi. O‘rin-payt kelishigi qo‘shimchasining otni fe’lga bog‘lashi. O‘rin-payt kelishigidagi so‘zlarning talaffuzi va imlosi.
O‘quvchilarda shakllangan fanga oid kompetensiya elementlari:
Nutqiy kompetensiya (tinglab tushunish, so‘zlash, o‘qish, yozish):
o‘qituvchi nutqini va mavzuga oid tushunchalarni, o‘zaro savol-javob, topshiriqlarni, kichik matnlarni, mavzu doirasidagi video va audio (multimedia ilovalari) matnlarini tinglab tushuna oladi;
o‘qilgan matn mazmunini va o‘zgalar fikrini anglab, ifodalay oladi, og‘zaki nutqda so‘z va gaplar ohangiga rioya qila oladi, nutq jarayonida o‘zlashtirgan yangi so‘zlarni og‘zaki nutqda qo‘llay oladi;
unli va undosh tovushlar talaffuzi va imlosi, so‘zlarni bo‘g‘inga bo‘lish va ko‘chirishni, so‘zlarni bo‘g‘in-tovush va tovush-harf jihatdan tahlil qilishni biladi, so‘z, uning tarkibiy qismi, asos va qo‘shimchalar, qo‘shimchalarning vazifasiga ko‘ra turlarini farqlaydi, ot so‘z turkumini, ot va otning egalik va kelishik qo‘shimchalari bilan turlanishini biladi, ijodiy matnning mantiqiy izchilligiga rioya qilgan holda va xatboshi, imlo hamda husnixat qoidalariga amal qilib yoza oladi, rasm asosida ijodiy matn yarata oladi, xabar, tasvir, muhokama shakllarini qo‘llab matn yarata oladi, tabriknoma, xat yoza oladi.
Lingvistik kompetensiya: o‘zbek tilida nutq tovushlarini to‘g‘ri qo‘llay oladi, talaffuz me’yorlariga rioya qila oladi, bo‘g‘in ko‘chirish qoidasiga rioya qila oladi, o‘zlashtirgan leksik birliklarni matnda qo‘llay oladi, mavzuga oid so‘zlarni og‘zaki va yozma nutqda o‘rinli qo‘llay oladi, nutqda so‘zlarning grammatik shakllaridan to‘g‘ri foydalana oladi, tinish belgilarini to‘g‘ri qo‘llay oladi.
A1+
Nutqiy kompetensiya (tinglab tushunish, so‘zlash, o‘qish, yozish):
berilgan matnni orfoepiya qoidalariga rioya qilib o‘qiydi; ijodiy matnning mantiqiy izchilligiga rioya qilgan holda va xatboshi, imlo hamda husnixat qoidalariga amal qilib yoza oladi, rasm asosida ijodiy matn yarata oladi, xabar, tasvir, muhokama shakllarini qo‘llab matn yarata oladi, tabriknoma, xat, taklifnoma, e’lon yoza oladi.