Oʻzbekiston respublikasining soliq kodeksi (Yangi tahriri) Oʻzbekiston Respublikasining

18-BOB. SOLIQ TEKSHIRUVLARINING VA 
SOLIQ NAZORATI BOSHQA CHORALARINING 
HUQUQIY OQIBATLARI 
156-modda. Soliq auditi natijalarini rasmiylashtirish 
157-modda. Soliqqa oid huquqbuzarliklar toʻgʻrisidagi 
ishlarni koʻrib chiqish tartibi 
158-modda. Soliq auditi va sayyor soliq tekshiruvi 
materiallarini koʻrib chiqish tartibi 
159-modda. Soliq auditi va sayyor soliq tekshiruvi 
materiallarini koʻrib chiqish natijalari boʻyicha 
qaror qabul qilish 
160-modda. Soliq auditi va sayyor soliq tekshiruvi 
materiallarini koʻrib chiqish natijalari boʻyicha 
qarorning kuchga kirishi 
161-modda. Taʼminlash choralari 
162-modda. Soliq organlari qarorlarini ijro 
etishning oʻziga xos xususiyatlari 
163-modda. Shikoyat qilinganda soliq organlari 
qarorlarini ijro etish 
164-modda. Soliq organlarining qarorlarini ijro etish 
165-modda. Soliqqa oid huquqbuzarliklar toʻgʻrisidagi 
ishlar boʻyicha ish yuritish 
166-modda. Soliqqa oid huquqbuzarliklar toʻgʻrisidagi 
materiallar boʻyicha qaror qabul qilish 
167-modda. Moliyaviy sanksiyani undirish toʻgʻrisidagi ariza 
168-modda. Moliyaviy sanksiyalarni undirish toʻgʻrisidagi 
ishlarni koʻrib chiqish va qarorlarni ijro etish 
156-modda. Soliq auditi natijalarini 
rasmiylashtirish 

---

(1-q.)
Soliq auditi natijalariga koʻra soliq organlarining ushbu tekshiruvni oʻtkazgan 
vakolatli mansabdor shaxslari tomonidan soliq auditi dalolatnomasi tuzilishi kerak. 
(2-q.)
Soliq auditi dalolatnomasida quyidagilar koʻrsatiladi: 
1) soliq auditi dalolatnomasini tuzish sanasi - ushbu tekshiruvni oʻtkazgan shaxslar 
tomonidan dalolatnoma imzolangan sana; 
2) tekshirilayotgan shaxsning toʻliq va qisqartirilgan nomi yoki familiyasi, ismi, otasining 
ismi. Yuridik shaxs uning alohida boʻlinmasi joylashgan yerda tekshirilgan taqdirda yuridik 
shaxsning nomidan tashqari tekshirilayotgan alohida boʻlinmaning toʻliq va qisqartirilgan nomi 
hamda uning joylashgan yeri koʻrsatiladi; 
3) oʻzlari vakili boʻlgan soliq organining nomi koʻrsatilgan holda soliq auditini oʻtkazgan 
shaxslarning familiyasi, ismi, otasining ismi, ularning lavozimlari; 
4) soliq organi rahbarining (rahbari oʻrinbosarining) soliq auditi oʻtkazish toʻgʻrisidagi 
buyrugʻi sanasi va raqami; 
5) soliq auditi davomida tekshirilayotgan shaxs tomonidan taqdim etilgan hujjatlar roʻyxati; 
6) soliq auditi oʻtkazilgan davr; 
7) soliq auditi qaysi soliqqa nisbatan oʻtkazilgan boʻlsa, oʻsha soliqning nomi; 
8) soliq auditi boshlangan va tugagan sana; 
9) yuridik shaxs joylashgan yerning yoki jismoniy shaxs yashash joyining manzili; 
10) soliq auditini amalga oshirish chogʻida oʻtkazilgan soliq nazorati tadbirlari toʻgʻrisidagi 
maʼlumotlar; 
11) soliq toʻgʻrisidagi qonunchilikning tegishli normasiga havola qilgan holda soliqqa oid 
huquqbuzarlikning (u mavjud boʻlgan taqdirda) batafsil tavsifi; 
(OʻzR 21.04.2021-y. OʻRQ-683-
son Qonuni tahriridagi band) 
12) soliq auditi natijalari boʻyicha xulosalar va takliflar. 
(3-q.)
Agar oʻtkazilgan soliq auditi natijalariga koʻra soliq toʻgʻrisidagi qonunchilikning 
buzilishlari aniqlanmagan boʻlsa, bu haqda soliq auditi dalolatnomasida qayd etiladi. 
(OʻzR 
21.04.2021-y. OʻRQ-683-son Qonuni tahriridagi qism) 
(4-q.)
Soliq auditi dalolatnomasiga tekshiruv davomida aniqlangan soliq toʻgʻrisidagi 
qonunchilikning buzilishlari faktlarini tasdiqlovchi hujjatlar ilova qilinadi. 
(OʻzR 21.04.2021-y. 
OʻRQ-683-son Qonuni tahriridagi qism) 
(5-q.)
Soliq auditi dalolatnomasi shaklini va uni tuzishga doir talablarni Oʻzbekiston 
Respublikasi Davlat soliq qoʻmitasi belgilaydi. 
(6-q.)
Soliq auditi dalolatnomasi kamida uch nusxada tuziladi. 
(7-q.)
Soliq auditi dalolatnomasining barcha nusxalari soliq organining soliq auditini 
oʻtkazgan mansabdor shaxslari tomonidan imzolanadi. Soliq auditi dalolatnomasining bir nusxasi 
soliq toʻlovchiga tekshiruv tugaganidan keyin uch kun ichida topshiriladi. Soliq toʻlovchi 
dalolatnomaning barcha nusxalariga uni olgan sanani koʻrsatgan holda soliq auditi dalolatnomasini 
olganligiga imzo qoʻyishi shart. Soliq auditi dalolatnomasining soliq organida qolgan nusxalari 
soliq auditi materiallariga qoʻshib qoʻyiladi. 
(8-q.)
Soliq toʻlovchining soliq auditi dalolatnomasidagi imzosi uning soliq auditi 
natijalariga roziligini bildirmaydi. 
(9-q.)
Soliq toʻlovchi (uning vakili) soliq auditi dalolatnomasini olishdan bosh tortgan 
taqdirda, soliq organining mansabdor shaxsi bu haqda soliq auditi dalolatnomasiga tegishli yozuv 
kiritadi. Bunday holda soliq auditi dalolatnomasining bir nusxasi soliq toʻlovchiga yuridik shaxs 

