339-modda. Ijroning kechiktirib yuborilganligi uchun kreditorni javobgarlikdan ozod qilish Agar kreditor ijroning kechiktirib yuborilishi qonunga muvofiq yoki kreditorning topshirig‘i
bilan ijroni qabul qilish vazifasi yuklatilgan shaxslar qasddan ish tutganligi yoki ehtiyotsizligi
tufayli kelib chiqqanligini isbotlasa, u ijroning kechiktirib yuborilganligi uchun javobgarlikdan
ozod qilinadi.
LexUZ sharhi Qarang: mazkur Kodeksning 14 , 129 , 133 , 236— 258 , 324 — 338-moddalari . 25-BOB MAJBURIYATLARNING BEKOR BO‘LIShI 340-modda. Majburiyatlarning bekor bo‘lish asoslari Oldingi tahrirga qarang. Majburiyat ushbu Kodeksda, boshqa qonun hujjatlarida yoki shartnomada nazarda
tutilgan asoslarga ko‘ra to‘liq yoki qisman bekor bo‘ladi.
(340-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Oldingi tahrirga qarang. Majburiyatni taraflardan birining talabi bilan bekor qilishga qonunchilik yoki shartnomada
nazarda tutilgan hollardagina yo‘l qo‘yiladi.
(340-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) LexUZ sharhi Qarang: mazkur Kodeksning 14 , 236 — 258 , 283-moddasi birinchi qismining 2-bandi , 309-moddasi birinchi qismining 3, 4-bandlari , 341 — 352-moddalari , 382-moddasi ikkinchi — to‘rtinchi qismlari , O‘zbekiston Respublikasi “Xo‘jalik yurituvchi subyektlar faoliyatining shartnomaviy-huquqiy bazasi to‘g‘risida”gi Qonunining 15-moddasi .
