O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning davlat ta’lim standarti va o‘quv dasturi ona tili adabiyot

parcha. (A2+: 4 soat) 
Dostonda umumbashariy g‘oyalarning yuksak badiiy tarzda ifoda etilgani.
Asarda chin insoniylik, sadoqat, mardlik singari insoniy fazilatlarning ulug‘lanishi.
“Yo‘lbars terisini yopingan pahlavon” dostoni – jahon adabiyotining eng go‘zal
namunalaridan biri sifatida.

O‘quvchilar sinfda va mustaqil o‘qishlari, yod olishlari lozim bo‘lgan 
asarlar: 
“Ravshan” dostoni.
Alisher Navoiy. “Mehr va Suhayl” hikoyasi.
Uvaysiy. G‘azal va chistonlar.
Zavqiy. G‘azallar.
Maxtumquli. She’rlar.

IV. 
YANGI DAVR NAFASI 
(18 soat, A2+: 13 soat) 

31-33-mavzu. Abdulla Qodiriy. “Mehrobdan chayon” romani. (3 soat, 
A2+: 5 soat) 
Adib haqida qisqacha ma’lumot. Romanning “Qo‘rqinch bir jasorat” bobida
mardlik va nomardlik, tantilik va pastkashlik o‘rtasidagi to‘qnashuvning keskin
dramatik vaziyatlarda ko‘rsatilishi. Anvar tabiatiga xos mardlik, halollik,
tantilikning Xudoyorxon va Abdurahmon xarakteridagi fosiqlik, adolatsizlik,
zo‘ravonlik kabi xislatlarga qarshi qo‘yilishi. Anvar va Ra’no timsollarining o‘ziga
xosligi .
Yozuvchining obrazlar tilini individuallashtirish mahorati. Asar yechimining
mantiqiy asoslanganligi. Qobilboy, Safar bo‘zchi singari timsollarning o‘ziga xos

---

102
jihatlari tasviri. Asarning to‘liq o‘qilishiga erishish.

34-36-mavzu. Cho‘lpon. “Binafsha”, “Go‘zal”, “Ko‘ngil”, “Xalq”, 
“Buzilgan o‘lkaga” she’rlari. (3 soat)
Shoir hayoti va ijodi haqida qisqacha ma’lumot. “Go‘zal” she’rida go‘zallik
qoshida lol qolgan inson ruhiyati po‘rtanalarining, oy, quyosh, yulduz, shamol
obrazlarida oshiq taqdirining ta’sirchan ko‘rsatilishi. “Binafsha” she’rida binafsha
obrazida inson qismatining aks ettirilishi. Mazkur she’rlarda ifodalash mushkul
bo‘lgan nozik hissiyotlarning aniq tasvir etilganligi. Shoir she’rlarida lirik
qahramon holatiga mos tasvir usuli va vositalarining qo‘llanishi. Cho‘lponning
so‘z va poetik obrazni yaratish mahorati .
“Xalq” va “Ko‘ngil” she’rlarida Cho‘lpon shaxsiyati va dunyoqarashiga xos
belgilarning namoyon bo‘lishi
Nazariy ma’lumot. Ko‘chim.