---

(alohida boʻlinma) joylashgan yer boʻyicha yoki jismoniy shaxsning yashash joyi boʻyicha pochta 
orqali buyurtma xat bilan yuboriladi. 
(10-q.)
Soliq auditi dalolatnomasi pochta orqali buyurtma xat bilan yuborilgan taqdirda 
buyurtma xat yuborilgan sanadan boshlab hisoblaganda beshinchi kun ushbu dalolatnoma 
topshirilgan sana deb hisoblanadi. 
(11-q.)
Oʻzbekiston Respublikasi hududida faoliyatini doimiy muassasa orqali amalga 
oshirmaydigan chet el yuridik shaxsiga (bundan xalqaro tashkilot yoki diplomatik vakolatxona 
mustasno) soliq auditi dalolatnomasi pochta orqali Oʻzbekiston Respublikasi soliq 
toʻlovchilarining yagona reestridagi manzil boʻyicha buyurtma xat bilan yuboriladi. Buyurtma xat 
yuborilgan sanadan boshlab hisoblaganda yigirmanchi kun ushbu dalolatnoma topshirilgan sana 
deb hisoblanadi. 
(12-q.)
Oʻziga nisbatan soliq auditi oʻtkazilgan shaxs (uning vakili) soliq tekshiruvi 
dalolatnomasida bayon etilgan faktlarga va (yoki) tekshiruvchilarning xulosalari hamda 
takliflariga rozi boʻlmagan taqdirda, soliq auditi dalolatnomasini olgan kundan eʼtiboran oʻn kun 
ichida tegishli soliq organiga mazkur dalolatnoma boʻyicha umuman yoki uning ayrim holatlari 
yuzasidan yozma eʼtirozlarini taqdim etishga haqli. 
(13-q.)
Soliq toʻlovchi oʻz eʼtirozlarining asoslanganligini tasdiqlovchi hujjatlarni (ularning 
tasdiqlangan koʻchirma nusxalarini) yozma eʼtirozlarga ilova qilishga yoki kelishilgan muddatda 
soliq organiga topshirishga haqli.