O‘zbekistonning boy, betakror tarixi bo'lib, uning o‘ziga xos tarixiy taraqqiyot davrlari bor. Uni quyidagi yirik davrlarga boiish mumkin:
- Ibtidoiy-jamoa tuzumi. - Qadimgi davr: davlatchilikning shakllanishi va rivojlanishi. - O'rta asrlar davri. - Rossiya imperiyasi mustamlakachiligi davri. - Mustabid sovet hokimiyati hukmronligi davri. - Milliy istiqlol davri.
Har qanday jamiyat taraqqiyotining asosiy kuchi ma’naviyat va ma’rifatdir. Ma’naviy barkamolHkni tarbiyalashda Vatan tarixi muhim omil hisoblanadi. "Ma’naviyat, - deb yozadi Islom Karimov, - o‘z xalqining tarixini, uning madaniyati va vazifalarini chuqur bilish va tushunib yetishga suyangandagina qudratli kuchga aylanadi”1, "...tug'ilib o‘sgan yurtida o‘zini boshqalardan kam sezmay, boshini baland ko'tarib yurishi uchun insonga, albatta, tarixiy xotira kerak... Tarixiy xotirasi bor inson - irodali inson".
Insonda tarixiy xotira o‘z Vatani tarixini, o‘z xalqi, ajdodlari tarixini bilish orqali shakllanadi.
