Toshkent tibbiyot akademiyasi miokard infarkti, atipik kechishi, asoratlari

Laborator – asbobiy tekshirishlar. Miokard infarktini laboratoriya 
tekshirish usullari yordamida tashhislash quyidagilarga asoslangan: to‘qima 
nekrozini nospesifik ko‘rsatgichlari va miokarddagi yallig‘lanish belgilari; 
giperfermentemiya; qon tarkibida mioglobin va troponinlar miqdorini oshishi. 
MI rivojlanganda quyidagi asosiy laborator belgilarda aks etadi: 
 Tana xaroratini ko‘tarilishi (subfebril ko‘rsatgichlardan 38,5-390S gacha); 
 Leykositoz, aksariyat hollarda 12-15 x109/l gacha; 
 Aneozinofiliya; 
 Leykositlar formulasini bir oz (tayoqcha yadrolilar tomonga) chapga siljishi; 
 ECHT oshishi.
Bu nospesifik ko‘rsatgichlar klinik va EKG belgilar bilan solishtirilgan 
holda tahlil qilinishi kerak.
Miokard nekrozi markerlari. Troponinlar. Qisqaruvchi miokarddagi 
tropomiozinlar kompleksi tarkibiga kiruvchi T va I troponin konsentrasiyasini 
oshishi kardiomiositlar nekrozidan dalolat beruvchi yuqori sezuvchan va spesifik 
(xos) marker (ko‘rsatgich) hisoblanadi. Sog‘lom odam qonida kardiospesifik 
troponinlar aniqlanmaydi yoki ularning miqdori minimal ko‘rsatgichdan oshmaydi. 
Kardiomiositlar nekrozi T va I troponinlar miqdorini qisqa vaqt ichida keskin 
oshishiga olib keladi. Ular ko‘rsatgichi og‘riq xuruji boshlangandan keyin 2-6 soat 
ichida miyoriy ko‘rsatgichning yuqori chegarasidan oshib ketadi va MI ning 
birinchi 2 haftasi davomida balandligicha saqlanib qoladi. Qon zardobida troponin 
miqdorini aniqlash O‘KS negizida MI rivojlanish xavfini erta aniqlash imkonini 
yaratadi. 
Mioglobin. Qon tarkibida mioglobin konsentrasiyasini oshishi MI 
tashhislashda yuqori sezuvchan, lekin nospesifik ko‘rsatgich hisoblanadi. Uning 
ko‘rsatgichi og‘riq xuruji yuzaga kelgandan keyin 2-4 soat ichida oshadi va undan 
keyingi 24-48 soat davomida saqlanib turadi. Yurak mushagidan mioglabinni 

---

ajralib chiqishi va konsentrasiyasini oshishi nekroz o‘chog‘i hosil bulishidan ancha 
oldin, ya’ni kardiomiositlarni ishemik shikastlanish bosqichida yuzaga keladi. 
Spesifik bo‘lmagan nekroz markerlari aniqlanadi: kreatinfosfokinaza (KFK), 
ayniqsa uning MV – fraksiyasi (MV-KFK), laktatdegidragenazalar (LDG) va 
uning 1 izofermenti (LDG1), aspartataminotransferazalar (AsAT). Qon zardobida 
fermentlar faolligini oshishining asosiy sababi MI da kardiomiositlar halok bo‘lishi 
va ozod bo‘lgan hujayra fermentlarini qonga chiqishi xisoblanadi.